ຂປລ
ຂປລ. ແຫລ່ງຂ່າວຈາກແຂວງ ຫລວງພະບາງ ໃຫ້ຮູ້ວ່າ: ທ່ານ ສຸ ລິໄຊ ຫົງສາຄອນ ຫົວໜ້າພະແນກ ອຸດສາຫະກຳ ແລະ ການຄ້າ ແຂວງ ຫລວງພະບາງ, ສະມາຊິກສະພາ ແຫ່ງຊາດ ປະຈຳເຂດເລືອກຕັ້ງທີ 6 ແລະ ພາກສ່ວນທ່ີກ່ຽວຂ້ອງ ເຄື່ອນໄຫວຕິດຕາມລະດັບນ້ຳ ແລະ ການດຳເນີນການປ່ອຍນໍ້າອອກ ເຂື່ອນໄຟຟ້ານ້ຳຄານ 2-3 ຊ່ຶງຕ້ັງ ຢູ່ເຂດເມືອງຊຽງເງິນ ໃນວັນທີ 8 ສິງຫາ 2026 ເພື່ອແນໃສ່ເຮັດໃຫ້ ສະພາບລະດັບນ້ຳຂອງເຂື່ອນ ຢູ່ໃນ ລະດັບທີ່ສາມາດຮັບຮອງໄດ້ ແລະ ຮັບປະກັນບໍ່ໃຫ້ມີຜົນກະທົບຫລາຍ ຕໍ່ປະຊາຊົນທີ່ຢູ່ກ້ອງເຂື່ອນ, ທັງເປັນ ການກະກຽມ ຮັບມືກັບສະພາບນ້ໍາ ທີ່ຈະມີປະລິມານເພີ່ມຂຶ້ນ ໃນໄລຍະ ລະດູຝົນ.
ໂດຍໄດ້ຮັບຟັງການລາຍງານ ຈາກຜູ້ບໍລິຫານເຂື່ອນ ແລະ ພາກ ສ່ວນທີ່ກ່ຽວຂ້ອງ ກ່ຽວກັບການຕິດ ຕາມສະພາບລະດັບນ້ຳ, ການປ່ອຍ ນໍ້າອອກເຂື່ອນ, ລວມທັງການກຽມ ພ້ອມແຕ່ລະດ້ານ ໃນໄລຍະລະດູຝົນ.
ໂອກາດນີ້, ທ່ານ ສຸລິໄຊ ຫົງ ສາຄອນ ໄດ້ເນັ້ນໃຫ້ພະນັກງານ ປະຈຳການຢູ່ເຂື່ອນໄຟຟ້າ ເພີ່ມທະວີການເຝົ້າລະວັງ, ຕິດຕາມລະດັບ ນ້ຳຢ່າງສະໝ່ຳສະເໝີ ແລະ ປະສານ ງານກັບພາກສ່ວນກ່ຽວຂ້ອງຢ່າງ ທັນການ ກໍລະນີເກີດສະພາບການ ນໍ້າເພີ່ມຂຶ້ນ ທີ່ອາດຈະສົ່ງຜົນກະທົບ ຕໍ່ປະຊາຊົນ ຕ້ອງຮີບຮ້ອນລາຍງານ ຕໍ່ຄະນະຮັບຜິດຊອບຂັ້ນແຂວງ ແລະ ແຈ້ງໃຫ້ປະຊາຊົນກະກຽມຄວາມ ພ້ອມໃຫ້ທັນການ ເພື່ອບໍ່ໃຫ້ເກີດ ຄວາມເສຍຫາຍທາງດ້ານຊີວິດ ແລະ ຊັບສີນ. ປັດຈຸບັນຄະນະຮັບຜິດ ຊອບ ໄດ້ມີການຕິດຕາມສະພາບ ນ້ໍາ ທັງໜ້າເຂື່ອນ ແລະ ຫລັງເຂື່ອນ ຢ່າງໃກ້ຊິດ ໂດຍລວມຍັງຢູ່ໃນລະດັບ ປົກກະຕິ, ຕາມລະດັບນ້ຳທີ່ໄຫລເຂົ້າ ໜ້າເຂື່ອນ ແລະທັງສອງເຂ່ືອນ (ນ້ຳ ຄານ 3 ແລະ ນ້ຳຄານ 2) ຍັງ ສາມາດຮອງຮັບລະດັບນ້ຳທີ່ຈະ ເພີ່ມຂຶ້ນ.
ຂ່າວ-ພາບ : ທະນູສິນ ອິດທິພົນ
KPL
