ຂປລ. ໂຄງການເຊື່ອມຕໍ່ສາຍ ສົ່ງໄຟຟ້າ 500 ກິໂລໂວນ (ກວ) ລາວ-ຈີນ ທາງເບື້ອງ ສປປ ລາວ ແລະ ສປ ຈີນ ໄດ້ເຊື່ອມຕໍ່ກັນຢ່າງ ສົມບູນໃນວັນທີ 5 ກຸມພາ 2026, ຊຶ່ງເປັນຂີດໝາຍເຖິງໂຄງການ ວິສະວະກຳສຳຄັນທີ່ໄດ້ລວມເຂົ້າ ໃນແຜນແມ່ບົດວ່າດ້ວຍການສ້າງ ຄູ່ຮ່ວມຊາຕາກຳ ລາວ-ຈີນ ໄດ້ຮັບ ຄວາມຄືບໜ້າຊຶ່ງຕັດສິນຊີ້ຂາດ ແລະວາງພື້ນຖານທີ່ໜັກແໜ້ນສຳລັບ ການເລີ່ມການຜະລິດຢ່າງເຕັມທີ່ໃນ ເດືອນເມສາ 2026 ນີ້. ໂຄງການດັ່ງກ່າວ, ເຊື່ອມຕໍ່ສະ ຖານີໄຟຟ້າ 500 ກວ ນາໝໍ້ 3 ຢູ່ເມືອງ ນາໝໍ້ ແຂວງອຸດົມໄຊ ສປປ ລາວ ແລະ ພາກເໜືອເຊື່ອມຕໍ່ກັບສະຖານີ ໄຟຟ້າ 500 ກວ ສິບສອງພັນນາ ໃນນະຄອນຈິງຮົງ ແຂວງສິບສອງ ພັນນາ ແຂວງຢຸນນານ ສປ ຈີນ, ມີຄວາມຍາວທັງໝົດ 177,5 ກິໂລແມັດ. ໃນນັ້ນ, ເບື້ອງ ສປປ ລາວ ຍາວ 32,5 ກິໂລແມັດ, ໄດ້ ຮັບການລົງທຶນ ແລະ ກໍ່ສ້າງໂດຍ ບໍລິສັດສາຍສົ່ງໄຟຟ້າແຫ່ງຊາດລາວ (EDL-T), ໄດ້ເລີ່ມຕົ້ນກໍ່ສ້າງຢ່າງ ເປັນທາງການໃນວັນທີ 26 ກຸມພາ 2025. ການຮ່ວມມືຢ່າງໃກ້ຊິດ ລະຫວ່າງ ຈີນ ແລະ ລາວ ໄດ້ຊຸກຍູ້ ສົ່ງເສີມການເຊື່ອມຕໍ່ຕະຫລອດທາງ ໃຫ້ສໍາເລັດໄດ້ລ່ວງໜ້າ, ສະແດງ ໃຫ້ເຫັນເຖິງການປະສານງານທີ່ມີ ປະສິດທິພາບ ແລະ ການຮ່ວມມື ຕົວຈິງລະຫວ່າງສອງປະເທດໃນ ໂຄງການຂ້າມຊາຍແດນທີ່ສໍາຄັນ. ພາຍຫລັງໂຄງການດັ່ງກ່າວ ສຳເລັດແລ້ວຈະມີຄວາມສາມາດ ໃນການສົ່ງໄຟຟ້າສອງທິດທາງ 1,5 ລ້ານກິໂລວັດ, ສົ່ງພະລັງງານ ສະອາດປະມານ 3 ຕື້ກິໂລວັດຊົ່ວ ໂມງຕໍ່ປີ ແລະ ຫລຸດຜ່ອນການປ່ອຍ ກາກໂບນອອກປະມານ 2,5 ລ້ານ ໂຕນ ຊຶ່ງຈະເປັນຊ່ອງທາງສີຂຽວ ສໍາລັບການເຊື່ອມຕໍ່ພະລັງງານ ໄຟຟ້າ ແລະ ການບໍລິໂພກພະລັງ ງານສະອາດໃນພາກພື້ນແມ່ນ້ຳ ລ້ານຊ້າງ-ແມ່ນ້ຳຂອງໃນລະຫວ່າງການກໍ່ສ້າງ, ທີມ ງານໂຄງການໄດ້ຍຶດໝັ້ນຫລັກການ ESG ຢ່າງຕໍ່ເນື່ອງ, ປັບປຸງແລວ ເສັ້ນທາງໃຫ້ດີທີ່ສຸດ ແລະ ນໍາໃຊ້ ເຕັກນິກທີ່ທັນສະໄໝທີ່ສຸດ ແລະ ການປູກພືດປ່າຮ່ວມກັນ ເພື່ອຫລຸດ ຜ່ອນການຕັດໄມ້ທຳລາຍປ່າຕາມ ເສັ້ນທາງຫລາຍກວ່າ 83%, ປົກ ປ້ອງລະບົບນິເວດປ່າໄມ້ໃນທ້ອງຖິ່ນ ຢ່າງມີປະສິດທິພາບ. ພ້ອມກັນ ນັ້ນ, ພື້ນທີ່ເກັບກູ້ລະເບີດໄດ້ຖືກຂະ ຫຍາຍອອກໄປເປັນ 70 ແມັດ ທັງສອງຟາກຂອງແລວເສັ້ນທາງ, ເສີມຂະຫຍາຍຄວາມປອດໄພຂອງ ພື້ນທີ່ອ້ອມຂ້າງ. ໂຄງການດັ່ງກ່າວ, ຍັງເປັນປະໂຫຍດຕໍ່ຊຸມຊົນທ້ອງຖິ່ນ, ໂຮງ ຮຽນປະຖົມບ້ານນາໝໍ້ໃຕ້ໄດ້ສຳ ເລັດ ແລະ ມອບການນຳໃຊ້ແລ້ວ. ພ້ອມນີ້, ຍັງໄດ້ສຳເລັດການກໍ່ສ້າງ ແລະ ມອບ-ຮັບ ຫ້ອງສະໝຸດ CSG ຈຳນວນ 5 ແຫ່ງ ຊຶ່ງເປັນການປັບ ປຸງສະພາບການສຶກສາໃນໂຮງ ຮຽນທ້ອງຖິ່ນຂອງລາວ. ໂຄງການ ດັ່ງກ່າວ, ຍັງໄດ້ສ້າງວຽກເຮັດງານ ທໍາຫລາຍຮ້ອຍຕໍາເເໜ່ງ, ຝຶກອົບຮົມ ບຸກຄະລາກອນດ້ານເຕັກໂນໂລຊີ ພະລັງງານໄຟຟ້າໃນທ້ອງຖິ່ນຂອງ ລາວຢ່າງຫ້າວຫັນ ແລະ ປະກອບ ສ່ວນເຂົ້າໃນຄວາມສາມາດໃນການ ພັດທະນາຂອງພາກພື້ນ. ໂຄງການເຊື່ອມຕໍ່ສາຍສົ່ງໄຟຟ້າ 500 ກວ ລາວ-ຈີນ ມີຈຸດໃຈກາງ ຢູ່ທີ່ສະຖານີໄຟຟ້າ 500 ກວ ນ້ຳໝໍ້ 3, ຈະລວມເອົາແຫລ່ງພະລັງງານ ສະອາດອ້ອມຂ້າງເຊັ່ນ: ພະລັງງານ ແສງອາທິດ ແລະ ພະລັງງານນ້ຳ ຊຶ່ງຈະຊ່ວຍເສີມຂະຫຍາຍຄວາມ ສາມາດໃນການສະໜອງໄຟຟ້າ ເຊິ່ງກັນ ແລະ ກັນ ລະຫວ່າງ ລາວຈີນ ຢ່າງມີປະສິດທິພາບ ແລະ ປັບ ປຸງປະສິດທິພາບຂອງລະບົບໄຟຟ້າ ພາກເໜືອຂອງລາວ, ຊຸກຍູ້ສົ່ງເສີມ ການປັບປຸງຍົກລະດັບຂອງໂຄງ ສ້າງພະລັງງານ ແລະ ການພັດທະ ນາອຸດສາຫະກຳຂອງ ສປປ ລາວ.