ທ່ານ ສີສັນ ປອງນະທີ ກຳມະ ການບໍລິຫານງານພັກກະຊວງເຕັກ ໂນໂລຊີ ແລະ ການສື່ສານ, ເລຂາ ໜ່ວຍພັກຮາກຖານ, ຮອງຜູ້ອຳ ນວຍການໃຫຍ່ບໍລິສັດ ດາວທຽມ ລາວ, ຮອງປະທານກຳມະທິການ ສົ່ງເສີມການຮ່ວມມືທຸລະກິດລາວຈີນ ປະຈຳສະພາການຄ້າ ແລະ ອຸດ ສາຫະກຳແຫ່ງຊາດລາວ ໄດ້ໃຫ້ ສຳພາດຕໍ່ນັກຂ່າວສຳນັກຂ່າວສານ ປະເທດລາວວ່າ: ວັນສື່ມວນຊົນ ລາວ ເປັນວັນທີ່ມີຄວາມໝາຍ ຄວາມສໍາຄັນທາງປະຫວັດສາດ ຫລາຍເພາະເປັນໂອກາດໃຫ້ພວກ ເຮົາໄດ້ທົບທວນຄືນເຖິງບົດບາດ, ຜົນງານ ແລະ ການເຕີບໃຫຍ່ຂະ ຫຍາຍຕົວຂອງວຽກງານສື່ມວນ ຊົນລາວຕະຫລອດໄລຍະເວລາທີ່ ຜ່ານມາ. ໃນໄລຍະຜ່ານມາ, ສື່ມວນ ຊົນລາວໄດ້ມີການເຕີບໃຫຍ່ ແລະ ຂະຫຍາຍຕົວຢ່າງຕໍ່ເນື່ອງ. ຈາກ ຮູບແບບການນໍາໃຊ້ສື່ດັ່ງເດີມເຊັ່ນ: ໜັງສືພິມ, ວິທະຍຸ ແລະ ໂທລະພາບ ໄດ້ພັດທະນາໄປສູ່ສື່ດີຈິຕອນ, ເວັບ ໄຊ ແລະ ແພດຟອມອອນລາຍ ຕ່າງໆ. ການປ່ຽນແປງນີ້ ໄດ້ຊ່ວຍ ໃຫ້ຂໍ້ມູນ-ຂ່າວສານສາມາດເຂົ້າ ເຖິງປະຊາຊົນລາວບັນດາເຜົ່າໄດ້ ຢ່າງວ່ອງໄວ ແລະ ກວ້າງຂວາງ ຫລາຍກວ່າໃນອະດີດ. ອີກດ້ານ ໜຶ່ງ, ສື່ມວນຊົນລາວ ຍັງມີບົດບາດ ໃນການເຜີຍແຜ່ຂໍ້ມູນຂ່າວສານ, ໃຫ້ ຄວາມຮູ້, ສ້າງຄວາມເຂົ້າໃຈໃຫ້ ແກ່ສັງຄົມ ແລະ ສະທ້ອນບັນຫາ ຕ່າງໆທີ່ປະຊາຊົນມີຄວາມສົນໃຈ. ພ້ອມກັນນັ້ນ, ການພັດທະນາດ້ານເຕັກໂນໂລຊີ ໄດ້ເຮັດໃຫ້ນັກຂ່າວ ແລະ ຜູ້ຜະລິດເນື້ອຫາມີໂອກາດ ນໍາສະເໜີຂໍ້ມູນໃນຮູບແບບໃໝ່ໆ ຂ່າວສານໄດ້ຫລາຍຂຶ້ນ ແລະ ເຂົ້າ ເຖິງກຸ່ມຜູ້ຮັບຂໍ້ມູນ. ແນວໃດກໍຕາມ, ສື່ມວນຊົນລາວ ໄດ້ມີການເຕີບໃຫຍ່ ທາງດ້ານຮູບແບບ, ເຕັກໂນໂລຊີ, ຄວາມຫລາກຫລາຍ ແລະ ຄວາມ ໄວໃນການນໍາສະເໜີຂ່າວສານ. ດັ່ງນັ້ນ, ວັນສື່ມວນຊົນລາວ ຈຶ່ງບໍ່ ຄວນເປັນພຽງວັນແຫ່ງການລະ ນຶກ ເຖິງຜົນງານໃນອະດີດ, ແຕ່ຄວນເປັນ ໂອກາດໃນການກຳນົດທິດທາງໃໝ່ ເພື່ອໃຫ້ສື່ມວນຊົນລາວສາມາດກ້າວ ທັນກັບຍຸກດີຈິຕອນ ແລະ ມີບົດບາດ ທີ່ສ້າງສັນຕໍ່ສັງຄົມຫລາຍຍິ່ງຂຶ້ນ. ທ່ານ ສີສັນ ປອງນະທີ ໄດ້ກ່າວ ຕື່ມວ່າ: ຖ້າທຽບກັບເມື່ອກ່ອນ, ສື່ ມວນຊົນລາວ ໃນປັດຈຸບັນແມ່ນໄດ້ ມີການພັດທະນາຂຶ້ນຫລາຍທັງດ້ານ ເຕັກໂນໂລຊີ, ຮູບແບບການນໍາສະ ເໜີ ແລະ ຄວາມໄວໃນການເຜີຍແຜ່ ຂໍ້ມູນ-ຂ່າວສານເປັນຕົ້ນແມ່ນຈາກ ສື່ແບບດັ້ງເດີມໄດ້ກ້າວມາສູ່ສື່ແບບ ດີຈິຕອນ. ເມື່ອກ່ອນອາໄສໜັງສືພິມ, ວິທະຍຸ ແລະ ໂທລະພາບເປັນຫລັກ, ແຕ່ປັດຈຸບັນມີເວັບໄຊ, ເຟສບຸກ, ຢູທູບ ແລະ ແພດຟອມອອນລາຍ ຕ່າງໆອັນເຮັດໃຫ້ການເຜີຍແຜ່ຂໍ້ມູນ ຂ່າວສານໄວຂຶ້ນ ຊຶ່ງໃນອະດີດ, ການຮັບຂ່າວສານອາດຕ້ອງລໍຖ້າ ໜັງສືພິມ ຫລື ລາຍການຂ່າວ. ປັດຈຸບັນສາມາດຮັບຂ່າວສານໄດ້ ທັນສະພາບການໂດຍຜ່ານອິນເຕີ ເນັດ; ມີເນື້ອຫາຫລາກຫລາຍຂຶ້ນ ບໍ່ມີພຽງແຕ່ບົດຂ່າວ ຫລື ລາຍການ ວິທະຍຸ-ໂທລະພາບ, ແຕ່ມີວິດີໂອ ສັ້ນ, ພອດແຄສ, ການຖ່າຍທອດສົດ ແລະ ເນື້ອຫາສໍາລັບໂຊຊຽວມີເດຍ. ຜູ້ຮັບຂ່າວສານບໍ່ໄດ້ເປັນພຽງຜູ້ອ່ານ ຫລື ຜູ້ຊົມ, ແຕ່ຍັງສາມາດສະແດງ ຄວາມເຫັນ, ແບ່ງປັນ ແລະ ສ້າງ ເນື້ອຫາໄດ້ເອງ. ແຕ່ກໍມີສິ່ງທ້າທາຍ ຫລາຍດ້ານ ໂດຍສະເພາະຂ່າວ ປອມ, ຂໍ້ມູນຜິດ ແລະ ການແຂ່ງຂັນ ດ້ານຄວາມໄວ. ດັ່ງນັ້ນ, ສື່ມວນຊົນ ຈໍາເປັນຕ້ອງເນັ້ນຄວາມຖືກຕ້ອງ, ການກວດສອບແຫລ່ງຂ່າວ ແລະ ຈັນຍາບັນວິຊາຊີບ. ໃນອະນາຄົດ ຄວນສືບຕໍ່ພັດທະນາທັກສະຂອງ ບຸກຄະລາກອນ, ນໍາໃຊ້ເຕັກໂນໂລຊີ ໃໝ່ໆ ແລະ ສ້າງເນື້ອຫາທີ່ມີຄຸນຄ່າ, ເຂົ້າເຖິງງ່າຍ ແລະ ຕອບສະໜອງ ຕໍ່ຄວາມຕ້ອງການຂອງສັງຄົມ. ແນວໃດກໍຕາມໂດຍລວມແລ້ວສື່ ມວນຊົນລາວຈາກເດີມທີ່ເນັ້ນສື່ສິ່ງ ພິມ, ວິທະຍຸ ແລະ ໂທລະພາບ ແມ່ນ ໄດ້ກ້າວເຂົ້າສູ່ຍຸກດີຈິຕອນຫລາຍ ຂຶ້ນທັງວ່ອງໄວຂຶ້ນ, ເຂົ້າເຖິງງ່າຍ ແລະ ຫລາກຫລາຍຂຶ້ນ, ແຕ່ກໍຕ້ອງ ພັດທະນາຄຸນນະພາບ ແລະ ຄວາມ ເຊື່ອຖືຄວບຄູ່ກັນໄປ. ໂດຍ: ຢ່າຕົ່ງ

KPL