ຂປລ
ງານແຂ່ງຂັນ ຫຸ່ນຍົນມະນຸດໂລກ ຄັ້ງທີ 2 ຈະຈັດຂຶ້ນຢູ່ສະໜາມສະເກັດ ຄວາມໄວແຫ່ງຊາດຈີນ ໃນວັນທີ 22 ສິງຫານີ້ ເຊິ່ງຈັດຂຶ້ນໂດຍການຮ່ວມມື ລະຫວ່າງ ອົງການປົກຄອງນະຄອນ ຫລວງປັກກິ່ງ ແລະ ວິທະຍຸໂທລະພາບ ສູນກາງຈີນ ຫລື CMG.
ຂປລ.ວິທະຍຸ ໂທລະພາບ ສູນກາງຈີນ, ງານແຂ່ງຂັນ ຫຸ່ນຍົນມະນຸດໂລກ ຄັ້ງທີ 2 ຈະຈັດຂຶ້ນຢູ່ສະໜາມສະເກັດ ຄວາມໄວແຫ່ງຊາດຈີນ ໃນວັນທີ 22 ສິງຫານີ້ ເຊິ່ງຈັດຂຶ້ນໂດຍການຮ່ວມມື ລະຫວ່າງ ອົງການປົກຄອງນະຄອນຫລວງປັກກິ່ງ ແລະ ວິທະຍຸໂທລະພາບ ສູນກາງຈີນ ຫລື CMG. ເມື່ອທຽບໃສ່ ງານແຂ່ງຂັນ ຫຸ່ນຍົນມະນຸດໂລກ ຄັ້ງທຳອິດແລ້ວ, ລາຍການແຂ່ງຂັນ ແລະ ທີມທີ່ຈະເຂົ້າຮ່ວມການແຂ່ງຂັນຄັ້ງນີ້ ໄດ້ເພີ່ມຂຶ້ນທາງດ້ານຄຸນນະພາບ ແລະ ປະລິມານຢ່າງຮອບດ້ານ. ງານແຂ່ງຂັນຫຸ່ນຍົນມະນຸດຄັ້ງນີ້ ຈະດຳເນີນເປັນເວລາ 5 ວັນ ໂດຍມີ ຫຸ່ນຍົນມະນຸດ 2.056 ໂຕຈາກ 666 ທີມຂອງ 16 ປະເທດເຂົ້າຮ່ວມການແຂ່ງຂັນ. ງານແຂ່ງຂັນຫຸ່ນຍົນມະນຸດຄັ້ງນີ້ ຈະນຳເອົາວູຊູ, ການຟ້ອນ ແລະ ລາຍການອື່ນໆ ທີ່ມີລັກສະນະຕໍ່ສູ້ ແລະ ມີຄວາມໜ້າຊົມ ຫລາຍກວ່າເກົ່າ ເຂົ້າໃນລາຍການແຂ່ງຂັນ. ອີງຕາມວາລະການແຂ່ງຂັນ ຈະຈັດການແຂ່ງຂັນ 51 ລາຍການ ລວມທັງໝົດ 1.301 ຮອບ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
