ໂດຍການເປັນປະທານຂອງ ສະຫາຍ ພັນເອກ ເພັດສະໝອນ ວິລະວອນ ຫົວໜ້າການທະຫານ ໂຮງຮຽນວັດທະນະທຳຊົນເຜົ່າກອງທັບ, ມີສະຫາຍ ພັນເອກ ຄຳສິງ ບຸດຈັນແພງ ຮັກສາການຫົວໜ້າ ການເມືອງໂຮງຮຽນ, ມີຄະນະພັກຄະນະອຳນວຍການ, ຄະນະຫ້ອງ, ຄະນະກອງພັນ, ຄູ-ອາຈານ ຕະ ຫລອດຮອດພະນັກງານ-ນັກຮົບ ທົ່ວໂຮງຮຽນເຂົ້າຮ່ວມ. ສະຫາຍ ພັນໂທ ສຸກິນດາ ເຮືອງວິສິດ ຮອງຫົວໜ້າຫ້ອງການ ແລະ ບໍລິຫານໂຮງຮຽນໄດ້ຜ່ານບົດ ສະຫລຸບການເຄື່ອນໄຫວວຽກງານ ຮອບດ້ານໃນໄລຍະ 6 ເດືອນຕົ້ນ ປີທີ່ຜ່ານມາ ຊຶ່ງຄະນະພັກ-ຄະນະ ບັນຊາໄດ້ເອົາໃຈໃສ່ສຶກສາອົບຮົມ ການເມືອງ-ນໍາພາແນວຄິດໃຫ້ພະ ນັກງານ-ນັກຮົບ, ນັກຮຽນຮັບຮູ້ ເຊື່ອມຊຶມກຳແໜ້ນຕໍ່ແນວທາງນະ ໂຍບາຍຂອງພັກ, ກົດໝາຍຂອງ ລັດ, ກົດລະບຽບຂອງກອງທັບ, ຂໍ້ ກຳນົດຂອງໂຮງຮຽນຢ່າງເລິກ ເຊິ່ງເຮັດໃຫ້ພະນັກງານ-ນັກຮົບ, ນັກຮຽນມີແນວຄິດການເມືອງໜັກ ແໜ້ນ, ມີຄຸນສົມບັດສິນທຳປະຕິວັດ, ມີຄວາມຫ້າວຫັນເຮັດສຳເລັດໜ້າທີ່ ວຽກງານຕາມການມອບໝາຍໄດ້ ເປັນຢ່າງດີ, ໄດ້ຈັດປາຖະກະຖາ ມູນເຊື້ອຂອງຊາດ, ຂອງພັກ, ຂອງ ກອງທັບ ແລະ ສ້າງຂະບວນການ ຂໍ່ານັບຮັບຕ້ອນວັນສຳຄັນຕ່າງໆ ຢ່າງເປັນຂະບວນການຟົດຟື້ນ, ຈັດຕັ້ງຂະບວນການອະນາໄມ, ແຂ່ງຂັນສິລະປະ-ວັນນະຄະດີ, ແຂ່ງຂັນກິລາມວນຊົນພາຍໃນ ໂຮງຮຽນ, ນຳພາໜ່ວຍສິນລະປະ ສະໝັກຫລິ້ນຂອງໂຮງຮຽນ ແລະ ນັກກິລາເຂົ້າຮ່ວມແຂ່ງຂັນກິລາ ແຕ່ລະປະເພດທີ່ຂັ້ນເມືອງຈັດຂຶ້ນ ສາມາດຍາດໄດ້ລາງວັນຈຳນວນ ໜຶ່ງ, ໝາກຜົນດັ່ງກ່າວ ຍ້ອນໄດ້ ຮັບການນຳພາ-ຊີ້ນໍາຢ່າງໃກ້ຊິດ ຈາກຄະນະພັກກະຊວງປ້ອງກັນ ປະເທດ ກໍຄື ກົມໃຫຍ່ການເມືອງ ກອງທັບ ແລະ ຄວາມເປັນ ເອກະພາບຂອງຄະພັກ-ຄະນະບັນ ຊາ ຈຶ່ງເຮັດໃຫ້ພະນັກງານ-ນັກຮົບ ແຕ່ລະສະຫາຍມີຄວາມຫ້າວຫັນ, ມີຄວາມຮັບຜິດຊອບສູງ, ມີແບບ ແຜນວິທີການເຮັດວຽກ, ມີຄວາມ ເປັນແບບຢ່າງນຳໜ້າ ແລະ ປະຕິບັດ ທຸກຂົງເຂດວຽກງານຂອງກົມກອງ ຈົນມີຜົນສຳເລັດເປັນຢ່າງສູງ. ສໍາ ລັບທິດທາງແຜນການ 6 ເດືອນ ທ້າຍປີ 2026 ຈະສືບຕໍ່ປັບປຸງ ບູລະນະການຈັດຕັ້ງແຕ່ລະຂັ້ນໃຫ້ ມີຄວາມສະຫງົບ, ໜັກແໜ້ນ, ເຂັ້ມ ແຂງ, ປັບປຸງການຮຽນ-ການສອນ ເຮັດໃຫ້ນັກຮຽນຮຽນດີ-ຮຽນເກັ່ງ, ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດເຮັດ ໃຫ້ໂຮງຮຽນເປັນບ່ອນກໍ່ສ້າງພະ ນັກງານສືບທອດປ່ຽນແທນ ແລະ ເປັນພະນັກງານທີ່ມີຄຸນນະພາບໃຫ້ ແກ່ພັກ-ລັດ ກໍຄື ກອງທັບ, ພ້ອມ ທັງສ້າງໃຫ້ໂຮງຮຽນວັດທະນະທໍາ ຊົນເຜົ່າກອງທັບເປັນໂຮງຮຽນທີ່ມີ ແບບແຜນທັນສະໄໝ ແລະ ຂະ ຫຍາຍຕົວຂຶ້ນເລື້ອຍໆ. ຈາກນັ້ນ, ຜູ້ເຂົ້າຮ່ວມໄດ້ປະກອບຄໍາຄິດເຫັນ ໃສ່ບົດສະຫລຸບ ແລະ ທິດທາງ ແຜນການ ເພື່ອເປັນການປັບປຸງແກ້ ໄຂໃນຕໍ່ໜ້າໃຫ້ມີໝາກຜົນສຳເລັດ ຍິ່ງຂື້ນກວ່າເກົ່າ. ໂອກາດນີ້, ສະຫາຍ ພັນເອກ ເພັດສະໝອນ ວິລະວອນ ໄດ້ມີຄຳ ເຫັນໂອ້ລົມ-ຊີ້ນຳພ້ອມທັງເນັ້ນໃຫ້ ຄະນະພັກ-ຄະນະບັນຊາແຕ່ລະຂັ້ນ ຕ້ອງຍົກສູງການປະຕິບັດພາລະບົດ ບາດ, ໜ້າທີ່, ຄວາມຮັບຜິດຊອບ ຂອງຕົນ, ເປັນເຈົ້າການສຶກສາອົບ ຮົມການເມືອງ-ນໍາພາແນວຄິດໃຫ້ ພະນັກງານ-ນັກຮົບ, ນ້ອງນັກຮຽນ, ສຸມໃສ່ປັບປຸງແບບແຜນວິທີເຮັດ ວຽກໃຫ້ລະອຽດ, ເອົາໃຈໃສ່ໃນການ ຄຸ້ມຄອງນັກຮຽນ, ການສິດສອນສົ່ງ ຄວາມຮູ້ການອົບຮົມ-ຫັດແອບໃຫ້ ນັກຮຽນ ໂດຍຖືເອົາຄຸນນະພາບເປັນ ກົກ ແລະ ພ້ອມກັນນໍາເອົາເນື້ອໃນ ກອງປະຊຸມໄປຈັດຕັ້ງຜັນຂະຫຍາຍ ໃຫ້ເກີດດອກອອກຜົນ ແລະ ເປັນຮູບ ປະທຳຕົວຈິງ. ໃນໂອກາດນີ້, ກອງປະຊຸມ ສະຫາຍ ພັນເອກ ຄຳສິງ ບຸດຈັນແພງ ຮັກສາການຫົວໜ້າການເມືອງ ຮວຜທ ໄດ້ມອບຫລຽນກຽດຕິຄຸນ ກອງທັບປະຊາຊົນລາວໃຫ້ສະຫາຍ ພັນເອກ ເພັດສະໝອນ ວິລະວອນ ຫົວໜ້າການທະຫານ ແລະ ສະຫາຍ ພັນເອກ ສະແຫວງ ແດນນາມົນ ອະ ດີດຫົວໜ້າການເມືອງໂຮງຮຽນ ຮວຜທ ຕື່ມອີກ. ຂ່າວ: ໂອລິນ ມິ່ງມີໄຊ

KPL