ຂປລ
ໃນໄລຍະພັກ ບຸນປະຈຳຊາດ (ບຸນກຸດຈີນ) ປີ 2026, ປະລິມານ ນັກທ່ອງທ່ຽວ ເຂົ້າ-ອອກເມືອງ ສະເລ່ຍຕໍ່ວັນເຖິງ 113.000 ເທື່ອຄົນ.
ຂປລ. ວິທະຍຸໂທລະພາບ ສູນກາງຈີນ (CMG): ໃນໄລຍະພັກ ບຸນປະຈຳຊາດ (ບຸນກຸດຈີນ) ປີ 2026, ປະລິມານ ນັກທ່ອງທ່ຽວ ເຂົ້າ-ອອກເມືອງ ສະເລ່ຍຕໍ່ວັນເຖິງ 113.000 ເທື່ອຄົນ. ໂດຍຜ່ານດ່ານສະໜາມບິນ ຂອງ ນະຄອນຊຽງໄຮ້ ເພີ່ມຂຶ້ນ ຢ່າງບໍ່ຢຸດຢັ້ງ. ຍ້ອນໄດ້ຮັບ ຜົນປະໂຫຍດ ຈາກ ນະໂຍບາຍ ຍົກເວັ້ນວີຊາ, ຄາດວ່າ ໃນໄລຍະຕໍ່ໄປ ຈະມີນັກທ່ອງທ່ຽວ ຕ່າງປະເທດມາຈີນ ເພື່ອທ່ອງທ່ຽວ, ຢ້ຽມຢາມຍາດຕິພີ່ນ້ອງ ແລະ ດຳເນີນທຸລະກິດ ຫລາຍກວ່າເກົ່າ ເຊິ່ງໄດ້ສ້າງ ພະລັງຊີວິດໃໝ່ ໃຫ້ແກ່ ຕະຫລາດການທ່ອງທ່ຽວ ຂອງຈີນ ໃນໄລຍະບຸນກຸດຈີນ.
ຕາມຂໍ້ມູນດັ່ງກ່າວ ໄດ້ສະແດງໃຫ້ເຫັນວ່າ: ນັບແຕ່ຕົ້ນປີນີ້ ມາຮອດປັດຈຸບັນ, ດ່ານກວດກາ ຄົນເຂົ້າ-ອອກເມືອງ ນະຄອນຊຽງໄຮ້ ໄດ້ກວດກາ ແລະ ອະນຸຍາດນັກທ່ອງທ່ຽວ ຕ່າງປະເທດ ເຂົ້າເມືອງເຖິງ 636.000 ເທື່ອຄົນ, ເພີ່ມຂຶ້ນ 30,3% ເມື່ອທຽບໃສ່ ໄລຍະດຽວກັນ ຂອງ ປີກາຍ. ໃນນັ້ນ, ມີນັກທ່ອງທ່ຽວ ຕ່າງປະເທດ ລວມມີ 414.000 ເທື່ອຄົນ ໂດຍນຳໃຊ້ ນະໂຍບາຍ ຍົກເວັ້ນວິຊາ ຜ່ານແດນ 240 ຊົ່ວໂມງ ເຂົ້າເມືອງ ຜ່ານດ່ານ ທີ່ນະຄອນຊຽງໄຮ້ ເຊິ່ງກວມເອົາ 64,6% ຂອງ ນັກທ່ອງທ່ຽວ ຕ່າງປະເທດທັງໝົດ./
KPL
