ພາຍໃຕ້ຫົວຂໍ້ “ເມືອງທີ່ຍືນຍົງ, ທີ່ຢູ່ອາໄສທີ່ມີ ຄຸນນະພາບ, ຊຸມຊົນທີ່ສາມັກຄີ” ໃນວັນທີ 1 ສິງຫາ 2026 ຜ່ານມາ ທີ່ເມືອງອີໂປ ລັດເປຣັກ ປະເທດ ມາເລເຊຍ ໂດຍມີຜູ້ແທນລະດັບ ລັດຖະມົນຕີ ແລະ ຮອງລັດຖະມົນຕີ ຈາກບັນດາປະເທດອາຊຽນ, ສປ ຈີນ, ກອງເລຂາອາຊຽນ ແລະ ອົງ ການທີ່ກ່ຽວຂ້ອງເຂົ້າຮ່ວມ ເພື່ອ ແລກປ່ຽນນະໂຍບາຍ, ປະສົບການ ແລະ ນະວັດຕະກຳກ່ຽວກັບການພັດ ທະນາຕົວເມືອງ, ທີ່ຢູ່ອາໄສ ແລະ ພື້ນຖານໂຄງລ່າງຢ່າງຍືນຍົງ. ກອງປະຊຸມດັ່ງກ່າວ, ທ່ານ ງາມປະສົງ ເມືອງມະນີ ໄດ້ຂຶ້ນກ່າວ ປາໄສພາຍໃຕ້ຫົວຂໍ້: ເສີມສ້າງການບໍລິການໃນຕົວເມືອງທີ່ມີຄວາມ ທົນທານ ແລະ ພື້ນຖານໂຄງລ່າງ ທີ່ຍືນຍົງ ໂດຍໄດ້ສະທ້ອນໃຫ້ເຫັນ ວ່າ ສປປ ລາວ ກຳລັງຜະເຊີນກັບ ຄວາມທ້າທາຍຈາກການຫັນເປັນ ຕົວເມືອງທີ່ວ່ອງໄວບວກກັບຜົນ ກະທົບຂອງການປ່ຽນແປງສະພາບ ພູມອາກາດ ແລະ ຄວາມຕ້ອງການ ທີ່ເພີ່ມຂຶ້ນດ້ານການບໍລິການຕົວ ເມືອງ ແລະ ໂຄງສ້າງພື້ນຖານ. ເພື່ອຮັບມືກັບສິ່ງທ້າທາຍດັ່ງກ່າວ, ຍທຂ ໄດ້ຢັ້ງຢືນຄວາມມຸ່ງໝັ້ນເລັ່ງ ລັດໃນການພັດທະນາຕົວເມືອງທີ່ ຍືນຍົງ ແລະ ທົນທານຕາມແຜນ 5 ປີຂອງກະຊວງ ຍທຂ ແລະ ການ ຈັດຕັ້ງປະຕິບັດວາລະໃໝ່ ແຫ່ງ ການພັດທະນາຕົວເມືອງ (New Urban Agenda). ພ້ອມກັນນັ້ນ, ທ່ານຮອງລັດຖະມົນຕີ ກະຊວງ ຍທຂ ໄດ້ເນັ້ນໜັກ 3 ໜ້າວຽກບຸ ລິມະສິດສຳຄັນຂອງ ສປປ ລາວ ໃນການສ້າງຕົວເມືອງທີ່ທົນທານ ແລະ ຍືນຍົງຄື: ການຍົກລະດັບ ການຄຸ້ມຄອງ ແລະ ບໍລິການຕົວ ເມືອງໃຫ້ສາມາດຮັບມືກັບການ ປ່ຽນແປງດິນຟ້າອາກາດ ໂດຍສຸມ ໃສ່ການຄຸ້ມຄອງສິ່ງເສດເຫລືອ ແບບຍືນຍົງ, ການສ້າງລະບົບລະ ບາຍນ້ຳໃນຕົວເມືອງທີ່ທົນທານ, ການນຳໃຊ້ວິທີແກ້ໄຂທີ່ອີງໃສ່ ທຳມະຊາດ (Nature-based Solutions) ແລະ ການວາງແຜນ ຜັງຕົວເມືອງທີ່ເຊື່ອມສານການ ປ່ຽນແປງດິນຟ້າອາກາດ; ການ ສົ່ງເສີມການພັດທະນາພື້ນຖານ ໂຄງລ່າງທີ່ຍືນຍົງ ແລະ ນຳໃຊ້ຊັບ ພະຍາກອນຢ່າງມີປະສິດທິພາບ ເພື່ອຮັບມືກັບການຫັນປ່ຽນຕົວ ເມືອງ ໂດຍສຸມໃສ່ການສ້າງທີ່ຢູ່ ອາໄສໃນລາຄາທີ່ເໝາະສົມ ແລະ ມີຄຸນນະພາບ, ການສ້າງພື້ນຖານ ໂຄງລ່າງຕອບສະໜອງກັບຄວາມ ຕ້ອງການຂອງຊຸມຊົນ ແລະ ທຸກຄົນ ສາມາດເຂົ້າເຖິງໄດ້; ເລັ່ງລັດການ ຫັນເປັນດີຈິຕອນ ເພື່ອຍົກລະດັບ ການບໍລິຫານ, ການວາງແຜນຜັງ ຕົວເມືອງ ແລະ ການບໍລິການຕົວ ເມືອງຢ່າງມີປະສິດທິພາບ. ໃນຕອນທ້າຍ, ກອງປະຊຸມ ໄດ້ຮັບຮອງ Ipoh Accord on Sustainable Cities, Quality Housing, Cohesive Communities ເພື່ອເປັນແນວທາງ ຮ່ວມກັນລະຫວ່າງບັນດາປະເທດ ອາຊຽນ ແລະ ສປ ຈີນ ໃນການ ສົ່ງເສີມການພັດທະນາຕົວເມືອງ ທີ່ຍືນຍົງ, ການສ້າງທີ່ຢູ່ອາໄສທີ່ມີ ຄຸນນະພາບ ແລະ ຊຸມຊົນທີ່ມີຄວາມ ປອງດອງກັນ. ພ້ອມທັງສືບຕໍ່ເສີມ ສ້າງການຮ່ວມມືອັນແໜ້ນແຟ້ນ ລະຫວ່າງອາຊຽນ ແລະ ສປ ຈີນ ໃນຂົງເຂດການກໍ່ສ້າງທີ່ຢູ່ອາໄສ ແລະ ການພັດທະນາຕົວເມືອງ ເພື່ອ ຍົກລະດັບຄຸນນະພາບຊີວິດຂອງປະ ຊາຊົນໃນພາກພື້ນ. ຂໍ້ມູນ-ພາບ: ກະຊວງ ຍທຂ

KPL