ຂປລ
ຂປລ. ແຫລ່ງຂ່າວຈາກແຂວງ ໄຊຍະບູລີ ໃຫ້ຮູ້ວ່າ: ພິທີປະກາດ ສ້າງຕັ້ງຕາແສງນາຕາກ-ນາມອນ ເມືອງໄຊຍະບູລີ ແຂວງໄຊຍະບູລີ ຈັດຂຶ້ນເມື່ອມໍ່ໆມານີ້ ທີ່ໂຮງຮຽນ ປະຖົມສົມບູນນາຕາກໂດຍມີ ທ່ານ ເພັງນິລັນ ຄຳພັນເພັງ ເລຂາຄະນະ ບໍລິຫານງານພັກແຂວງໄຊຍະບູລີ, ທ່ານ ຄໍາຫລ້າ ຜີວວັນນາ ເລຂາ ຄະນະບໍລິຫານງານພັກເມືອງໄຊ ຍະບູລີ ພ້ອມດ້ວຍພະນັກງານ, ທະຫານ, ຕໍາຫລວດ ແລະ ພໍ່ແມ່ປະ ຊາຊົນເຂົ້າຮ່ວມ.
ທ່ານ ຈັນເພັງ ອູ່ທອງຄໍາ ປະທານ ຄະນະກຳມະການປົກຄອງເມືອງ ໄດ້ລາຍງານວ່າ: ເຂດທີ່ຈະສ້າງ ຕັ້ງຕາແສງ ນາຕາກ-ນາມອນ ຕັ້ງ ຢູ່ທາງທິດເໜືອຂອງເມືອງໄຊຍະບູ ລີ ຫ່າງອອກຈາກເທສະບານເມືອງ ໄຊຍະບູລີ ປະມານ 6 ກິໂລແມັດ, ສະພາບພູມສັນຖານສ່ວນໃຫຍ່ ເປັນເຂດພູພຽງ ແລະ ມີທົ່ງພຽງ ລຽບຕາມແຄມນ້ຳ, ເໝາະສົມ ແກ່ການປູກຝັງ, ລ້ຽງສັດ ແລະ ການທ່ອງທ່ຽວທາງທຳມະຊາດ- ວັດທະນະທຳ, ມີເສັ້ນທາງຫລວງ ແຫ່ງຊາດ 4A ເຊື່ອມຈອດລະຫວ່າງ ເມືອງໄຊຍະບູລີ ແລະ ຫົງສາ, ຕາ ແສງ ນາຕາກ-ນາມອນ ມີເນື້ອທ່ີ 8.747 ເຮັກຕາ, ປະກອບມີ 14 ບ້ານ ໃນນັ້ນ, ກວມເອົາກຸ່ມ ປກສ ບໍລິການປະຊາຊົນມີ 2 ກຸ່ມຂຶ້ນກັບຕາແສງຄື: ກຸ່ມ ປກສ ບໍລິການ ປະຊາຊົນເຂດນາຕາກ ປະກອບມີ 9 ບ້ານ (ບ້ານນາຕາກ, ບ້ານຫາດ ຮ່ອມ, ບ້ານໂພນສະອາດ, ບ້ານ ໄຊສະຫວາດ, ບ້ານນາງີ້ວ, ບ້ານ ຫ້ວຍຊ່າວ, ບ້ານໜອງໜ່ອງ, ບ້ານ ຫ້ວຍລຸນ, ບ້ານວຽງໄຊ) ແລະ ກຸ່ມ ປກສ ບໍລິການປະຊາຊົນເຂດ ນາ ມອນ ປະກອບມີ 5 ບ້ານ (ບ້ານນາ ມອນ, ບ້ານໂພນໂຮມ, ບ້ານທ່າ, ບ້ານລ້ອງແຊງ, ບ້ານປາກທຽວ), ມີໜ່ວຍຄຸ້ມຄອງພົນລະເມືອງ 179 ໜ່ວຍ, ມີ 2.273 ຄອບຄົວ, ມີ ພົນລະເມືອງ 11.861 ຄົນ, ຍິງ 6.148 ຄົນ. ປະກອບມີ 8 ເຜົ່າ: ເຜົ່າລາວ 6.152 ຄົນ, ຍິງ 3.212 ຄົນ, ກວມເອົາ 51,86%, ເຜົ່າມົ້ງ 1.748 ຄົນ, ຍິງ 847 ຄົນ, ກວມ ເອົາ 14,73%, ເຜົ່າກຶມມຸ 2.862 ຄົນ, ຍິງ 1.380 ຄົນ, ກວມເອົາ 21,97%, ເຜົ່າອີວມຽນ 101 ຄົນ, ຍິງ 54 ຄົນ ກວມເອົາ 0,97%, ເຜ່ົາໄປຣ່ 1.012 ຄົນ, ຍິງ 509 ຄົນ ກວມເອົາ 8,53%, ເຜົ່າໄທດຳ 31 ຄົນ, ຍິງ 19 ຄົນ ກວມເອົາ 0,26%, ເຜົ່າຍວນ 4 ຄົນ, ຍິງ 1 ຄົນ ກວມເອົາ 0,03%, ເຜົ່າລ້ 16 ຄົນ, ຍິງ 10 ຄົນ ກວມເອົາ0,13%.
ໃນພິທີໄດ້ຜ່ານຂໍ້ຕົກລົງຂອງ ຄະນະກຳມະການປົກຄອງເມືອງ ວ່າດ້ວຍການແຕ່ງຕັ້ງປະທານ ແລະ ຮອງປະທານຕາແສງນາຕາກ-ນາ ມອນ ໂດຍຕົກລົງເຫັນດີແຕ່ງຕັ້ງ ທ່ານ ສາຍພີນ ຈັນທະຜອງ ເປັນ ປະທານຄະນະກຳມະການປົກຄອງ ຕາແສງ, ທ່ານ ພອນປະດິດ ຈັນທະ ມາດ ແລະ ທ່ານ ສຸລິຍາ ພັນມະນີ ເປັນຮອງປະທານ.
ຂ່າວ-ພາບ: ສົມພົງ ສີສະຫັວດ
KPL
