ຂປລ
ຄະນະພົວພັນຕ່າງປະ ເທດສູນກາງພັກ ປປ ລາວ (ຄຕພ) ຈັດກອງປະຊຸມເຜີຍແຜ່ມະຕິກອງ ປະຊຸມໃຫຍ່ຜູ້ແທນກຳມະບານລາວ ທົ່ວປະເທດ ຄັ້ງທີ IX ໃນວັນທີ 15 ກໍລະກົດ 2026
ໂດຍການເຜີຍແຜ່ ຂອງ ສະຫາຍ ວິໄລ ວົງຂະເສີມ ຮອງເລຂາຄະນະພັກ, ຮອງປະທານ ຄະນະບໍລິຫານງານສູນກາງສະຫະ ພັນກຳມະບານລາວ, ມີບັນດາສະ ມາຊິກພາຍໃນ ຄຕພ ເຂົ້າຮ່ວມ. ໂອກາດນີ້, ສະຫາຍ ວິໄລ ວົງ ຂະເສີມ ໄດ້ຍົກໃຫ້ເຫັນເຖິງບັນດາ ເອກະສານທີ່ສຳຄັນ ທີ່ກອງປະຊຸມ ໃຫຍ່ຜູ້ແທນກຳມະບານລາວ ທົ່ວ ປະເທດ ທີ່ໄດ້ຮັບຮອງເອົາຄື: ຜົນ ສຳເລັດກອງປະຊຸມໃຫຍ່ ຜູ້ແທນກຳ ມະບານລາວ ທົ່ວປະເທດ ສະໄໝ ທີ IX; ແຜນພັດທະນາວຽກງານ ກຳມະບານລາວ 5 ປີ ຄັ້ງທີ V (2026-2030); ກົດລະບຽບ ສະຫະພັນກຳມະບານລາວ ສະໄໝ ທ ີ IX ແລະ ແຜນດຳເນີນງານຂອງ ຄະນະບໍລິຫານງານສູນກາງສະ ຫະພັນກຳມະບານລາວ ສະໄໝທີ IX ໄລຍະ 5 ປີ (2026-2030). ພ້ອມນີ້, ສະຫາຍ ວິໄລ ວົງຂະເສີມ ຍັງໄດ້ຮຽກຮ້ອງໃຫ້ຄະນະບໍລິຫານ ງານສະຫະພັນກຳມະບານແຕ່ລະ ຂັ້ນ ແລະ ສະມາຊິກກຳມະບານ ທຸກໆສະຫາຍ ຈົ່ງຮັບຮູ້, ກຳແໜ້ນ ຢ່າງລະອຽດ, ເລິກເຊິ່ງ ແລະ ນຳ ໄປຈັດຕັ້ງປະຕິບັດ, ຜັນຂະຫຍາຍ ຢ່າງຖືກຕ້ອງ, ປະກອບສ່ວນເຂົ້າ ໃນການປະຕິບັດໜ້າທີ່ວຽກງານ ຕ່າງປະເທດຂອງພັກ ໃຫ້ມີຄວາມ ໜັກແໜ້ນຍິ່ງໆຂຶ້ນ. ການເຜີຍແຜ່ມະຕິກອງປະຊຸມ ດັ່ງກ່າວ ແນໃສ່ເຮັດໃຫ້ພະນັກ ງານ, ສະມາຊິກກຳມະບານພາຍ ໃນ ຄຕພ ກໍຄື ບັນດາຮາກຖານ ຂອງແຕ່ລະກົມ ໄດ້ຮັບຮູ້, ກຳແໜ້ນ ຢ່າງລະອຽດ, ກວ້າງຂວາງ, ເລິກ ເຊິ່ງ ແລະ ນຳໄປຈັດຕັ້ງປະຕິບັດ, ຜັນຂະຫຍາຍຢ່າງຖືກຕ້ອງ ແລະ ມີປະສິດທິຜົນສູງ. ໃນໂອກາດດຽວກັນນີ້, ຮອງປະ ທານຄະນະບໍລິຫານງານ ສູນກາງ ສະຫະພັນກຳມະບານລາວ ພ້ອມ ຄະນະ ໄດ້ເຂົ້າຢ້ຽມຂໍ່ານັບ ສະຫາຍ ບ ຸ ນເຫລືອ ພັນດານຸວົງ ກຳມະການ ສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດ ສູນກາງພັກ ເພື່ອແຈ້ງຈຸດປະສົງ ຂອງການລົງເຄື່ອນໄຫວວຽກງານ ໃນຄັ້ງນີ້.
KPL
