ຂປລ
ຂປລ. ແຫລ່ງຂ່າວຈາກແຂວງ ຫລວງນ້ຳທາ ໃຫ້ຮູ້ວ່າ: ເນື່ອງຈາກ ເກີດນ້ຳຖ້ວມກະທັນຫັນ ຢູ່ບ້ານນ້ຳດີ ແລະ ບ້ານປ່າປົວະ ເມືອງຫລວງນ້ຳ ທາ ຊຶ່ງເຫດການນ້ຳຖ້ວມດັ່ງກ່າວ ແມ່ນເກີດຂຶ້ນພາຍຫລັງທີ່ມີຝົນຕົກ ໜັກຕິດຕໍ່ກັນ ແຕ່ຄ່ຳຄືນຂອງວັນທີ 10 ສິງຫາ 2026 ຈົນຮອດເວລາ 5:00 ໂມງເຊ້ົາ ຂອງວັນທີ 11 ສິງຫາ ເຮັດໃຫ້ມວນນ້ຳປ່າໄຫລຊຸ ເຂົ້າຖ້ວມບ້ານນ້ຳດີຢ່າງກະທັນຫັນ.
ຈາກການລົງເກັບກຳຂ້ໍມູນເບ້ືອງຕ້ົນ ພົບວ່າ: ມີເຮືອນຊານຂອງປະຊາຊົນ ຖືກນ້ຳຖ້ວມ 23 ຫລັງ ແລະ ຖືກນ້ຳພັດໄຫລເສຍຫາຍທັງຫລັງ 5 ຫລັງ. ນອກຈາກນີ້, ຍັງມີຜົນລະປູກ, ເນື້ອ ທີ່ນາ, ໜອງປາ, ພາຫະນະ ແລະ ສັດລ້ຽງຈຳນວນໜ່ຶງ ກໍໄດ້ຮັບຄວາມ ເສຍຫາຍຢ່າງໜັກໜ່ວງ. ພ້ອມ ດຽວກັນນ້ີ, ມວນນ້ຳຍັງໄດ້ໄຫລລົງ ສູ່ພື້ນທີ່ຕ່ຳ ສົ່ງຜົນກະທົບໂດຍກົງຕ່ໍ ບ້ານປ່າປົວະ ເຮັດໃຫ້ເຮືອນຊານ ຂອງປະຊາຊົນບາງສ່ວນ, ເສັ້ນທາງ ສັນຈອນ, ເນື້ອທີ່ນາ ແລະ ຜົນລະປູກ ຖືກນ້ຳຖ້ວມຂັງເຊັ່ນດຽວກັນ.
ຕໍ່ກັບສະພາບການດັ່ງກ່າວ, ຄະນະນຳຂອງແຂວງ ແລະ ເມືອງ ຫລວງນໍ້າທາ ໄດ້ລົງພື້ນທີ່ຕິດຕາມ ສະພາບໄພນ້ຳຖ້ວມກະທັນຫັນ ຢູ່ທ່ີບ້ານນ້ຳດີ ແລະ ບ້ານປ່າປົວະ ຕາແສງທົ່ງອົ້ມ ເມືອງຫລວງນ້ຳ ທາ ຊຶ່ງນຳໂດຍ ທ່ານ ອ່ອນຈັນ ຄຳພາວົງ ຮອງເລຂາພັກແຂວງ, ທ່ານ ວົງມະນີ ເພື່ອປະຊາ ຮອງປະ ທານຄະນະກຳມະການປົກຄອງ ແຂວງ, ທ່ານ ບຸນຄົງ ພິມມະສອນ ເລຂາຄະນະບໍລິຫານງານພັກ ເມືອງຫລວງນ້ຳທາ ພ້ອມດ້ວຍ ພາກສ່ວນທີ່ກ່ຽວຂ້ອງ ໂດຍໄດ້ ຊີ້ນຳໃຫ້ພາກສ່ວນກ່ຽວຂ້ອງຂັ້ນເມືອງ ປະສານສົມທົບກັບອົງການ ປົກຄອງບ້ານ ເພື່ອຮີບຮ້ອນລົງ ປະເມີນມູນຄ່າຄວາມເສຍຫາຍ ຕົວຈິງ ພ້ອມທັງຈັດສັນບ່ອນພັກ ເຊົາຊົ່ວຄາວ ໃຫ້ແກ່ຄອບຄົວທີ່ສູນ ເສຍເຮືອນຊານ ແລະ ລະດົມກຳລັງ ທະຫານ, ຕຳຫລວດ ເຂົ້າຊ່ວຍ ເຫລືອປະຊາຊົນ ໃນການອະນາໄມ ດິນຕົມ ແລະ ຟື້ນຟູສະພາບແວດ ລ້ອມ ໃຫ້ກັບຄືນສູ່ສະພາບປົກກະຕິ ໂດຍໄວ.
ນອກຈາກນີ້, ຄະນະນຳຍັງໄດ້ ຮຽກຮ້ອງໃຫ້ປະຊາຊົນ ທີ່ອາໄສ ຢູ່ລຽບຕາມແຄມນ້ຳ ແລະ ເຂດ ສ່ຽງໄພ ເພີ່ມທະວີຄວາມສະຕິລະ ວັງຕົວ, ກຽມພ້ອມຍົກຍ້າຍວັດຖຸສິ່ງ ຂອງມີຄ່າຂ້ຶນບ່ອນສູງ ແລະ ຕິດຕາມ ການແຈ້ງເຕືອນສະພາບອາກາດ ຈາກກົມອຸຕຸນິຍົມ ແລະ ອຸທົກກະ ສາດຢ່າງໃກ້ຊິດ ເນື່ອງຈາກສະພາບ ອາກາດໃນໄລຍະນີ້ ຍັງມີຄວາມ ສ່ຽງທີ່ຈະມີຝົນຕົກໜັກລົງມາຕື່ມ ຊຶ່ງອາດພາໃຫ້ເກີດນ້ຳຖ້ວມຊຸ ຫລື ດິນເຈື່ອນຊ້ຳຊ້ອນ ເພື່ອຮັບປະກັນ ຄວາມປອດໄພຕໍ່ຊີວິດ ແລະ ຊັບສິນ.
KPL
