ໂດຍການ ເປັນປະທານຂອງທ່ານ ສົມຫວັງ ພີມມະວົງ ຫົວໜ້າກົມປ່າໄມ້, ມີຜູ້ ຕາງໜ້າຈາກກະຊວງທີ່ກ່ຽວຂ້ອງ, ຫ້ອງການສໍານັກງານນາຍົກລັດຖະມົນຕີ, ຫ້ອງການຄະນະກໍາມະ ການຄຸ້ມຄອງ ແລະ ສົ່ງເສີມການ ລົງທຶນ, ກອງບັນຊາການທະຫານ ແຂວງ, ປະທານຄະນະກໍາມະ ການປົກຄອງເມືອງ, ຫ້ອງການທີ່ ກ່ຽວຂ້ອງຈາກແຂວງບໍລິຄໍາໄຊ ແລະ ແຂວງຄໍາມ່ວນ, ຜູ້ຕາງໜ້າ ຄູ່ຮ່ວມພັດທະນາ ແລະ ອົງການ ຈັດຕັ້ງສາກົນ ເຂົ້າຮ່ວມ. ກອງປະຊຸມໃນຄັ້ງນີ້, ເພື່ອ ຮ່ວມກັນຄົ້ນຄວ້າກໍານົດກົນໄກ ການກັ່ນຕອງ, ປະສານງານ, ພິຈາ ລະນາ, ອະນຸມັດ, ຕິດຕາມ ແລະ ກວດກາບັນດາໂຄງການທີ່ຕັ້ງຢູ່ໃນ ແລະ ອ້ອມຂ້າງອຸທິຍານແຫ່ງຊາດ ນາກາຍ-ນໍ້າເທີນ ຊຶ່ງໄລຍະຜ່ານ ມາລັດຖະບານ ກໍຄື ກະຊວງກະສິ ກໍາ ແລະ ສິ່ງແວດລ້ອມ ໄດ້ສົມທົບ ກັບບັນດາພາກສ່ວນກ່ຽວຂ້ອງສຸມ ໃສ່ປັບປຸງລະບົບການບໍລິຫານຄຸ້ມ ຄອງອຸທິຍານ ໂດຍປັບປຸງດໍາລັດ ເລກທີ 122/ນຍ ມາເປັນດໍາລັດ ເລກທີ 76/ນຍ ແລະ ອອກຂໍ້ຕົກລົງ ສະເພາະ ກ່ຽວກັບການຈັດຕັ້ງ ແລະ ການເຄື່ອນໄຫວຂອງອຸທິຍານ ເພື່ອ ກໍານົດພາລະບົດບາດ, ສາຍການັນຊາ, ກົນໄກການປະສານງານ ແລະ ຄວາມຮັບຜິດຊອບຂອງແຕ່ລະ ພາກສ່ວນໃຫ້ຈະແຈ້ງຂຶ້ນ. ໂອກາດນີ້, ທ່ານ ສົມຫວັງ ພີມມະວົງ ກ່າວວ່າ: ກອງປະຊຸມ ໃນຄັ້ງນີ້ ໄດ້ພ້ອມກັນປຶກສາຫາລື ກໍານົດກົນໄກການປະສານງານ ຂ້າມຂະແໜງການລະຫວ່າງຂັ້ນ ສູນກາງ, ທ້ອງຖິ່ນ ແລະ ຄະນະບໍ ລິຫານອຸທິຍານ, ກໍານົດຂັ້ນຕອນ ການກັ່ນຕອງ ແລະ ການໃຫ້ຄໍາເຫັນ ຕໍ່ໂຄງການກ່ອນການສໍາຫລວດ, ອອກແບບ, ອະນຸມັດ ແລະ ກໍ່ສ້າງ, ກໍານົດເຂດຫ້າມ, ເຂດຈໍາກັດ ແລະ ເຂດທີ່ສາມາດພິຈາລະນາພັດທະນາ ໄດ້ບົນພື້ນຖານຂໍ້ມູນວິຊາການ, ກໍາ ນົດພັນທະຂອງຜູ້ລົງທຶນໃນການ ປ້ອງກັນ, ຫລຸດຜ່ອນ, ຟື້ນຟູ ແລະ ຊົດເຊີຍຜົນກະທົບ, ກໍານົດກົນໄກ ຕິດຕາມ, ກວດກາ, ລາຍງານ ແລະ ຈັດການກໍລະນີລະເມີດຢ່າງ ທັນການ. ທ່ານ ຄຳເຝືອ ສິຣິວົງ ຮອງ ຫົວໜ້າກົມປ່າໄມ້ ໄດ້ຂຶ້ນນຳສະເໜີ ວິໄສທັດອຸທິຍານແຫ່ງຊາດ ນາ ກາຍ-ນໍ້າເທີນ 2035 ຊຶ່ງໄດ້ກຳນົດ 5 ເປົ້າໝາຍ ຄື: ມາດຕະຖານການ ຄຸ້ມຄອງລະດັບສາກົນ; ການຍອມ ຮັບລະດັບສາກົນ; ຕົ້ນແບບສຳລັບ ອຸທິຍານແຫ່ງຊາດໃນລາວ; ການ ສະໜອງທຶນແບບຍືນຍົງ; ຊີວິດການ ເປັນຢູ່ ແລະ ສູນການຄົ້ນຄວ້າ. ຂໍ້ມູນ: ຂ່າວສານກະສິກຳ

KPL