ຂ່າວສານປະເທດລາວ

ຜົນສຳເລັດຂອງກອງປະຊຸມໃຫຍ່ ສະມາຊິກພັກ ຄັ້ງທີ I ອົງຄະນະພັກ ຫສປທ

13/10/2026 08:20

ກອງປະຊຸມໃຫຍ່ສະມາຊິກພັກ ຄັ້ງທີ II ຂອງອົງຄະນະພັກຫ້ອງວ່າການສໍານັກງານປະທານປະເທດ (ຫສປທ) ຈັດຂຶ້ນໃນວັນທີ 9 ຕຸລາ 2026 ພາຍໃຕ້ຄໍາຂວັນ "ຍົກສູງບົດບາດການນຳພາຂອງອົງຄະນະພັກ, ຕັ້ງໜ້າເສີມສ້າງຂີດຄວາມສາມາດໃນການເປັນເສນາທິການໃຫ້ເຂັ້ມແຂງ, ວ່ອງໄວ ແລະ ທັນສະໄໝ" ໃຫ້ກຽດເຂົ້າຮ່ວມໂດຍສະຫາຍ ພົອ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ພາຍໃຕ້ການເປັນປະທານໂດຍສະຫາຍ ນາງ ຟອງສະໝຸດ ອັ່ນລາວັນ ເລຂາຄະນະບໍລິຫານງານພັກ, ຫົວໜ້າຫ້ອງວ່າການສໍານັກງານປະທານປະເທດ, ມີຄະນະບໍລິຫານງານພັກ, ພ້ອມດ້ວຍສະມາຊິກພັກສົມບູນທົ່ວອົງຄະນະພັກ ຫ້ອງວ່າການສຳນັກງານປະທານປະເທດ ເຂົ້າຮ່ວມ.

ເສດຖະກິດ

ລັດຖະບານສົ່ງເສີມການນຳໃຊ້ລົດໄຟຟ້າ ແລະ ພະລັງງານໃໝ່ ເປັນປັດໄຈເພື່ອສ້າງຄວາມໝັ້ນຄົງທາງດ້ານເສດຖະກິດ

09/10/2026 22:19

ປັດຈຸບັນລັດຖະບານ ໄດ້ກຳນົດເປົ້າໝາຍສູ້ຊົນໃຫ້ມີອັດຕາການຊົມໃຊ້ລົດໄຟຟ້າໃຫ້ບັນລຸຢ່າງໜ້ອຍ 30% ຂຶ້ນໄປໃນປີ 2030 ແລະ ໄດ້ຍົກລະດັບການສົ່ງເສີມການນຳໃຊ້ລົດໄຟຟ້າ ແລະ ພະລັງງານໃໝ່ (EV) ເປັນຍຸດທະສາດເພື່ອສ້າງຄວາມໝັ້ນຄົງທາງດ້ານເສດຖະກິດ. ສະນັ້ນ, ການຫັນປ່ຽນໄປສູ່ການນຳໃຊ້ລົດໄຟຟ້າຈຶ່ງບໍ່ແມ່ນທາງເລືອກ ແລະ ທາງລອດໃນໄລຍະຍາວ, ທັງມີຄວາມຈຳເປັນໃນການຫຼຸດຜ່ອນການໄຫຼອອກຂອງເງິນຕາຕ່າງປະເທດ ເພື່ອຊື້ນໍ້າມັນເຊື້ອໄຟ ແລະ ຫັນມານຳໃຊ້ທ່າແຮງພະລັງງານໄຟຟ້ານໍ້າຕົກ ແລະ ພະລັງງານສະອາດທີ່ຜະລິດໄດ້ເອງພາຍໃນປະເທດແມ່ນຍຸດທະສາດທີ່ສຳຄັນຂອງການພັດທະນາຕາມທິດ ສອຈ.