ຂປລ
ທ່ານ ຕົງຈຸ່ນ ລັດຖະມົນຕີ ກະຊວງປ້ອງກັນປະເທດຈີນ ໄດ້ພົບປະກັບ ທ່ານ ຄຳລຽງ ອຸທະໄກສອນ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດລາວ ທີ່ເດີນທາງມາຢ້ຽມຢາມ ສປ ຈີນ ຢູ່ຕຶກປ່າອີ່ ໃນນະຄອນຫລວງປັກກິ່ງ.
ຂປລ.ວິທະຍຸ ໂທລະພາບ ສູນກາງຈີນ, ວັນທີ 14 ກັນຍານີ້, ທ່ານ ຕົງຈຸ່ນ ລັດຖະມົນຕີ ກະຊວງປ້ອງກັນປະເທດຈີນ ໄດ້ພົບປະກັບ ທ່ານ ຄຳລຽງ ອຸທະໄກສອນ ຮອງນາຍົກລັດຖະມົນຕີ ລັດຖະມົນຕີ ກະຊວງປ້ອງກັນປະເທດລາວ ທີ່ເດີນທາງມາຢ້ຽມຢາມ ສປ ຈີນ ຢູ່ຕຶກປ່າອີ່ ໃນນະຄອນຫລວງປັກກິ່ງ. ທ່ານ ຕົງຈຸ່ນ ກ່າວວ່າ: ສປ ຈີນ- ສປປ ລາວ ມີຊາຕາກຳຮ່ວມກັນ, ມີໄມຕີຈິດມິດຕະພາບ ພິເສດແບບ “ສະຫາຍ ແລະ ອ້າຍນ້ອງ”. ກອງທັບຈີນ ຍິນດີຮ່ວມກັບກອງທັບລາວ, ເດັດດ່ຽວ ປະຕິບັດຄວາມຮັບຮູ້ ທີ່ເປັນເອກະພາບກັນ ອັນສຳຄັນ ລະຫວ່າງ ປະມຸກລັດ ສອງປະເທດ, ເພີ່ມທະວີ ການແລກປ່ຽນກັນ ລະຫວ່າງ ການນຳຂັ້ນສູງ ໃຫ້ແໜ້ນແຟ້ນຕື່ມອີກ, ຊຸກຍູ້ການຮ່ວມມື ທີ່ຕິດແທດຕົວຈິງໃນຂົງເຂດຕ່າງໆ ໃຫ້ມີຄຸນນະພາບ ແລະ ປະສິດທິພາບສູງ ຂຶ້ນຕື່ມອີກ, ເພື່ອສະໜອງ ການຄ້ຳຊູທີ່ແຂງແຮງ ໃຫ້ແກ່ ການສ້າງຄູ່ຮ່ວມຊາຕາກຳຈີນ-ລາວ ໃນທຸກສະພາບການຂອງຍຸກໃໝ່ ແລະ ຮ່ວມກັນປົກປັກຮັກສາ ສະຖຽນລະພາບຂອງພາກພື້ນ.ຈາກນັ້ນ ທ່ານ ຄຳລຽງ ອຸທະໄກສອນ ໄດ້ກ່າວວ່າ: ສປປ ລາວ ຍິນດີເພີ່ມທະວີ ການແລກປ່ຽນ ລະຫວ່າງ ການນຳຂັ້ນສູງ ຂອງສອງກອງທັບ ແລະ ການແລກປ່ຽນໃນຂັ້ນຕ່າງໆກັບ ສປ ຈີນ ເພື່ອຊຸກຍູ້ ໃຫ້ການຮ່ວມມື ທີ່ຕິດແທດຕົວຈິງ ໃນຂົງເຂດຕ່າງໆ ໄດ້ຮັບໝາກຜົນຫລາຍ ກວ່າເກົ່າ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
