ຂປລ. ງານເທສະການອາຫານລາວ ປະຈຳປີ 2026 ໄດ້ເລີ່ມຂຶ້ນຢ່າງຄຶກຄື້ນ ພາຍໃຕ້ຫົວຂໍ້ "ສຳຜັດຄວາມເປັນລາວ ໂດຍຜ່ານລົດຊາດອາຫານລາວ" ຊຶ່ງປີນີ້ຖືເປັນວາລະຄົບຮອບ 21 ປີ ຂອງການຈັດງານ ເພື່ອສົ່ງເສີມເອກະລັກອາຫານ ແລະ ຜະລິດຕະພັນແມ່ຍິງລາວສູ່ເວທີສາກົນ ​ບອກ​ໄດ້​ເລີຍ​ວ່າ​ງານ​ນີ້ ​​ເປັນ​ອີກ​ງານໜຶ່ງທີ່ສ້າງ​ຜົນ​ດີ​ ໃຫ້​ຜູ້​ປະກອບ​ການ​ທີ່​ໄດ້​ນໍາ​ເອົາ​ສິນຄ້າ​ມາ​ນໍາ​ສະ​​ເໜີ​ໃຫ້​ສັງຄົມ​ໄດ້​ຮັບ​ຮູ້​ຫລາຍ​ຂຶ້ນ ​ເໝືອນດັ່ງທ່ານ ນາງ ຈຳປາທອງ ທະລົງແສງຈັນ ຄະນະບໍລິຫານງານສະມາຄົມ ນັກທຸລະກິດຍິງ ແລະ ທັງເປັນຜູ້ອຳນວຍການ ບໍລິສັດ ເອອີຊີ ການຄ້າຈຳກັດ ກໍ​ໄດ້​ນໍາ​ເອົາ​ຜະລິດ​ຕະພັນ ທີ່ຫລາກຫລາຍມາວາງຈຳໜ່າຍ ​ເປັນ​ຕົ້ນ ນໍ້າ​ເຜິ້ງ ຍີ່ຫໍ້ ເຄຣມາ (KREMA) ທີ່​ຜະລິດ​ເອງ, ຢາໝໍເທວະດາ ແລະ ຜະລິດຕະພັນນຳເຂົ້າ ທີ່ໄດ້ຮັບສິດເປັນຕົວແທນ ຈຳໜ່າຍຜູ້ດຽວໃນລາວ ເຊັ່ນ: ຢາສີຟັນເທບໄທ ແລະ OK Herbal ແລະ ສິນຄ້າອື່ນໆ ນຳມາວາງຈຳໜ່າຍ.

ທ່ານ ນາງ ຈຳປາທອງ ທະລົງແສງຈັນ ໄດ້ໃຫ້ສຳພາດຕໍ່ສື່ມວນຊົນ ໃນໂອກາດເຂົ້າຮ່ວມພິທີເປີດງານ ເທສະການອາຫານລາວ ປະຈຳປີ 2026 ຜ່ານມາວ່າ: ງານປີນີ້ມີຄວາມພິເສດຄືການເຕົ້າໂຮມເອົາປະທານແມ່ຍິງ ແລະ ນັກທຸລະກິດຍິງຈາກທັງ 18 ແຂວງ ມາຈັດສະແດງອາຫານ ທີ່ເປັນເອກະລັກສະເພາະຖິ່ນ, ນອກຈາກອາຫານແລ້ວ ທາງບໍລິສັດພວກເຮົາກໍເປັນບໍລິສັດໜຶ່ງ ໄດ້ນຳເອົາຜະລິດຕະພັນທີ່ມີຄຸນນະພາບຈາກ ບໍລິສັດ ເອອີຊີ ການຄ້າຈຳກັດ (AEC) ມາວາງ ສະແດງ ເຊັ່ນ: ຢາໝໍເທວະດາ ຊຶ່ງເຮັດດ້ວຍສານສະກັດຈາກສະໝຸນໄພທໍາມະຊາດ, ນ້ຳເຜິ້ງເກຣດ ເອ ຍີ່ຫໍ້ ເຄຣມາ (KREMA) ແລະ ຜະລິດຕະພັນນຳເຂົ້າທີ່ໄດ້ຮັບ ສິດເປັນຕົວແທນຈຳໜ່າຍຜູ້ດຽວໃນລາວ ເຊັ່ນ: ຢາສີຟັນເທບໄທ ແລະ OK Herbal ແລະ ສິນຄ້າອື່ນໆ ນຳມາວາງສະແດງ-ຈຳໜ່າຍ ໂດຍໄດ້ມີການຈັດໂປຣໂມຊັນຫລຸດລາຄາຄັ້ງໃຫຍ່ ໃນງານດັ່ງກ່າວເພື່ອຄືນກຳໄລໃຫ້ລູກຄ້າ.

ສຳລັບດ້ານການສົ່ງອອກຂອງບໍລິສັດ ເອອີຊີ ການຄ້າຈຳກັດ ໄດ້ເນັ້ນເຖິງທ່າແຮງຂອງ ກາເຟລາວ ໂດຍສະເພາະ ຈາກເຂດພູພຽງບໍລິເວນ (ປາກຊ່ອງ) ທີ່ກຳລັງເປັນທີ່ຕ້ອງການຢ່າງສູງໃນຕະຫລາດຣັດເຊຍ ຊຶ່ງມີຄວາມຕ້ອງການເຖິງ 20 ຕູ້ຄອນເທນເນີຕໍ່ປີ ແລະ ທີ່ສຳຄັນແມ່ນການເຊັນສັນຍາ ກັບຄູ່ຄ້າປະເທດຍີ່ປຸ່ນ ເພື່ອສ້າງໂຮງງານຄົ້ວກາເຟຂະໜາດໃຫຍ່ ທີ່ນຳໃຊ້ເຕັກໂນໂລຊີພະລັງງານໄຮໂດຣເຈນ (Hydrogen Energy) ເຊິ່ງການຄົ້ວກາເຟດ້ວຍພະລັງງານສະ ອາດນີ້ ຈະຊ່ວຍໃຫ້ກາເຟມີກິ່ນຫອມບໍລິສຸດ ໂດຍບໍ່ມີກິ່ນຄວັນໄຟລົບກວນ ແລະ ທີ່ສຳຄັນແມ່ນເປັນເງື່ອນໄຂໃຫ້ສິນ ຄ້າລາວໄດ້ຮັບການຍົກເວັ້ນພາສີ ໃນການສົ່ງອອກໄປຍັງສະຫະພາບເອີຣົບ (EU).

ທ່ານ ນາງ ຈຳປາທອງ ໄດ້ກ່າວຕື່ມວ່າ: ປັດຈຸບັນ ສປປ ລາວ ໄດ້ຫັນປ່ຽນຈາກປະເທດທີ່ບໍ່ມີຊາຍແດນ ອອກສູ່ທະເລກາຍມາເປັນປະເທດ ທີ່ມີເຊື່ອມໂຍງ-ເຊື່ອມຈອດກັບບັນດາປະເທດຕ່າງໆ ດ້ວຍລົດໄຟຄວາມໄວສູງ ລາວ-ຈີນ. ຈາກ ລາວໄປຮອດຄຸນໝິງ ແລະ ຕໍ່ໄປເຖິງ ຣັດເຊຍ ໄດ້ຢ່າງສະດວກ ແລະ ວ່ອງໄວ ເປີດໂອກາດໃໝ່ໃຫ້ແກ່ນັກທຸ ລະກິດແມ່ຍິງລາວ ໃນການນຳເອົາຜະລິດຕະພັນ ຄຸນນະພາບສູ່ເວທີໂລກ.

          ສໍາລັບ​ງານ ​ເທສະ​ການ​ອາຫານ​ລາວ ​ແມ່ນ ຈັດ​ຂຶ້ນ​ແຕ່​ວັນ​ທີ 26 ຜ່ານ​ມາ​ຈົນ​ຮອດ​ວັນ​ທີ 30 ມັງກອນ 2026 ນີ້ ຖ້າ​ທ່ານ​ໃດ​ສົນ​ໃຈ ກໍ​ສາ​ມາດ​ໄປ​ທ່ຽວຊົມ​ກິນ​ອາຫານ​ແຊບໆ,ຊື້​ສິນຄ້າ​ຈາກ​ບັນດາ​ຮ້ານ​ຕ່າງໆ​ ໄດ້​ເພາະ​ມີ​ສ່ວນ​ຫລຸດ​ພິ​ເສດ​ຫລາກ​ຫລາຍ​ ໂດຍ​ສະ​ເພາະ​ແມ່ນ ສິນຄ້າ​ຈາກບໍລິສັດເອອີຊີ ການຄ້າຈຳກັດບອກ​ໄດ້​ເລີຍ​ວ່າ​ສຸດ​ຄຸ້ມງານ​ນີ້.

ໂດຍ:​ມາລີດາ

KPL