ຍົກລະດັບມະຫາວິທະຍາໄລວິທະຍາສາດສຸຂະພາບ ເປັນມະຫາວິທະຍາໄລວິທະຍາສາດສຸຂະພາບແຫ່ງຊາດ

16/11/2026 10:04
ຂປລ ພິທີປະກາດຍົກລະດັບ ມະຫາວິທະຍາໄລວິທະຍາສາດສຸຂະພາບ (ມວສ) ເປັນມະຫາວິທະຍາໄລວິທະຍາສາດສຸຂະພາບແຫ່ງຊາດ (ມວສຊ), ພ້ອມທັງເປີດສົກຮຽນໃໝ່ 2026- 2027 ຈັດຂຶ້ນໃນວັນທີ 13 ພະຈິກ 2026 ຢູ່ວິທະຍາເຂດດົງໂພສີ ມວສຊ, .

   

   ຂປລ.ໂດຍໃຫ້ກຽດເຂົ້າຮ່ວມຂອງ ທ່ານ ສະເຫລີມໄຊ ກົມມະສິດ ນາຍົກລັດຖະມົນຕີ, ມີລັດຖະມົນຕີ, ຮອງລັດຖະມົນຕີ, ອະດີດການນໍາກະຊວງສາທາລະນະສຸກ, ບັນດາຜູ້ອໍານວຍການ-ຮອງອໍານວຍການໃຫຍ່ ແລະ ຄູ-ອາຈານ ເຂົ້າຮ່ວມ ແລະ ໄດ້ຮັບຟັງລາຍງານຜົນສໍາເລັດອັນພົ້ນເດັ່ນໃນສົກຮຽນ 2025- 2026 ແລະ ທິດທາງຈຸດສຸມ 2026- 2027 ຈາກ ທ່ານ ມາຍຟອງ ມາຍຊາຍ ຜູ້ອຳນວຍການໃຫຍ່ ມວສຊ ໃນພິທີ ທ່ານ ສະເຫລີມໄຊ ກົມມະສິດ ໄດ້ກ່າວວ່າ: ການຂະໜານນາມ ແລະ ປະກາດ ມວສ ເປັນ ມວສຊ ແມ່ນສັນຍະລັກຂອງການຍົກລະດັບຄວາມຮັບຜິດຊອບ, ພັນທະກິດ ແລະ ຄວາມໄວ້ເນື້ອເຊື່ອໃຈຂອງສັງຄົມ.

   ມັນຮຽກຮ້ອງໃຫ້ ມວສຊ ຕ້ອງເປັນເສົາຫລັກໃນການກຳນົດມາດຕະຖານຄຸນນະພາບການສຶກສາສາທາລະນະສຸກ ເປັນກຳລັງແຮງຕ້ົນຕໍໃນການຄ້ົນ ຄວ້າວິທະຍາສາດສຸຂະພາບ ແລະ ເປັນບ່ອນສ້າງບຸກຄະລາກອນທາງການແພດທີ່ມີຄຸນນະພາບສູງ. ການລວມສູນ ທາງດ້ານການສຶກສາສາທາລະນະສຸກ ໂດຍການເຕົ້າໂຮມເອົາບັນດາສະຖານການສຶກສາສາທາລະນະສຸກ ໃນຂອບເຂດທົ່ວປະເທດ ມາເປັນເຄືອຂ່າຍດ້ານວິຊາການອັນດຽວກັນຢູ່ໃນ ມວສຊ ຖືເປັນວິໄສທັດ ແລະ ການນໍາພາ-ຊີ້ນໍາທີ່ຖືກຕ້ອງ ແລະ ສ່ອງໃສຂອງຄະນະພັກ- ຄະນະນໍາ ກະຊວງສາທາລະນະສຸກ ກໍຄື ຂອງ ມວສຊ ເພື່ອເຮັດໃຫ້ມາດຕະຖານການສຶກສາສາທາລະນະສຸກ ມີຄວາມເປັນເອກະພາບ ແລະ ຮັບປະກັນຄຸນນະພາບຫລາຍຂຶ້ນກວ່າເກົ່າ; ມວສ ແຫ່ງຊາດ ບໍ່ໄດ້ຖືກຮັບຮອງເພື່ອໃຫ້ມີຄວາມຮັບຜິດຊອບພຽງແຕ່ເຂດເທສະບານ ຫລື ນະຄອນຫລວງເທົ່ານັ້ນ, ແຕ່ຈະຕ້ອງແບກຫາບຄວາມໝັ້ນຄົງດ້ານສຸຂະພາບ, ການມີສຸຂະພາບທີ່ດີຂອງຄົນທັງຊາດ ຊຶ່ງມັນໝາຍເຖິງການກຳນົດມາດຕະຖານດ້ານການສຶກສາສາທາລະນະສຸກ, ການເສີມຂະຫຍາຍການຄົ້ນຄວ້າວິທະຍາສາດ ແລະ ນະວັດຕະກໍາ ທາງສຸຂະພາບ ແລະ ການຮັບປະກັນ ວ່າ: ທຸກໆນະໂຍບາຍ, ທຸກໆບຸກຄະລາ ກອນທາງການແພດທີ່ສໍາເລັດການສຶກ ສາ ແລະ ທຸກໆນະວັດຕະກໍາ ສາມາດນໍາ ໄປໃຊ້ເພື່ອປະໂຫຍດສູງສຸດຂອງປະຊາ ຊົນໃນທຸກໆແຂວງ, ທຸກໆເມືອງ ແລະ ທຸກໆເຂດຫ່າງໄກສອກຫລີກ; ຄວາມໝັ້ນຄົງ ແລະ ຄວາມຮັ່ງມີຍືນຍົງຂອງຊາດ ຕິດພັນຢ່າງສະໜິດແໜ້ນກັບສຸຂະພາບທີ່ແຂງແຮງ ແລະ ຄວາມຢູ່ດີກິນດີຂອງປະຊາຊົນ.

   ຄວາມໝັ້ນຄົງດ້ານສຸຂະພາບທີ່ແທ້ຈິງ ບໍ່ສາມາດອາໄສພຽງແຕ່ຮູບແບບຈາກພາຍນອກເທົ່ານັ້ນ, ແຕ່ມັນຮຽກຮ້ອງໃຫ້ ສປປ ລາວ ຕ້ອງສ້າງລະບົບທີ່ອີງໃສ່ຫລັກຖານວິທະຍາສາດຂອງຕົນເອງ ທີ່ສອດຄ່ອງກັບສະພາບຄວາມເປັນຈິງດ້ານເສດຖະກິດ- ສັງຄົມ, ໂຄງສ້າງປະຊາກອນ ແລະ ສຸຂະພາບຂອງປະຊາຊົນລາວ. ໃນຖານະທີ່ຖືກຍົກລະດັບເປັນ ມວສຊ ໄດ້ຮັບຄວາມໄວ້ວາງໃຈໃຫ້ເປັນຜູ້ນຳພາໃນດ້ານນີ້. ຜ່ານການປະເມີນເຕັກໂນໂລຊີດ້ານສຸຂະພາບ (HTA) ທີ່ອ້າງອີງ ໃສ່ຂໍ້ມູນພາຍໃນ, ການຄົ້ນຄວ້າທາງຄລີນິກ ແລະ ການລົງໃກ້ສິດຕິດແທດກັບຊຸມຊົນ, ມວສຊ ຈະຊ່ວຍໃຫ້ການຕັດສິນໃຈດ້ານນະໂຍບາຍສາທາລະນະສຸກ ໃຫ້ມີປະສິດທິຜົນສູງສຸດ ແລະ ເໝາະສົມກັບປະຊາຊົນ. ຄຽງຄູ່ກັບນະໂຍບາຍດ້ານສາທາລະນະສຸກ ຫລື ການບໍລິການຮັກສາສຸຂະພາບທ່ີມີຄຸນນະພາບ, ຕ້ອງໃຫ້ຄວາມສໍາຄັນກັບຄວາມສະເໝີພາບເຊັ່ນກັນ: ໃນຂະນະທີ່ເຮົາຂະຫຍາຍນະວັດຕະກໍາທາງວິທະຍາສາດ ແລະ ການບໍລິການທີ່ມີຄຸນນະພາບ, ຕ້ອງບໍ່ປ່ອຍປະລະເລີຍກັບກຸ່ມປະຊາຊົນທີ່ມີຄວາມບອບບາງ, ຕ້ອງທັບມ້າງອຸປະສັກທີ່ກີດຂວາງການເຂົ້າເຖິງການບໍລິການ ຂອງປະຊາຊົນບັນດາເຜົ່າ ແລະ ເຮົາຕ້ອງປົກປ້ອງສຸຂະພາບຂອງແມ່ ແລະ ເດັກ ໃນທຸກໆໄລຍະຊີວິດ; ຄະນະນໍາ, ຄູ-ອາຈານ ແລະ ບຸກຄະລາກອນຂອງ ມວສຊ, ລັດຖະບານ ສປປ ລາວ ໄດ້ມອບຄວາມໄວ້ວາງໃຈອັນສູງສ່ົງໃຫ້ໃນຂະນະທີ່ການພັດທະນາພ້ືນຖານໂຄງລ່າງ (ຊຶ່ງລວມມີການປຸກສ້າງສູນຈໍາລອງການຮຽນ-ການສອນ ຫລື Modern Simulation Center ແລະ ໂຮງໝໍມະຫາວິທະຍາໄລ ຂະໜາດ 400 ຕຽງ), ກໍາລັງສ້າງມາດຕະຖານໃໝ່ ໃຫ້ກັບວົງການສາທາລະນະສຸກຂອງລາວ ຕິດພັນກັບການຫັນເປັນເສດຖະກິດເອກະລາດ ເປັນເຈົ້າຕົນເອງດ້ວຍການສ້າງລາຍຮັບກຸ້ມຕົນເອງເທື່ອລະກ້າວ. ໃນໂລກທີ່ມີການເຊື່ອມໂຍງກັນຄວາມໝັ້ນຄົງດ້ານສຸຂະພາບຮຽກຮ້ອງໃຫ້ມີການຮ່ວມມືໃນພາກພື້ນ ແລະ ສາກົນ. ພະຍາດຕິດຕໍ່ບໍ່ເຄີຍມີພົມແດນ ແລະ ເຊື້ອພະຍາດບໍ່ຈໍາເປັນຕ້ອງມີພາສ ປອດ (Passport) ໃນການເດີນທາງ ແລະ ການລະບາດຂອງພະຍາດໂຄວິດ-19 ໄດ້ກາຍເປັນບົດຮຽນທີ່ສອນໃຫ້ມວນມະນຸດທົ່ວໂລກຮູ້ວ່າ: ເຮົາຕ້ອງມີການກຽມພ້ອມທຸກເວລາ ແລະ ເຮົາຕ້ອງມີຄວາມເຂັ້ມແຂງໃນທຸກສະຖານະການ ໂດຍສະເພາະໃນສະພາບການຂອງໂລກປັດຈຸບັນບໍ່ວ່າຈະເປັນດ້ານການເມືອງ, ການທະຫານ, ເສດຖະກິດ, ການໂຈມຕີທາງໄຊເບີ ແລະ ອື່ນໆທີ່ກໍາລັງຜັນແປຢ່າງສະຫລັບສັບຊ້ອນ ແລະ ຄາດເດົາໄດ້ຍາກ. 

    ສະນັ້ນ, ຮຽກຮ້ອງໃຫ້ກຽມພ້ອມທຸກເວລາເພື່ອຮັບມືກັບສະພາບ ຫລື ເຫດການສຸກເສີນທີ່ອາດຈະເກີດຂຶ້ນໃນອະນາຄົດ. ສະນັ້ນ, ເພື່ອຮັບປະກັນຄວາມພ້ອມ ແລະ ການຕອບໂຕ້ຕໍ່ເຫດການສຸກເສີນຢ່າງທັນການ, ການຫັນເປັນທັນສະໄໝ ຫລື ດີຈິຕອນເພື່ອ ເຊື່ອມໂຍງ-ເຊື່ອມຈອດໃນທຸກມິຕິມີຄວາມຈໍາເປັນ ແລະ ຂາດບໍ່ໄດ້ໃນຍຸກສະໄໝປັດຈຸບັນ. 

ຂ່າວ-ພາບ: ບຸນອູ້ມ

KPL

ຂ່າວອື່ນໆ

    • ແລກປ່ຽນບົດຮຽນວຽກບໍລິຫານໂຮງຮຽນກິນນອນສຶກສາ-ກິລາ

      ແລກປ່ຽນບົດຮຽນວຽກບໍລິຫານໂຮງຮຽນກິນນອນ

      11/16/2026 9:53:51 AM

      ໂຮງຮຽນວັດທະນະທຳຊົນເຜົ່າກອງທັບ ແລະ ສະຖາບັນກິລາ-ກາຍຍະກຳ ພົບປະແລກປ່ຽນບົດຮຽນ ວຽກງານການບໍລິຫານໂຮງຮຽນກິນນອນ

    • ມອບ-ຮັບໂຄງການປັບປຸງສະໜາມກິລາເຈົ້າອະນຸວົງສຶກສາ-ກິລາ

      ມອບ-ຮັບໂຄງການປັບປຸງສະໜາມກິລາເຈົ້າອະນຸວົງ

      11/12/2026 9:55:11 AM

      ພິທີ ມອບ-ຮັບ ໂຄງການປັບປຸງສະໜາມກິລາເຈົ້າອະນຸວົງ ຈັດຂຶ້ນ ໃນວັນທີ 11 ພະຈິກ 2026 ໂດຍມີ ທ່ານ ທອງສະລິດ ມັງໜໍ່ເມກ ຮອງນາ ຍົກລັດຖະມົນຕີ, ລັດຖະມົນຕີກະຊວງ ສຶກສາທິການ ແລະ ກິລາ, ທ່ານ ໂຄອິຊຶມິ ຊຶໂຕມຸ ເອກອັກຄະຣາຊະທູດຍີ່ປຸ່ນ ປະຈຳ ລາວ, ມີຮອງປະ ທານຄະນະກຳມາທິການບໍລິຫານງານອົງການ JICA, ບັນດາການນຳພັກ, ລັດ ຂອງ ສອງປະເທດ ລາວ-ຍີ່ປຸ່ນ ເຂົ້າຮ່ວມ.

    • ລາວ-ຈີນ ຫາລືແຜນຮ່ວມມືຍຸດທະສາດດ້ານການສຶກສາສຶກສາ-ກິລາ

      ລາວ-ຈີນ ຫາລືແຜນຮ່ວມມືຍຸດທະສາດດ້ານການສຶກສາ

      11/11/2026 9:52:12 AM

      ເມ່ືອບ່ໍດົນມານີ້, ທ່ານ ທອງສະລິດ ມັງໜໍ່ເມກ ຮອງນາຍົກລັດຖະມົນຕີ, ລັດຖະມົນຕີກະຊວງສຶກສາທິການ ແລະ ກິລາ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່່ານັບຂອງທ່ານນາງ ເຫວີຍສືເຈີນ ຜູ້ອໍານວຍການໃຫຍ່ມະຫາວິທະຍາໄລຊົນເຜົ່າກວາງຊີ ສປ ຈີນ ເພື່ອເຂົ້າຢ້ຽມຢາມ ແລະ ປຶກສາຫາລືກ່ຽວກັບແຜນການຮ່ວມມືຍຸດທະສາດລະຫວ່າງສອງປະເທດ ລາວ-ຈີນ ໂດຍມີຫົວໜ້າກົມ, ຮອງຫົວໜ້າກົມ, ຫົວໜ້າສະຖາບັນຂົງຈື ມະຫາວິທະຍາໄລແຫ່ງຊາດ ແລະ ພາກສ່ວນກ່ຽວຂ້ອງທັງສອງຝ່າຍ ເຂົ້າຮ່ວມ.

    • ສົ່ງເສີມການສະໜັບສະໜູນຄູ ເນັ້ນໃສ່ການນຳພາໃນຂັ້ນທ້ອງຖິ່ນຢູ່ ສປປ ລາວສຶກສາ-ກິລາ

      ສົ່ງເສີມການສະໜັບສະໜູນຄູ ເນັ້ນໃສ່ການນຳພາໃນຂັ້ນທ້ອງຖິ່ນຢູ່ ສປປ ລາວ

      10/30/2026 9:31:17 AM

      ກະຊວງສຶກສາທິການ ແລະ ກິລາ (ສສກ) ແຫ່ງ ສປປ ລາວ ໂດຍໄດ້ຮັບການສະໜັບສະໜູນຈາກລັດຖະບານອົດສະຕຣາລີ ຜ່ານແຜນງານບີຄວາ ຈັດສຳມະນາຄັ້ງທີ 2 ກ່ຽວກັບ “ການຂຽນເອກະສານການຊ່ວຍເຫຼືອຄູ” ໃນວັນທີ 19-23 ຕຸລາ 2026. ກອງປະຊຸມດັ່ງກ່າວຈະຊ່ວຍໃຫ້ຜູ້ຝຶກອົບຮົມຄູສາມາດພັດທະນາເອກະສານທີ່ນຳໄປໃຊ້ໄດ້ຈິງ ເພື່ອສະໜັບສະໜູນຄູ, ພ້ອມທັງສົ່ງເສີມຄວາມສາມາດຂອງເຂົາເຈົ້າໃນການສ້າງ ແລະ ປັບປຸງເອກະສານເຫຼົ່ານັ້ນໃນອະນາຄົດ.

    • ອະດີດຮອງປະທານປະເທດ ເຄື່ອນໄຫວຢ້ຽມຢາມໂຮງຮຽນປະຖົມບ້ານແກສຶກສາ-ກິລາ

      ອະດີດຮອງປະທານປະເທດ ເຄື່ອນໄຫວຢ້ຽມຢາມໂຮງຮຽນປະຖົມບ້ານແກ

      10/28/2026 9:51:27 AM

      ວັນທີ 25 ຕຸລາ 2026 ຜ່ານມາ, ທ່ານ ນາງ ປານີ ຢາທ່ໍຕູ້ ອະດີດກຳມະການກົມການເມືອງສູນກາງພັກ, ອະດີດຮອງປະທານປະເທດ, ອະດີດຜູ້ຊີ້ນຳວຽກງານຮອບດ້ານແຂວງຈຳປາສັກ ໄດ້ເດີນທາງມາຢ້ຽມຢາມ ແລະ ມອບເຄື່ອງບັນເທົາທຸກ ພ້ອມທຶນເພື່ອຊຸກຍູ້, ພັດທະນາໂຮງຮຽນປະຖົມບ້ານແກ ນະຄອນປາກເຊ.

ads
ads

Top