ຂປລ
ໂດຍອ້າງອີງ ຕາມຜົນການສຸ່ມກວດ ຕົວຢ່າງ ການທ່ອງທ່ຽວ ຂອງປະຊາຊົນ ພາຍໃນປະເທດ, ໃນ 6 ເດືອນຕົ້ນປີນີ້, ປະຊາຊົນຈີນ ເດີນທາງທ່ອງທ່ຽວ ພາຍໃນປະເທດ ຈຳນວນ 3 ຕື້ກວ່າເທື່ອຄົນ, ເພີ່ມຂຶ້ນ 178 ລ້ານເທື່ອຄົນ ຫລື ເທົ່າກັບເພີ່ມຂຶ້ນ 5.4% ເມື່ອທຽບໃສ່ ໄລຍະດຽວກັນ ຂອງປີກາຍ.
ຂປລ.ວິທະຍຸ-ໂທລະພາບ ສູນກາງຈີນ, ອີງຕາມຂໍ້ມູນ ຈາກກະຊວງວັດທະນະທຳ ແລະ ທ່ອງທ່ຽວຈີນ ໃຫ້ຮູ້ວ່າ: ໂດຍອ້າງອີງ ຕາມຜົນການສຸ່ມກວດ ຕົວຢ່າງ ການທ່ອງທ່ຽວ ຂອງປະຊາຊົນ ພາຍໃນປະເທດ, ໃນ 6 ເດືອນຕົ້ນປີນີ້, ປະຊາຊົນຈີນ ເດີນທາງທ່ອງທ່ຽວ ພາຍໃນປະເທດ ຈຳນວນ 3 ຕື້ກວ່າເທື່ອຄົນ, ເພີ່ມຂຶ້ນ 178 ລ້ານເທື່ອຄົນ ຫລື ເທົ່າກັບເພີ່ມຂຶ້ນ 5.4% ເມື່ອທຽບໃສ່ ໄລຍະ ດຽວກັນ ຂອງປີກາຍ. ໃນນັ້ນ: ປະຊາຊົນໃນຕົວເມືອງ ເດີນທາງທ່ອງທ່ຽວພາຍໃນປະເທດ 2 ຕື້ກວ່າເທື່ອຄົນ, ເພີ່ມຂຶ້ນ 5,8%; ປະຊາຊົນ ໃນເຂດຊົນນະບົດ ເດີນທາງທ່ອງທ່ຽວ ພາຍໃນປະເທດ 869 ລ້ານເທື່ອຄົນ, ເພີ່ມຂຶ້ນ 4,3%.ໃນ 6 ເດືອນຕົ້ນປີນີ້, ມູນຄ່າໃຊ້ຈ່າຍທັງໝົດ ຂອງປະຊາຊົນຈີນ ໃນການທ່ອງທ່ຽວ ພາຍໃນປະເທດ ມີ 3.210 ຕື້ຢວນ, ເພີ່ມຂຶ້ນ 60 ຕື້ຢວນ ຫລື ເທົ່າກັບ ເພີ່ມຂຶ້ນ 2% ເມື່ອທຽບໃສ່ໄລຍະດຽວກັນ ຂອງປີກາຍ. ໃນນັ້ນ: ປະຊາຊົນ ໃນຕົວເມືອງ ໃຊ້ຈ່າຍ 2.660 ຕື້ຢວນ, ເພີ່ມຂຶ້ນ 2,2% ແລະ ປະຊາຊົນໃນເຂດຊົນນະບົດ ໃຊ້ຈ່າຍ 560 ຕື້ຢວນ, ເພີ່ມ ຂຶ້ນ 0,6% ເມື່ອທຽບໃສ່ ໄລຍະດຽວກັນຂອງປີກາຍ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
