ໂອກາດນີ້, ສະຫາຍ ທອງລຸນ ສີສຸລິດ ໄດ້ຕາງໜ້າໃຫ້ຄະນະບໍລິ ຫານງານສູນກາງພັກ, ສະພາແຫ່ງ ຊາດ, ປະທານປະເທດ, ລັດຖະບານ ແຫ່ງ ສປປ ລາວ, ສູນກາງແນວ ລາວສ້າງຊາດ ແລະ ຄອບຄົວຂອງ ສະຫາຍ ໄຊສົມພອນ ພົມວິຫານ ສະແດງຄວາມຊາບຊຶ້ງ ແລະ ຂອບ ໃຈຕໍ່ສະຫາຍ ເຈີນ ແທັງ ເໝີ້ນ ທີ່ໄດ້ ນໍາພາຄະນະຜູ້ແທນຂັ້ນສູງພັກ, ລັດ ແລະ ປະຊາຊົນຫວຽດນາມອ້າຍ ນ້ອງເດີນທາງມາຮ່ວມພິທີວາງ ພວງມາລາ ແລະ ໄວ້ອາໄລເຖິງດວງ ວິນຍານຂອງສະຫາຍ ໄຊສົມພອນ ພົມວິຫານ ຊຶ່ງເປັນການບິແບ່ງ ຄວາມເສົ້າໂສກເສຍດາຍຂອງພັກ, ລັດ ແລະ ປະຊາຊົນລາວບັນດາ ເຜົ່າ ແລະ ທັງເປັນການສະແດງ ໃຫ້ເຫັນນໍ້າໃຈແຫ່ງສາຍພົວພັນ ມິດຕະພາບທີ່ຍິ່ງໃຫຍ່, ຄວາມສາ ມັກຄີພິເສດອັນສະເໝີຕົ້ນສະເໝີ ປາຍລະຫວ່າງສອງພັກ, ສອງລັດ ລາວ-ຫວຽດນາມ ຊຶ່ງຍາມໃດການ ນໍາສອງພັກ, ສອງລັດ ກໍໄດ້ຢັ້ງຢືນ ວ່າຄວາມສາມັກຄີ, ການຮ່ວມມື, ການສະໜັບສະໜູນຊ່ວຍເຫລືອເຊິ່ງ ກັນ ແລະ ກັນຂອງສອງປະເທດ ລາວ-ຫວຽດນາມ ນັ້ນແມ່ນເປັນ ກົດເກນພາວະວິໄສ, ເປັນປັດໄຈ ທີ່ມີຄວາມໝາຍຕັດສິນໄຊຊະນະ ພາລະກິດປະຕິວັດຂອງແຕ່ລະພັກ, ແຕ່ລະປະເທດ, ເຖິງວ່າສະພາບການ ຂອງໂລກ ຈະຜັນແປໄປຢ່າງສັບສົນ ກໍຕາມແຕ່ສອງປະເທດຍັງຕັດສິນ ໃຈຮ່ວມກັນປົກປັກຮັກສາ ແລະ ເສີມ ຂະຫຍາຍສາຍພົວພັນພິເສດ, ບໍລິສຸດ ຜຸດຜ່ອງ, ໃສແຈ້ງ ແລະ ຫາຍາກ ໃຫ້ນັບມື້ພັດທະນາເຂົ້າສູ່ລວງເລິກ ໃນທຸກຂົງເຂດວຽກງານ. ສະຫາຍ ທອງລຸນ ສີສຸລິດ ຍັງໄດ້ຕີລາຄາວ່າ ສະຫາຍ ໄຊສົມພອນ ພົມວິຫານ ເປັນໜຶ່ງໃນບັນດາສະຫາຍການ ນໍາຫລັກແຫລ່ງຂອງພັກປະຊາຊົນ ປະຕິວັດລາວທີ່ມີຄວາມຮູ້ຄວາມ ສາມາດ ແລະ ແກນນໍາຂອງສູນ ກາງພັກ ໃນການນໍາພາ-ຊີ້ນໍາ ການປະຕິວັດໃນເມື່ອກ່ອນ ແລະ ພາລະກິດປົກປັກຮັກສາ ແລະ ພັດ ທະນາປະເທດຊາດ ກໍຄື ເປັນຜູ້ນໍາ ໜ້າໃນການຈັດຕັ້ງປະຕິບັດແນວ ທາງປ່ຽນແປງໃໝ່ຮອບດ້ານມີ ຫລັກການຂອງພັກ; ເປັນນັກປະຕິ ວັດທີ່ມີນໍ້າໃຈຮັກຊາດອັນສູງສົ່ງ ແລະ ເປັນຜູ້ນໍາທີ່ດີເດັ່ນຂອງພັກ, ຂອງຊາດ, ຕະຫລອດຊີວິດຂອງ ສະຫາຍໄດ້ອຸທິດສະຕິປັນຍາ ແລະ ເຫື່ອແຮງເພື່ອພາລະກິດປະຕິວັດ, ເພື່ອການພັດທະນາປະເທດຊາດ ແລະ ຄວາມຢູ່ດີກິນດີໃຫ້ແກ່ປະ ຊາຊົນລາວບັນດາເຜົ່າ. ໃນຍາມ ຍັງມີຊີວິດ, ສະຫາຍ ໄຊສົມພອນ ພົມວິຫານ ໄດ້ເອົາໃຈໃສ່ເປັນພິເສດ ໃນການເພີ່ມພູນຄູນສ້າງສາຍພົວ ພັນມິດຕະພາບອັນຍິ່ງໃຫຍ່ ລາວຫວຽດນາມ, ຖືເປັນບຸລິມະສິດ ອັນດັບຕົ້ນໃນແນວທາງການຕ່າງ ປະເທດຂອງຕົນ, ມີຄວາມຮັກແພງ ສະໜິດສະໜົມກັບຜູ້ນໍາພັກ, ລັດ ຫວຽດນາມ ແລະ ຢືນຢັນວ່າໃນ ທ່າມກາງຄວາມໂສກເສົ້າເສຍໃຈ ແລະ ອາໄລອາວອນຢ່າງສຸດຊຶ້ງນີ້ ທົ່ວພັກ, ທົ່ວລັດ, ທົ່ວກໍາລັງປະກອບ ອາວຸດ, ພະນັກງານ, ສະມາຊິກພັກ ແລະ ທົ່ວປວງຊົນລາວທັງຊາດ ຈະຫັນຄວາມເສົ້າສະຫລົດໃຈ ແລະ ຄວາມອາໄລຮັກຕໍ່ສະຫາຍ ໄຊສົມພອນ ພົມວິຫານ ໃຫ້ກາຍເປັນ ການກະທໍາຕົວຈິງ, ສາມັກຄີເປັນ ປຶກແຜ່ນແໜ້ນໜາອ້ອມຂ້າງຄະນະ ບໍລິຫານງານສູນກາງພັກ ເສີມ ຂະຫຍາຍມູນເຊື້ອອັນສະຫງ່າອົງ ອາດຂອງຊາດ ແລະ ຂອງພັກ, ເດັດດ່ຽວໜຽວແໜ້ນຜັນຂະຫຍາຍ ແນວທາງປ່ຽນແປງໃໝ່ຂອງພັກສູ່ ລວງເລິກ, ສືບຕໍ່ບູລະນະລະບອບ ປະຊາທິປະໄຕປະຊາຊົນກ້າວຂຶ້ນ ຕາມຈຸດໝາຍສັງຄົມນິຍົມ. ສະຫາຍ ເຈີນ ແທງ ເໝີ້ນ ໄດ້ ຕາງໜ້າສູນກາງພັກ, ປະທານປະ ເທດ, ລັດຖະບານ, ສະພາແຫ່ງຊາດ ແລະ ແນວໂຮມປະເທດຊາດຫວຽດ ນາມ ສະແດງຄວາມເສົ້າສະຫລົດ ໃຈ ແລະ ອາໄລອາວອນຢ່າງສຸດ ຊຶ້ງຕໍ່ການເຖິງແກ່ມໍລະນະກຳຂອງ ສະຫາຍ ໄຊສົມພອນ ພົມວິຫານ, ພ້ອມທັງໄດ້ຕີລາຄາວ່າສະຫາຍ ໄຊສົມພອນ ພົມວິຫານ ແມ່ນການ ນຳຫລັກແຫລ່ງຂອງສູນກາງພັກ ປະຊາຊົນປະຕິວັດລາວ, ເປັນຜູ້ນຳ ທີ່ແສນເຄົາລົບຮັກຂອງປະຊາຊົນ ລາວບັນດາເຜົ່າ, ຕະຫລອດຊີວິດ ໄດ້ເສຍສະລະສູ້ຊົນ ເພື່ອຄວາມ ເປັນເອກະລາດຂອງຊົນຊາດ, ສິດ ເສລີພາບ, ຄວາມຜາສຸກຂອງ ປະຊາຊົນ ແລະ ການພັດທະນາ ຄວາມຈະເລີນຮຸ່ງເຮືອງຂອງປະ ເທດຊາດ. ການຈາກໄປຂອງ ສະຫາຍ ໄຊສົມພອນ ພົມວິຫານ ບໍ່ພຽງແຕ່ເປັນການສູນເສຍອັນ ໃຫຍ່ຫລວງສຳລັບພັກ, ລັດ, ປະຊາ ຊົນລາວ ແລະ ຄອບຄົວຂອງ ສະຫາຍ, ແຕ່ຫາກຍັງເປັນການ ສູນເສຍຜູ້ເປັນເພື່ອນມິດທີ່ຍິ່ງໃຫຍ່, ສະຫາຍອ້າຍນ້ອງທີ່ສະໜິດສະໜົມ ທີ່ສຸດຂອງພັກ, ລັດ ແລະ ປະຊາຊົນ ຫວຽດນາມ. ສະຫາຍຍາມໃດກໍ ສະໜັບສະໜູນຕໍ່ພາລະກິດສ້າງສາ ແລະ ປົກປັກຮັກສາປະເທດຊາດ ຂອງປະຊາຊົນຫວຽດນາມ ແລະ ໄດ້ມີການປະກອບສ່ວນສຳຄັນ ຫລວງຫລາຍໃນການສ້າງສາ, ຮັດ ແໜ້ນ ແລະ ພັດທະນາສາຍພົວພັນ ມິດຕະພາບອັນຍິ່ງໃຫຍ່, ຄວາມ ສາມັກຄີແບບພິເສດ, ການຮ່ວມມື ຮອບດ້ານ ແລະ ຫຸ້ນສ່ວນຍຸດທະ ສາດຫວຽດນາມ-ລາວ; ຕີລາຄາ ສູງຕໍ່ບັນດາການອຸທິດອັນໃຫຍ່ ຫລວງຂອງສະຫາຍ ໄຊສົມພອນ ພົມວິຫານ ໃນພາລະກິດການປະຕິ ວັດໃນເມື່ອກ່ອນ ກໍຄື ໃນພາລະກິດ ປ່ຽນແປງໃໝ່, ປົກປັກຮັກສາ, ສ້າງສາ ແລະ ພັດທະນາຊາດຂອງ ສປປ ລາວ ໃນປັດຈຸບັນ. ພັກ, ລັດ ແລະ ປະຊາຊົນຫວຽດນາມ ຂໍ ແບ່ງເບົາຄວາມເສົ້າສະຫລົດໃຈ ອັນສຸດຊຶ້ງ ແລະ ແບ່ງປັນຄວາມ ທຸກໂສກທີ່ສຸດມາຍັງພັກ, ລັດ, ຄະນະກຳມະການສູນກາງແນວລາວ ສ້າງຊາດ, ປະຊາຊົນລາວ ແລະ ຄອບຄົວຂອງສະຫາຍ ໄຊສົມພອນ ພົມວິຫານ ແລະ ເຊື່ອໝັ້ນວ່າພັກ, ລັດ, ປະຊາຊົນລາວອ້າຍນ້ອງ ແລະ ຄອບຄົວຂອງສະຫາຍ ໄຊສົມພອນ ພົມວິຫານ ຈະຜ່ານຜ່າຄວາມທຸກ ໂສກເສຍດາຍອັນໃຫຍ່ຫລວງນີ້ ໂດຍໄວ ແລະ ສືບຕໍ່ພາລະກິດສ້າງ ສາປະເທດລາວໃຫ້ນັບມື້ພັດທະນາ ຈະເລີນຮຸ່ງເຮືອງ. ສອງສະຫາຍການນໍາຂອງ ສອງພັກ, ສອງລັດ ຕ່າງກໍສະແດງ ຄວາມຮູ້ບຸນຄຸນ ແລະ ຂອບໃຈຢ່າງ ສູງຕໍ່ສອງພັກ, ສອງລັດ ແລະ ປະ ຊາຊົນສອງຊາດໃນການສະໜັບ ສະໜູນ, ຊ່ວຍເຫລືອອັນລໍ້າຄ່າ, ທັນ ການ ແລະ ມີປະສິດທິຜົນຕໍ່ພາລະ ກິດຕໍ່ສູ້ປົດປ່ອຍຊາດໃນເມື່ອກ່ອນ ກໍຄື ໃນພາລະກິດປົກປັກຮັກສາ ແລະ ສ້າງສາພັດທະນາຂອງແຕ່ລະ ປະເທດໃນປັດຈຸບັນ; ພ້ອມກັນຕີລາ ຄາສູງຕໍ່ໝາກຜົນຂອງການຮ່ວມມື ລະຫວ່າງສອງພັກ, ສອງລັດ ໃນ ໄລຍະຜ່ານມາສືບຕໍ່ໄດ້ຮັບການເພີ່ມ ທະວີ ແລະ ພັດທະນາກ້າວເຂົ້າສູ່ ລວງເລິກໃນທຸກຂົງເຂດວຽກງານ ແລະ ຢືນຢັນວ່າສອງຝ່າຍຈະສືບຕໍ່ ປົກປັກຮັກສາ ແລະ ເສີມຂະຫຍາຍ ສາຍພົວພັນມິດຕະພາບອັນຍິ່ງ ໃຫຍ່, ຄວາມສາມັກຄີພິເສດ, ການ ຮ່ວມືຮອບດ້ານ ແລະ ຫຸ້ນສ່ວນ ຍຸດທະສາດລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ແລະ ຫວຽດ ນາມ-ລາວ ໃຫ້ນັບມື້ສວຍສົດງົດ ງາມ, ແຕກດອກອອກຜົນ ແລະ ໝັ້ນຄົງຂະໜົງແກ່ນຕະຫລອດກາ ລະນານ. ພາບ: ອ່າຍຄຳ

KPL