ຂປລ
ຂປລ. ສູນວັດທະນະທໍາຈີນ ປະຈໍາລາວ ເປີດໃຫ້ມວນຊົນເຂົ້າຮ່ວມ ກິດຈະກຳສະເຫລີມສະ ຫລອງບຸນກຸດຈີນ ປີ 2025 ໃນຫົວຂໍ້ “ສໍາຜັດວັດທະນະທໍາຫູເປີຍ ທີ່ປະເທດລາວ” ລະຫວ່າງວັນທີ 18-19 ມັງກອນ 2025 ແບບບໍ່ເສຍຄ່າ ຢູ່ສູນວັດທະນະທໍາຈີນ ປະຈໍາລາວ, ພາຍໃນງານມີຫລາຍກິດ ຈະກຳ ເປັນຕົ້ນ ຫລິ້ນເກມ, ລະບາຍສີ, ການຂຽນໂຕໜັງສືຈີນ, ການຕັດເຈ້ຍ, ການແຕ້ມໜ້າກາກ ແລະ ກິດຈະກຳສະຫລອງບຸນກຸດຈີນອື່ນໆ ເພື່ອລຸ້ນຮັບລາງວັນ ຈາກສູນວັດທະນະທຳຈີນ.
ຂປລ. ສູນວັດທະນະທໍາຈີນ ປະຈໍາລາວ ເປີດໃຫ້ມວນຊົນເຂົ້າຮ່ວມ ກິດຈະກຳສະເຫລີມສະ ຫລອງບຸນກຸດຈີນ ປີ 2025 ໃນຫົວຂໍ້ “ສໍາຜັດວັດທະນະທໍາຫູເປີຍ ທີ່ປະເທດລາວ” ລະຫວ່າງວັນທີ 18-19 ມັງກອນ 2025 ແບບບໍ່ເສຍຄ່າ ຢູ່ສູນວັດທະນະທໍາຈີນ ປະຈໍາລາວ, ພາຍໃນງານມີຫລາຍກິດ ຈະກຳ ເປັນຕົ້ນ ຫລິ້ນເກມ, ລະບາຍສີ, ການຂຽນໂຕໜັງສືຈີນ, ການຕັດເຈ້ຍ, ການແຕ້ມໜ້າກາກ ແລະ ກິດຈະກຳສະຫລອງບຸນກຸດຈີນອື່ນໆ ເພື່ອລຸ້ນຮັບລາງວັນ ຈາກສູນວັດທະນະທຳຈີນ.
ການສະເຫລີມສະຫລອງ ບຸນກຸດຈີນ ເປັນກິດຈະກໍາແລກປ່ຽນວັດທະນະທໍາຈີນ ກັບຕ່າງປະ ເທດ ເຊິ່ງການສະຫລອງບຸນກຸດຈີນໃນປີນີ້ ຈະຈັດໃຫ້ມີກິດຈະກໍາແລກປ່ຽນຮູບແບບຕ່າງໆ ໃນທົ່ວໂລກ. ສຳລັບ ສປປ ລາວ ໃນປີນີ້, ໄດ້ສຳຜັດກັບ ວັດທະນະທຳຫູເປີຍທີ່ປະເທດລາວ ເຊິ່ງເປັນການນຳເອົາ ວັດທະນະທຳອັນອຸດົມສົມບູນ ແລະ ເປັນເອກະລັກຂອງແຂວງຫູເປີຍ ມາສູ່ສາຍຕາຂອງປະຊາຊົນລາວ ເປັນຕົ້ນ ການສະແດງສິລະປະ, ດົນຕີ, ການວາງສະແດງມໍລະດົກວັດທະນະທຳນາມມະທຳ, ອາ ຫານພື້ນເມືອງ ແລະ ຜົນງານຮູບແຕ້ມ ເຊິ່ງລ້ວນແຕ່ສະທ້ອນໃຫ້ເຫັນເຖິງມູນເຊື້ອວັດທະນະທຳອັນເກົ່າແກ່ ແລະ ມີຊີວິດຊີວາ ຂອງແຂວງຫູເປີຍ.
ໃນປະເທດຈີນ, ບຸນກຸດຈີນ ແມ່ນສັນຍາລັກແຫ່ງການເລີ່ມຕົ້ນປີໃໝ່ ເຊິ່ງຈະເລີ່ມຕົ້ນໃນວັນທີ 1 ເດືອນ 1 ຕາມປະຕິທິນຈີນ ໄລຍະກ່ອນ ແລະ ຫລັງບຸນກຸດຈີນ ຜູ້ຄົນຈະປະຕິບັດ ກິດຈະກິດທາງສັງຄົມຕ່າງໆ ເພື່ອເປັນການບອກລາປີເກົ່າຕ້ອນຮັບປີໃໝ່ ແລະ ອະທິຖານຂໍພອນ, ຂໍໂຊກລາບ, ຄົນໃນຄອບຄົວເຕົ້າໂຮມກັນ ສະເຫລີມສະຫລອງ, ເສີມຂະຫຍາຍຄວາມສາມັກຄີ ຮ່ວມກັນຂອງສັງຄົມ, ຂະ ບວນການດັ່ງກ່າວ ເອີ້ນວ່າ “ການສະເຫລີມສະຫລອງປີໃໝ່”. ອີງຕາມການຂະຫຍາຍຂອບເຂດການ ເຜີຍແຜ່ສູ່ຕ່າງປະເທດ, ບຸນກຸດຈີນ ກາຍເປັນສັນຍາລັກແຫ່ງ ວັດທະນະທໍາຈີນ ທີ່ທົ່ວໂລກໃຫ້ການຍອມຮັບ, ເຫັນພ້ອມ ແລະ ຊື່ນຊົມ.
ໃນວັນທີ 4 ທັນວາ 2024 ການສະເໜີ “ບຸນກຸດຈີນ ການສະເຫລີມສະຫລອງບຸນປີໃໝ່ ອັນເປັນມູນເຊື້ອທີ່ປະຕິບັດກັນ ໃນສັງຄົມຂອງປະຊາຊົນຊາວຈີນ” ຖືກບັນທຶກເຂົ້າໃນລາຍຊື່ມໍລະດົກ ວັດທະນະທໍານາມມະທໍາ ຂອງອົງການອຸຍແນັສໂກ.
ຂ່າວ: ກິດຕາ
ພາບ: ເກດສະໜາ
KPL
