ຂປລ
ຂປລ. ແຫລ່ງຂ່າວຈາກແຂວງ ຈຳປາສັກ ໃຫ້ຮູ້ວ່າ: ພິທີເຊັນສັນຍາ ສໍາປະທານ ໂຄງການກໍ່ສ້າງໄຟຟ້າ ພະລັງງານແສງຕາເວັນຂະໜາດ ນ້ອຍ ໄລຍະ 1 ຢູ່ເຂດບ້ານນໍ້າ ພາກ (ຫລັກ 25) ເມືອງປະທຸມພອນ ແຂວງຈຳປາສັກ ລະຫວ່າງ ຄະນະກໍາມະ ການປົກຄອງ ແຂວງ ຈໍາປາສັກ ກັບ ບໍລິສັດ ໄຊສົມບູນ ຈະເລີນຊັບ ກໍ່ສ້າງຂົວ-ທາງ ແລະ ບໍ່ແຮ່ ຈຳກັດຜູ້ດຽວ
ຈັດຂຶ້ນເມື່ອມໍ່ໆ ມານີ້ ທີ່ແຂວງຈຳປາສັກ ຕາງໜ້າລົງນາມໂດຍ ທ່ານ ກໍລະກັນ ຄໍາມະວົງ ຫົວໜ້າຫ້ອງການຄະນະ ກຳມະການສົ່ງເສີມ ແລະ ຄຸ້ມຄອງ ການລົງທຶນແຂວງຈຳປາສັກ ແລະ ທ່ານ ແສງເພັດ ໃຈຍະວົງ ຮອງ ອໍານວຍການບໍລິສັດ ໄຊສົມບູນ ຈະເລີນຊັບ ກໍ່ສ້າງຂົວ-ທາງ ແລະ ບໍ່ແຮ່ ຈຳກັດ ຜູ້ດຽວ, ມີທ່ານ ສົມບູນ ເຮືອງວົງສາ ຮອງປະທານ ຄະນະກຳມະການປົກຄອງແຂວງ ຈຳປາສັກ ພ້ອມດ້ວຍພາກສ່ວນ ທີ່ກ່ຽວຂ້ອງຂອງທັງສອງຝ່າຍ ເຂົ້າຮ່ວມ.
ໂຄງການດ່ັງກ່າວ ມີເນ້ືອທ່ີ 62,668 ຕາແມັດ, ມີກໍາລັງຕິດຕັ້ງ 5 MWAc, ມີໄລຍະການ ສໍາປະທານໂຄງການ 25 ປີ, ທຶນ ຈົດທະບຽນ 2, 5 ລ້ານ ໂດລາ ສະຫະ ລັດ ຊຶ່ງເປັນທຶນບໍລິສັດເອງ ຈະເລີ່ມ ຈັດຕັ້ງ ປະຕິບັດ ໂຄງການນັບແຕ່ມ້ື ລົງລາຍເຊັນເປັນຕົ້ນໄປ.
ໂອກາດນີ້, ບໍລິສັດ ໄຊສົມບູນ ຈະເລີນຊັບ ກໍ່ສ້າງຂົວ-ທາງ ແລະ ບ່ໍ ແຮ່ ຈຳກັດຜູ້ດຽວ ຍັງໄດ້ ມອບເງິນ ຊ່ວຍເຫລືອ ແຂວງ ຈໍາປາສັກ 500 ລ້ານກີບຕື່ມອີກ.
ຂ່າວ -ພາບ : ທູນທອງໃຈ
KPL
