ຂປລ
ທ່ານແດວິດ ແມັກກວຸນຕີ ລັດຖະມົນຕີ ກະຊວງ ປ້ອງກັນປະເທດ ການາດາ ໄດ້ຢືນຢັນ ໃນຖະແຫລງການ ສະບັບໜຶ່ງວ່າ, ການາດາ ໄດ້ເຂົ້າຮ່ວມ ແຜນການ “ການເຄື່ອນໄຫວ ຄວາມໝັ້ນຄົງ ເອີຣົບ” ຫລື SAFE ຂອງ ສະຫະພາບເອີຣົບ ຢ່າງເປັນທາງການ.
ຂປລ. ວິທະຍຸ ໂທລະພາບ ສູນກາງຈີນ (CMG): ອີງຕາມ ການລາຍງານຂ່າວ ຈາກ ການາດາ ເມື່ອບໍ່ດົນມານີ້ ໃຫ້ຮູ້ວ່າ: ທ່ານແດວິດ ແມັກກວຸນຕີ ລັດຖະມົນຕີ ກະຊວງ ປ້ອງກັນປະເທດ ການາດາ ໄດ້ຢືນຢັນ ໃນຖະແຫລງການ ສະບັບໜຶ່ງວ່າ, ການາດາ ໄດ້ເຂົ້າຮ່ວມ ແຜນການ “ການເຄື່ອນໄຫວ ຄວາມໝັ້ນຄົງ ເອີຣົບ” ຫລື SAFE ຂອງ ສະຫະພາບເອີຣົບ ຢ່າງເປັນທາງການ. ການາດາ ໄດ້ກາຍເປັນ ປະເທດ ທີ່ບໍ່ແມ່ນ ປະເທດ ເອີຣົບ ປະເທດທຳອິດ ທີ່ເຂົ້າຮ່ວມ ແຜນການດັ່ງກ່າວ.
ທ່ານແດວິດ ແມັກກວຸນຕີ ໄດ້ລະບຸ ໃນຖະແຫລງການ ສະບັບ ດັ່ງກ່າວວ່າ: ສັນຍາ ສະບັບນີ້ ໄດ້ເພີ່ມທະວີຄວາມໝັ້ນຄົງ ລວມໝູ່ ຂອງ ພວກຂ້າພະເຈົ້າ, ສະໜັບສະໜູນ ການພັດທະນາ ຄວາມສາມາດ ປ້ອງກັນ ປະເທດ ທີ່ສຳຄັນ, ເຮັດໃຫ້ ການາດາ ສາມາດເຂົ້າສູ່ ຕະຫລາດ ວຽກງານ ປ້ອງກັນ ປະເທດ ຂອງ ເອີຣົບ, ໃນຂະນະດຽວກັນ ໄດ້ປະກອບສ່ວນ ເຂົ້າໃນ ຄວາມໝັ້ນຄົງ ຂອງ ເອີຣົບ ແລະ ອູແກຣນ.
ຕາມຂ່າວແຈ້ງວ່າ, ແຜນການ “ການເຄື່ອນໄຫວ ຄວາມໝັ້ນຄົງ ເອີຣົບ” ເປັນແຜນການ ລະດົມທຶນ ດ້ານວຽກງານປ້ອງກັນ ປະເທດ ທີ່ມີ ຂະໜາດສູງເຖິງ 150 ຕື້ເອີໂຣ ເຊິ່ງເປັນ ໂຄງການ ທີ່ ສ້າງຕັ້ງຂຶ້ນ ໂດຍ ສະຫະພາບ ເອີຣົບ ເພື່ອມີຈຸດປະສົງ ແກນກາງ ໃນການ ຍົກລະດັບ ຄວາມສາມາດ ປ້ອງກັນ ປະເທດ ຂອງແຜ່ນດິນໃຫຍ່ ເອີຣົບ./
KPL
