ຂປລ
ຂປລ. ໃນວັນທີ 4 ພະຈິກ 2024 ນີ້, ສະຫາຍ ນາງ ໂງ ເຟືອງ ລີ (Ngo Phuong Ly) ພັນລະຍາເລຂາທິການໃຫຍ່ ພັກກອມມູນິດຫວຽດນາມ ພ້ອມດ້ວຍຄະນະ ໄດ້ໄປຢ້ຽມຢາມສູນພັດທະນາແມ່ຍິງພິການລາວ ຢູ່ເມືອງຫາດຊາຍຟອງ ນະຄອນຫລວງ ວຽງຈັນ ນຳພາໂດຍ ສະຫາຍ ນາງ ນາລີ ສີສຸລິດ ພັນລະຍາເລຂາທິການໃຫຍ່ພັກ ປປ ລາວ, ປະທານປະເທດ ແຫ່ງ ສປປ ລາວ, ທັງເປັນປະທານກິດຕິມະສັກສະມາຄົມຫັດຖະກໍາລາວ ໃນໂອກາດເດີນທາງມາຢ້ຽມຢາມ
ຂປລ. ໃນວັນທີ 4 ພະຈິກ 2024 ນີ້, ສະຫາຍ ນາງ ໂງ ເຟືອງ ລີ (Ngo Phuong Ly) ພັນລະຍາເລຂາທິການໃຫຍ່ ພັກກອມມູນິດຫວຽດນາມ ພ້ອມດ້ວຍຄະນະ ໄດ້ໄປຢ້ຽມຢາມສູນພັດທະນາແມ່ຍິງພິການລາວ ຢູ່ເມືອງຫາດຊາຍຟອງ ນະຄອນຫລວງ ວຽງຈັນ ນຳພາໂດຍ ສະຫາຍ ນາງ ນາລີ ສີສຸລິດ ພັນລະຍາເລຂາທິການໃຫຍ່ພັກ ປປ ລາວ, ປະທານປະເທດ ແຫ່ງ ສປປ ລາວ, ທັງເປັນປະທານກິດຕິມະສັກສະມາຄົມຫັດຖະກໍາລາວ ໃນໂອກາດເດີນທາງມາຢ້ຽມຢາມ, ເຮັດວຽກ ແລະ ເຂົ້າຮ່ວມພິທີເປີດ ສໍາມະນາ ແຜ່ນແພພື້ນເມືອງອາຊຽນ ຄັ້ງທີ 9 ຢູ່ ສປປ ລາວ ໂດຍມີ ຄະນະນໍາຈາກກະຊວງແຮງງານ ແລະ ສະຫວັດດີການສັງຄົມ ແລະ ຄະນະສະມາຄົມແມ່ຍິງພິການ ເຂົ້າຮ່ວມ.
ສະມາຄົມແມ່ຍິງພິການ ສ້າງຕັ້ງຂຶ້ນໃນປີ 2001 ມີຊື່ວ່າ ສູນພັດທະນາແມ່ຍິງພິການລາວ ແລະ ໄດ້ຮັບການຊີ້ນໍາໂດຍກົງຈາກ ກະຊວງແຮງງານ ແລະ ສສະຫວັດດີການສັງຄົມ, ສູນພັດທະນາແມ່ຍິງພິການລາວ ໄດ້ເຮັດບົດບາດ, ໜ້າທີ່ຂອງຕົນ ຢ່າງຕັ້ງໜ້າ ໃນການພັດທະນາແມ່ຍິງພິການໃນ ສປປ ລາວ ເຊິ່ງສາມາດຍາດໄດ້ຜົນງານຫລາຍດ້ານ ທັງພາຍໃນ ແລະ ລະດັບອາຊຽນ ໂດຍສະເພາະ ໃນວຽກງານການພັດທະນາຄົນພິການໃນຊຸມຊົນ, ລວມເຖິງການໄດ້ຮັບ ລາງວັນດີເດັ່ນຫລາຍລາງວັນ ໃນການປະກວດ ຜະລິດຕະພັນດີເດັ່ນປະຈຳປີ. ພ້ອມນີ້, ໄດ້ສຳເລັດການຝຶກອົບຮົມວິຊາຊີບ ໃຫ້ແກ່ແມ່ຍິງພິການຈຳນວນ 24 ຊຸດ, ມີຜູ້ສຳເລັດການຝຶກ 1.560 ກວ່າຄົນ. ພ້ອມທັງ ໄດ້ສ້າງການນຳ ແລະ ກຸ່ມພັດທະນາ ຢູ່ແຂວງຫລວງພະບາງ, ເຊກອງ ແລະ ນະຄອນຫລວງ ຈຳນວນ 80 ກວ່າຄົນ.
ໃນໂອກາດດຽວກັນນີ້, ສະຫາຍ ນາງ ໂງ ເຟືອງ ລີ ໄດ້ມອບເຄື່ອງຊ່ວຍເຫລືອໃຫ້ແກ່ ສູນພັດທະນາແມ່ຍິງພິການລາວ ອີກດ້ວຍ.
ໃນວັນດຽວກັນ, ສະຫາຍ ນາງ ນາລີ ສີສຸລິດ ຍັງໄດ້ ນຳພາ ສະຫາຍ ນາງ ໂງ ເຟືອງ ລີ ແລະ ຄະນະ ໄປຢ້ຽມຢາມພິພິຕະພັນພະທາດຫລວງ ແລະ ໄປມະນັດສະການ ວັດເຟີດຕິກ ຢູ່ເມືອງໄຊເສດຖາ ຕື່ມອີກ.
ພາບ: ເກດສະໜາ
KPL
