ຂປລ
ຂປລ. ສະພາບນໍ້າຖ້ວມທີ່ເກີດຂຶ້ນໃນທົ່ວປະເທດ ນັບແຕ່ເດືອນກໍລະກົດ ຫາ ເດືອນກັນຍາ 2024 ເຮັດໃຫ້ລະບົບຊົນລະປະທານທີ່ນອນໃນ 12 ແຂວງ ໃນຂອບເຂດທົ່ວປະເທດ ເສຍຫາຍ 300 ໂຄງການ, ລວມມູນຄ່າ 592 ຕື້ກວ່າກີບ. ສ່ວນເນື້ອທີ່ ທີ່ນອນໃນຂອບເຂດໂຄງການ ຊົນລະປະທານຖືກຜົນກະທົບ ທັງໝົດ 14,826 ເຮັກຕາ, ໃນນັ້ນ ເນື້ອທີ່ເສຍຫາຍ ທັງໝົດ 7.838 ເຮັກຕາ, ກວມເອົາ 55 ເມືອງ.
ຂປລ. ສະພາບນໍ້າຖ້ວມທີ່ເກີດຂຶ້ນໃນທົ່ວປະເທດ ນັບແຕ່ເດືອນກໍລະກົດ ຫາ ເດືອນກັນຍາ 2024 ເຮັດໃຫ້ລະບົບຊົນລະປະທານທີ່ນອນໃນ 12 ແຂວງ ໃນຂອບເຂດທົ່ວປະເທດ ເສຍຫາຍ 300 ໂຄງການ, ລວມມູນຄ່າ 592 ຕື້ກວ່າກີບ. ສ່ວນເນື້ອທີ່ ທີ່ນອນໃນຂອບເຂດໂຄງການ ຊົນລະປະທານຖືກຜົນກະທົບ ທັງໝົດ 14,826 ເຮັກຕາ, ໃນນັ້ນ ເນື້ອທີ່ເສຍຫາຍ ທັງໝົດ 7.838 ເຮັກຕາ, ກວມເອົາ 55 ເມືອງ.
ທ່ານ ທອງເລີຍ ແສງອານົງ ຮອງຫົວໜ້າກົມຊົນລະປະທານ, ກະຊວງກະສິກໍາ ແລະ ປ່າໄມ້ ໄດ້ໃຫ້ຮູ້ເມື່ອບໍ່ດົນນີ້ວ່າ: ລະບົບຊົນລະປະທານໃນ ຈໍານວນ 12 ແຂວງ ທີ່ໄດ້ຮັບຜົນເສຍຫາຍຈາກໄພນ້ຳຖ້ວມ, ຮ້າຍແຮງກວ່າໝູ່ແມ່ນຢູ່ 3 ແຂວງ ຄື: ນະຄອນຫລວງວຽງຈັນ ໄດ້ຮັບຜົນກະທົບ 2 ເມືອງ ມີ 15 ໂຄງການ, ເນື້ອທີ່ຖືກກະທົບ 1.676 ກວ່າເຮັກຕາ, ມູນຄ່າເສຍຫາຍເບື້ອງຕົ້ນ 96 ຕື້ກວ່າກີບ, ແຂວງຫລວງນໍ້າທາ ໄດ້ຮັບຜົນກະທົບ 4 ເມືອງ, ມີ 14 ໂຄງການ, ເນື້ອທີ່ຖືກກະທົບ 5.032 ເຮັກຕາ, ມູນຄ່າເສຍຫາຍເບື້ອງຕົ້ນ 17 ຕື້ກວ່າກີບ ແລະ ແຂວງຫົວພັນ ໄດ້ຮັບຜົນກະທົບ 2 ເມືອງ, ມີ 5 ໂຄງການ, ເນື້ອທີ່ຖືກກະທົບ 60 ເຮັກຕາ, ມູນຄ່າເສຍຫາຍເບື້ອງຕົ້ນ 5 ຕື້ກວ່າກີບ.
ສ່ວນຢູ່ 9 ແຂວງ ທີ່ເຫລືອແມ່ນໄດ້ຮັບຜົນກະທົບປົກກະຕິ ຫລື ບໍ່ຮ້າຍແຮງ. ໃນນັ້ນ, ແຂວງຜົ້ງສາລີ ກະທົບ 2 ເມືອງ, ມີ 11 ໂຄງການ, ບໍ່ແກ້ວ ກະທົບ 5 ເມືອງ, ມີ 10 ໂຄງການ, ອຸດົມໄຊ ກະທົບ 3 ເມືອງ, ມີ 26 ໂຄງການ, ຫລວງພະບາງ ກະທົບ 5 ເມືອງ, ມີ 10 ໂຄງການ, ຊຽງຂວາງ ກະທົບ 3 ເມືອງ, ມີ 8 ໂຄງການ, ໄຊຍະບູລີ ກະທົບ 3 ເມືອງ, ມີ 10 ໂຄງການ, ບໍລິຄໍາໄຊ ກະທົບ 3 ເມືອງ, ມີ 22 ໂຄງການ, ຄໍາມ່ວນ ກະທົບ 9 ເມືອງ, ມີ 31 ໂຄງການ ແລະ ເຊກອງ ກະທົບ 2 ເມືອງ, ມີ 10 ໂຄງການ.
ທ່ານ ທອງເລີຍ ແສງອານົງ ໃຫ້ຮູ້ອີກວ່າ: ບັນດາລະບົບຊົນລະປະທານທີ່ເປ່ເພທັງໝົດ ຕ້ອງໄດ້ຮີບຮ້ອນສ້ອມແປງ ໂດຍສະເພາະໂຄງການທີ່ເປັນບຸລິມະສິດ ຮັບໃຊ້ການຜະລິດລະດູແລ້ງທີ່ຈະມາເຖິງນີ້ ເພື່ອເຮັດໃຫ້ປະຊາຊົນສາມາດທໍາການຜະລິດໄດ້ທັນກັບລະດູການ.
ຂໍ້ມູນ-ພາບ: ວສລ
KPL
