ຂປລ
ນັບມາຮອດ ວັນທີ 26 ກໍລະກົດແລ້ວນີ້, ມີປະຊາຊົນເຢຍລະມັນ ເສຍຊີວິດ ປະມານ 11,900 ຄົນ ຍ້ອນສາເຫດກ່ຽວກັບ ສະພາບອາກາດຮ້ອນ ເຊິ່ງເປັນຕົວເລກທີ່ສູງກວ່າ ຈຳນວນຜູ້ເສຍຊີວິດ ທີ່ມີສາເຫດກ່ຽວກັບ ສະພາບອາກາດຮ້ອນໃນທຸກໆປີ ນັບແຕ່ປີ 2016 ເປັນຕົ້ນມາ.
ຂປລ.ວິທະຍຸ-ໂທລະພາບ ສູນກາງຈີນ, ສະຖາບັນຄົ້ນຄວ້າ ໂຣເບີດ ໂຄສ ຂອງເຢຍລະມັນ ໄດ້ປະກາດ ບົດລາຍງານວ່າ: ນັບມາຮອດ ວັນທີ 26 ກໍລະກົດແລ້ວນີ້, ມີປະຊາຊົນເຢຍລະມັນ ເສຍຊີວິດ ປະມານ 11,900 ຄົນ ຍ້ອນສາເຫດກ່ຽວກັບ ສະພາບອາກາດຮ້ອນ ເຊິ່ງເປັນຕົວເລກທີ່ສູງກວ່າ ຈຳນວນຜູ້ເສຍຊີວິດ ທີ່ມີສາເຫດກ່ຽວກັບ ສະພາບອາກາດຮ້ອນໃນທຸກໆປີ ນັບແຕ່ປີ 2016 ເປັນຕົ້ນມາ. ນັບແຕ່ເດືອນມິຖຸນາປີນີ້ ເປັນຕົ້ນມາ, ພາກພື້ນເອີຣົບ ທີ່ລວມທັງເຢຍລະມັນ ປະສົບກັບ ສະພາບອາກາດ ຮ້ອນອົບເອົ້າແຮງ ຜິດປົກກະຕິ, ຫລາຍພື້ນທີ່ ໃນເຢຍລະມັນ ມີອຸນຫະພູມສູງເຖິງ 40 ອົງສາ ເຊິ່ງເປັນລະດັບຄວາມຮ້ອນ ຫລາຍສຸດ ໃນປະຫວັດສາດ ຢູ່ປະເທດນີ້./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
