ຂປລ
ໃນ 7 ເດືອນຕົ້ນປີນີ້ ຍອດມູນຄ່າການນຳເຂົ້າ-ສົ່ງອອກ ຂອງເຂດນິ ຄົມອຸດສາຫະກຳ ຊູ່ໂຈ່ວ ເຊິ່ງເປັນເຂດ ພັດທະນາການຮ່ວມມື ລະຫວ່າງ ສປ ຈີນ ກັບຕ່າງປະເທດ ແຫ່ງທຳອິດ ຂອງ ສປ ຈີນ ບັນລຸ ຫລາຍກວ່າ 1.000 ຕື້ຢວນ ເປັນຄັ້ງທຳອິດ, ເພີ່ມຂຶ້ນ 126.8% ເມື່ອທຽບໃສ່ ໄລຍະດຽວກັນຂອງປີກາຍ ແລະ ມີຫລາຍກວ່າ ຍອດມູນຄ່າການນຳເຂົ້າ-ສົ່ງອອກ ໃນໝົດປີ 2025
ຂປລ.ວິທະຍຸ-ໂທລະພາບສູນກາງຈີນ, ແຫລ່ງຂ່າວ ຈາກດ່ານພາສີ ເຂດນິຄົມ ອຸດສາຫະກຳ ຊູ່ໂຈ່ວ ໃຫ້ຮູ້ໃນວັນທີ 13 ສິງຫານີ້ວ່າ: ໃນ 7 ເດືອນຕົ້ນປີນີ້ ຍອດມູນຄ່າການນຳເຂົ້າ-ສົ່ງອອກ ຂອງເຂດນິ ຄົມອຸດສາຫະກຳ ຊູ່ໂຈ່ວ ເຊິ່ງເປັນເຂດ ພັດທະນາການຮ່ວມມື ລະຫວ່າງ ສປ ຈີນ ກັບຕ່າງປະເທດ ແຫ່ງທຳອິດ ຂອງ ສປ ຈີນ ບັນລຸ ຫລາຍກວ່າ 1.000 ຕື້ຢວນ ເປັນຄັ້ງທຳອິດ, ເພີ່ມຂຶ້ນ 126.8% ເມື່ອທຽບໃສ່ ໄລຍະດຽວກັນຂອງປີກາຍ ແລະ ມີຫລາຍກວ່າ ຍອດມູນຄ່າການນຳເຂົ້າ-ສົ່ງອອກ ໃນໝົດປີ 2025. ໃນນັ້ນ, ຜະລິດຕະພັນຮາດແວ ປະມວນຜົນ AI ເຊັ່ນ: ໜ່ວຍຄວາມຈຳ, ໂມດູນສື່ສານດ້ວຍແສງ ຫລື optical module ແລະອື່ນໆ ໄດ້ກວມເອົາ ຫລາຍກວ່າເຄິ່ງໜຶ່ງ, ເຮັດໃຫ້ກຳລັງ ການຜະລິດໃນຄຸນນະພາບໃໝ່ ໄດ້ກາຍເປັນສິ່ງຄ້ຳປະກັນສຳຄັນ ທີ່ຊຸກຍູ້ການເຕີບໂຕ ດ້ານການຄ້າກັບຕ່າງປະເທດ ຢ່າງແຂງແຮງ.ເຂດນິຄົມ ອຸດສາຫະກຳຊູ່ໂຈ່ວ ແມ່ນໂຄງການຮ່ວມມື ທີ່ສຳຄັນ ລະຫວ່າງ ລັດຖະບານຈີນ ແລະ ສິງກະໂປ ທັງເປັນເວທີສຳຄັນ ໃນການເປີດປະຕູ ສູ່ພາຍນອກ ລະດັບສູງຂອງ ສປ ຈີນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
