ຂປລ
ຂປລ. ແຫລ່ງຂ່າວຈາກແຂວງ ອຸດົມໄຊ ໃຫ້ຮູ້ວ່າ: ໃນວັນທີ 7 ສິງຫາ 2026 ໄດ້ເກີດຝົນຕົກໜັກ ຕິດຕໍ່ກັນຫລາຍມື້ ເຮັດໃຫ້ນ້ຳງາ ມີປະລິມານນ້ຳເພີ່ມຂຶ້ນ ໄຫລຖ້ວມ ຫລາຍຈຸດໃນເຂດເມືອງງາ ແຂວງ ອຸດົມໄຊ ສົ່ງຜົນເສຍຫາຍຢ່າງໜັກ ຕໍ່ເສັ້ນທາງຄົມມະນາຄົມ, ເຮືອນ ຊານ ແລະ ຜົນລະປູກຂອງພໍ່ແມ່ ປະຊາຊົນ.
ຄວາມເສຍຫາຍເບື້ອງຕົ້ນມີ ເສັ້ນທາງຄົມມະນາຄົມຢູ່ຈຸດ ບ້ານ ຫ້ວຍເລີມ ຖືກນໍ້າເຊາະຂາດ ບ່ ສາມາດສັນຈອນໄດ້, ສົ້ນຂົວຂ້າມ ນໍ້າງາຈຸດບ້ານນາຄົກ ຂາດບໍ່ສາ ມາດເດີ່ນທາງໄປ-ມາໄດ້, ຂົວຫ້ວຍ ຍາວ ຢູ່ບ້ານຫ້ວຍໄລ່ ຖືກນໍ້າພັດ ຂາດເຊັ່ນກັນ, ສ່ວນດ້ານຊັບສິນ ແລະ ຜົນລະປູກ, ເຮືອນຊານ, ສວນຄົວ, ເຮືອນຮົ່ມ, ເນື້ອທີ່ນາ ແລະ ສັດລ້ຽງຂອງປະຊາຊົນ ເຮັດໃຫ້ເກີດຄວາມເສຍຫາຍເປັນ ຈຳນວນຫລາຍ.
ສຳລັບມູນຄ່າຄວາມເສຍຫາຍ ທັງໝົດ ແມ່ນຍັງບໍ່ທັນສາມາດ ສະຫລຸບຕົວເລກທ່ີແນ່ນອນໄດ້ ເນື່ອງຈາກຢູ່ລະຫວ່າງການເກັບກຳ ຂໍ້ມູນຂອງເຈົ້າໜ້າທີ່. ໃນປັດຈຸບັນ, ລະດັບນໍ້າງາ ໄດ້ເລີ່ມຫລຸດລົງແລ້ວ , ແຕ່ເຖິງຢ່າງໃດກໍຕາມ, ເພື່ອຄວາມ ບໍ່ປະໝາດ, ຈຶ່ງແຈ້ງເຕືອນ ແລະ ຮຽກຮ້ອງມາຫາພໍ່ແມ່ປະຊາຊົນທີ່ອາໄສຢູ່ລຽບຕາມແຄມນໍ້າງາ ຈ່ົງ ເພີ່ມຄວາມລະມັດລະວັງ, ຕິດຕາມ ສະພາບອາກາດ ແລະ ລະດັບນໍ້າ ຢ່າງໃກ້ຊິດ ເພື່ອຮັບມືກັບສະພາບ ເຫດການທີ່ອາດຈະເກີດຂຶ້ນໄດ້ທຸກ ເວລາ.
KPL
