ຂປລ
ຫວຽດນາມ ແມ່ນໜຶ່ງໃນບັນດາປະເທດ ທີ່ມີວິວັດການຫັນປ່ຽນ ຈຳນວນປະຊາກອນ ປະສົບຜົນສຳເລັດ ໃນອາຊີ, ດ້ວຍຈຳນວນ ປະຊາກອນ ຫລາຍ ກວ່າ 100 ລ້ານຄົນ, ອາຍຸຍືນ ນັບມື້ນັບເພີ່ມຂຶ້ນ ແລະ ອັດຕາການເກີດ ຍັງຄົງຮັກສາ ໃນລະດັບດຸ່ນດ່ຽງ ພໍສົມຄວນ.
ຂປລ.ວິທະຍຸ ກະຈາຍສຽງ ຫວຽດນາມ, ຫວຽດນາມ ແມ່ນໜຶ່ງໃນບັນດາປະເທດ ທີ່ມີວິວັດການຫັນປ່ຽນ ຈຳນວນປະຊາກອນ ປະສົບຜົນສຳເລັດ ໃນອາຊີ, ດ້ວຍຈຳນວນ ປະຊາກອນ ຫລາຍ ກວ່າ 100 ລ້ານຄົນ, ອາຍຸຍືນ ນັບມື້ນັບເພີ່ມຂຶ້ນ ແລະ ອັດຕາການເກີດ ຍັງຄົງຮັກສາ ໃນລະດັບດຸ່ນດ່ຽງ ພໍສົມຄວນ. ນີ້ແມ່ນພື້ນຖານ ສຳຄັນ ເພື່ອໃຫ້ ສສ ຫວຽດນາມ ສືບຕໍ່ເສີມຂະຫຍາຍທ່າໄດ້ປຽບ ກ່ຽວກັບ ແຫລ່ງຊັບພະຍາກອນມະນຸດ ແລະ ພັດທະນາ ເສດຖະກິດ-ສັງຄົມ ໃນຊຸມທົດສະວັດ ຈະມາເຖິງ.ການຕີລາຄາເຫລົ່ານັ້ນ ໂດຍນັກຄົ້ນຄວ້າ Gilles Pison ແລພ Catherine Scornet ຂອງສະຖາບັນຄົ້ນຄວ້າ ປະຊາກອນແຫ່ງຊາດຝຣັ່ງ (Ined) ຍົກອອກມາ ໃນການຄົ້ນຄ້ວາສະເພາະ “ສສ ຫວຽດນາມ: ປະຊາກອນ100ລ້ານຄົນ ໃນປະຈຸບັນ,ໃນມື້ໜ້າ ຈະແມ່ນເທົ່າໃດ” ທີ່ໄດ້ລົງໃນວາລະສານPopulation & Societes ສະບັບອອກເດືອນ ມິຖຸນາ 2026. ຕາມການຄາດຄະເນສະເລ່ຍຂອງ ສປຊ ເຊິ່ງກຸ່ມນັກຄົ້ນຄວ້ານີ້ໄດ້ຄັດສະເໜີແລ້ວ, ປະຊາກອນ ຫວຽດນາມ ຈະສືບຕໍ່ເພີ່ມຂຶ້ນ ແລະ ອາດຈະບັນລຸປະມານ 110 ລ້ານຄົນ ໃນກາງສະຕະວັດທີ XXI ກ່ອນທີ່ຄ່ອຍໆ ເປັນປົກກະຕິ. ບັນດານັກຄົ້ນຄວ້າຖືວ່າ ຜົນງານເຫຼົ່ານີ້ ແມ່ນໝາກຜົນຂອງວິວັດແຫ່ງການຫັນປ່ຽນປະຊາກອນວິທະຍາທີ່ໄດ້ດຳເນີນຢ່າງຕໍ່ເນື່ອງໃນຫຼາຍທົດສະວັດ. ພ້ອມກັບການພັດທະນາເສດຖະກິດ ແລະ ການປັບປຸງເງື່ອນໄຂດຳລົງຊີວິດໃຫ້ດີຂຶ້ນ, ອັດຕາການຕາຍໄດ້ຫຼຸດລົງຢ່າງແຮງ, ໃນຂະນະທີ່ອັດຕາການເກີດນັບມື້ນັບຫຼຸດລົງສູ່ລະດັບພໍສົມຄວນ. ໄປຄຽງຄູ່ກັບ ບັນດາໝາກຜົນທີ່ຕັ້ງໜ້າ, ນັກຄົ້ນຄວ້າ ກໍໃສ່ໃຈວ່າ ສສ ຫວຽດນາມ ຈະຕ້ອງຜະເຊີນໜ້າກັບ ສິ່ງທ້າທາຍໃໝ່ ຈຳນວນໜຶ່ງ ຄື ອັດຕາອາຍຸສູງນັບມື້ນັບເພີ່ມຂຶ້ນ ແລະ ສະພາບຂາດຄວາມດຸ່ນດ່ຽງທາງເພດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
