ຂປລ. ໂດຍພາຍໃຕ້ການເປັນປະທານຮ່ວມຂອງ ສະຫາຍ ນາງ ລີວົງ ລາວລີ ກໍາມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ສະຫາຍ  ຫງວຽນ ຮຸຍ ຕຽນ ກຳມະການສູນກາງພັກກອມມູນິດຫວຽດນາມ,  ຫົວໜ້າອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ, ມີຮອງຫົວໜ້າອົງການໄອຍະການປະຊາຊົນສູງສຸດ, ບັນດາກົມ, ອົງການໄອຍະການປະຊາຊົນພາກ, ແຂວງ-ນະຄອນຫລວງ, ອົງການໄອຍະການທະຫານ ລາວ-ຫວຽດນາມ ເຂົ້າຮ່ວມ.

     ກອງປະຊຸມ ໄດ້ຮັບຟັງການສະຫລຸບຕີລາຄາການຈັດຕັ້ງປະຕິບັດ ເນ້ືອໃນຈິດໃຈ ຂອງກອງປະຊຸມອົງການໄອຍະການປະຊາຊົນ ທີ່ມີຊາຍແດນຕິດຈອດກັນ ຄັ້ງທີ VII ທີ່ຈັດ ຂຶ້ນໃນປີ 2022 ຜ່ານມາ ຢູ່ນະຄອນຫລວງຮ່າໂນ້ຍ ແຫ່ງ ສສ ຫວຽດນາມ ໂດຍໄດ້ຍົກໃຫ້ເຫັນຜົນສໍາເລັດ, ຄວາມຫຍຸ້ງຍາກ, ສາເຫດ ແລະ ບົດຮຽນທີ່ຖອດຖອນໄດ້ ໃນການສືບຕໍ່ເພີ່ມທະວີການຮ່ວມມື ໃນການຈັດຕັ້ງປະຕິບັດການຮ່ວມມືທາງອາຍາ ບົນພື້ນຖານສົນທິສັນຍາວ່າ ດ້ວຍການຊ່ວຍເຫລືອເຊິ່ງກັນ ແລະ ກັນ ທາງດ້ານກົດໝາຍໃນບັນຫາອາຍາ ລະຫວ່າງ ສປປ ລາວ ແລະ ສສ ຫວຽດນາມ. ກອງປະຊຸມ ໄດ້ປະສົບຜົນສຳເລັດຢ່າງຈົບງາມ ໂດຍໄດ້ ເຫັນດີເປັນເອກະພາບກັນບາງບັນ ຫາສໍາຄັນ ເປັນຕົ້ນ ກອງປະຊຸມຕີ ລາຄາສູງຕໍ່ຫົວຂໍ້ຂອງກອງປະຊຸມ ຄັ້ງທີ VIII ຊຶ່ງເຫັນວ່າ ເໝາະສົມກັບ ຄວາມຮຽກຮ້ອງຕ້ອງການຕົວຈິງ ໃນສະພາບການທີ່ອາຊະຍາກຳ ຂ້າມຊາດ ສືບຕໍ່ມີຄວາມສັບສົນຮຸນ ແຮງຂຶ້ນ ໂດຍສະເພາະອາຊະຍາກຳໄຊເບີ, ການຫລອກລວງຜ່ານອິນ ເຕີເນັດ, ການພະນັນອອນລາຍ, ການຟອກເງິນ, ການຊື້-ຂາຍຂໍ້ມູນສ່ວນຕົວ ແລະ ການກະທຳຜິດທີ່ພົວ ພັນກັບຕ່າງປະເທດ; ກອງປະຊຸມຕີ ລາຄາສູງຕໍ່ຜົນການຈັດຕັ້ງປະຕິບັດ ບັນດາເນື້ອໃນທີ່ໄດ້ຕົກລົງເປັນເອ ກະພາບກັນ ໃນກອງປະຊຸມອົງການ ໄອຍະການປະຊາຊົນບັນດາແຂວງ ທີ່ມີຊາຍແດນຕິດຈອດ ລາວ-ຫວຽດນາມ ຄັ້ງທີ VII ຜ່ານມາ; ສອງຝ່າຍ ໄດ້ຮັກສາປະສິດທິຜົນຂອງກົນໄກ ການແລກປ່ຽນຂໍ້ມູນຂ່າວສານ, ການປະສານສົມທົບ ແກ້ໄຂຄະດີທີ່ ມີລັກສະນະຂ້າມຊາດ, ການປະຕິບັດຄຳຮ້ອງຂໍການຮ່ວມມືທາງອາຍາ; ກອງປະຊຸມເຫັນດີເປັນເອກະພາບ ໃນການສືບຕໍ່ເພີ່ມທະວີການ ຮ່ວມມື ໃນການຈັດຕັ້ງປະຕິບັດການຮ່ວມມືທາງອາຍາ ບົນພື້ນຖານສົນທິສັນຍາວ່າດ້ວຍການຊ່ວຍເຫລືອເຊິ່ງກັນ ແລະ ກັນ ທາງດ້ານກົດໝາຍ ໃນບັນຫາອາຍາ ລະຫວ່າງ ສປປ ລາວ ແລະ ສສ ຫວຽດນາມ ໂດຍ ສອດຄ່ອງກັບກົດໝາຍຂອງສອງ ປະເທດ; ຍົກສູງປະສິດທິຜົນໃນ ການຮັບ, ພິຈາລະນາ ແລະ ປະຕິບັດ ຄຳຮ້ອງຂໍການຮ່ວມມືທາງອາຍາ. ພ້ອມນີ້, ຍັງເພີ່ມທະວີການແລກປ່ຽນ ຂໍ້ມູນຂ່າວສານ, ແບ່ງປັນປະສົບ ການທາງດ້ານວິຊາການໃນການ ຕ້ານ, ສະກັດກັ້ນອາຊະຍາກຳຂ້າມ ຊາດ ໂດຍສະເພາະອາຊະຍາກຳ ໄຊເບີ; ປະສານສົມທົບໃນການພິ ສູດ, ເກັບກຳຫລັກຖານ, ຕິດຕາມຄົ້ນ ຫາຜູ້ກະທຳຜິດ ແລະ ກຳນົດຊັບສິນ ທີ່ໄດ້ມາຈາກການກະທຳຜິດ.

      ສືບຕໍ່ຊຸກຍູ້ຢ່າງແຮງການນໍາ ໃຊ້ເຕັກໂນໂລຊີຂໍ້ມູນຂ່າວສານ ແລະ ການຫັນປ່ຽນດີຈິຕອນ ໃນ ການເຄື່ອນໄຫວຮ່ວມມື ລະຫວ່າງ ຂະແໜງການໄອຍະການຂອງສອງ ປະເທດ; ເພີ່ມທະວີກົນໄກການແລກ ປ່ຽນຂໍ້ມູນຂ່າວສານໂດຍກົງ ລະ ຫວ່າງ ອົງການໄອຍະການປະຊາ ຊົນບັນດາແຂວງທີ່ມີຊາຍແດນຕິດ ຈອດກັນ ເພື່ອທັນກັບສະພາບການ, ສະກັດກັ້ນ ແລະ ແກ້ໄຂອາຊະຍາ ກຳຂ້າມຊາດ ໂດຍສະເພາະອາຊະ ຍາກຳໄຊເບີ; ກອງປະຊຸມຕີລາຄາສູງຕໍ່ບົດບາດຂອງລະບົບອົງການ ໄອຍະການທະຫານຂອງສອງປະ ເທດ ໃນວຽກງານການປະສານ ສົມທົບໃນການຕ້ານ, ສະກັດກັ້ນອາ ຊະຍາກຳຢູ່ບໍລິເວນຊາຍແດນ; ເຫັນ ດີເປັນເອກະພາບສືບຕໍ່ເພີ່ມທະວີ ການແລກປ່ຽນຂໍ້ມູນຂ່າວສານ, ແບ່ງປັນປະສົບການ ແລະ ປະສານ ສົມທົບການຈັດຕັ້ງປະຕິບັດຄຳ ຮ້ອງຂໍການຮ່ວມມືທາງອາຍາ ຕາມ ກົດໝາຍ, ສົນທິສັນຍາ ແລະ ຂໍ້ຕົກ ລົງການຮ່ວມມືລະຫວ່າງສອງຝ່າຍ; ກອງປະຊຸມຢືນຢັນຄວາມຈໍາເປັນທີ່ ຈະຕ້ອງສືບຕໍ່ຮັກສາກົນໄກການຈັດ ກອງປະຊຸມອົງການໄອຍະການປະ ຊາຊົນ ບັນດາແຂວງທີ່ມີຊາຍແດນ ຕິດຈອດ ລາວ-ຫວຽດນາມ ໃຫ້ເປັນ ເວທີທີ່ສຳຄັນ ເພື່ອເພີ່ມທະວີການ ປະສານສົມທົບ, ແລກປ່ຽນປະສົບ ການ ແລະ ເສີມສ້າງສາຍພົວພັນມິດ ຕະພາບທີ່ເປັນມູນເຊື້ອ, ຄວາມສາ ມັກຄີພິເສດລະຫວ່າງ ຂະແໜງການ ໄອຍະການຂອງສອງປະເທດ, ເຫັນ ດີເປັນເອກະພາບຈັດກອງປະຊຸມ ອົງການໄອການປະຊາຊົນ ບັນດາ ແຂວງທີ່ມີຊາຍແດນຕິດຈອດຄັ້ງທີ IX ຢູ່ ສສ ຫວຽດນາມ ໃນປີ 2029; ເຫັນດີເປັນເອກະພາບມອບໃຫ້ກົມ ຮ່ວມມືກັບຕ່າງປະເທດ ອົງການ ໄອຍະການປະຊາຊົນສູງສຸດ ແຫ່ງ ສປປ ລາວ ແລະ ກົມຮ່ວມມືສາກົນ ແລະ ການຮ່ວມມືທາງອາຍາ ອົງ ການໄອການປະຊາຊົນສູງສຸດ ແຫ່ງ ສສ ຫວຽດນາມ ເປັນໜ່ວຍງານປະ ສານສົມທົບຫລັກ ໃນການຈັດຕັ້ງ ປະຕິບັດເນື້ອໃນຕ່າງໆຂອງບົດບັນ ທຶກ, ສະໜັບສະໜູນອົງການໄອ ການປະຊາຊົນບັນດາແຂວງ ແລະ ອົງການໄອການທະຫານຂອງສອງ ປະເທດ ໃນຂະບວນການຈັດຕັ້ງປະ ຕິບັດກິດຈະກຳຮ່ວມມືມິດຕະພາບ ແລະ ການຮ່ວມ ມືທາງອາຍາ.

KPL