ວາລະສານທິດສະດີການເມືອງ-ການປົກຄອງແມ່ນອາວຸດດ້ານແນວຄິດ-ທິດສະດີອັນແຫຼມຄົມຂອງພັກ"

20/11/2026 09:58
Email Print 102
ຂປລ ວາລະສານທິດສະດີການເມືອງ-ການປົກຄອງ ຄົບຮອບ 30 ປີ ມຸ່ງໜ້າຫັນເປັນທັນສະໄໝສູ່ຍຸກດີຈິຕອນ

ເມື່ອບໍ່ດົນມານີ້, ຄະນະຮັບຜິດຊອບສ້າງວິດີໂອສະເຫຼີມສະຫຼອງ [ວັນສ້າງຕັ້ງວາລະສານທິດສະດີການ]ເມືອງ-ການປົກຄອງ ຄົບຮອບ 30 ປີ (21.11.1996-21.11.2026) ໄດ້ຖ່າຍທຳ ແລະ ສຳພາດ ທ່ານ ດາວສະຫວັນ ເຄືອມີໄຊ ກຳມະການສຳຮອງສູນກາງພັກ, ຮອງເລຂາຄະນະບໍລິຫານງານພັກ, ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ (ສມປຊ), ຜູ້ຊີ້ນຳວຽກງານວາລະສານທິດສະດີການເມືອງ-ການປົກຄອງ ໂດຍທ່ານໄດ້ໃຫ້ທັດສະນະ ແລະ ບົດຮຽນອັນເລິກເຊິ່ງທາງດ້ານແນວຄິດການເມືອງ ໂດຍຍົກໃຫ້ເຫັນຄວາມສຳຄັນອັນເປັນຫຼັກແຫຼ່ງຂອງວາລະສານທິດສະດີການເມືອງ-ການປົກຄອງ ຕະຫຼອດໄລຍະ 30 ປີຜ່ານມາ ຊຶ່ງແມ່ນ “ອາວຸດທາງດ້ານແນວຄິດ-ທິດສະດີ” ອັນແຫຼມຄົມຂອງພັກ ໃນການໂຄສະນາ, ເຜີຍແຜ່ແນວທາງ, ມະຕິ, ຄຳສັ່ງຂອງພັກ ແລະ ກົດໝາຍຂອງລັດ, ທັງເປັນເວທີແລກປ່ຽນບົດຮຽນທິດສະດີ ແລະ ພຶດຕິກຳຕົວຈິງໃນພາລະກິດປ່ຽນແປງໃໝ່ຂອງປະເທດຊາດ.

ພ້ອມນີ້, ທ່ານ ດາວສະຫວັນ ເຄືອມີໄຊ ຍັງໄດ້ເນັ້ນເຖິງທິດທາງອະນາຄົດ ແລະ ວິໄສທັດໃນການຫັນເປັນທັນສະໄໝຂອງວາລະສານ ໃຫ້ສອດຄ່ອງກັບການພັດທະນາຂອງຍຸກເຕັກໂນໂລຊີ ແລະ ການຫັນເປັນດີຈິຕອນແຫ່ງຊາດ. ພາຍໃຕ້ສະພາບການທີ່ເຕັກໂນໂລຊີຂໍ້ມູນຂ່າວສານເຕີບໃຫຍ່ຂະຫຍາຍຕົວຢ່າງວ່ອງໄວ, ວາລະສານຈຳເປັນຕ້ອງໄດ້ປັບປຸງ ແລະ ຍົກລະດັບຮູບແບບການນຳສະເໜີ ໂດຍການຫັນສູ່ຮູບແບບເອເລັກໂຕຣນິກ (E-Magazine) ແລະ ການອ່ານອອນລາຍຜ່ານເວັບໄຊ. ການຫັນໄປສູ່ລະບົບດີຈິຕອນນີ້, ຖືເປັນບາດກ້າວບຸກທະລຸທີ່ສຳຄັນ ຊຶ່ງຈະຊ່ວຍຫຼຸດຜ່ອນຂໍ້ຈຳກັດດ້ານເວລາ ແລະ ພື້ນທີ່, ເຮັດໃຫ້ເນື້ອໃນບົດຄວາມ, ບົດຄົ້ນຄວ້າທິດສະດີ ແລະ ຂໍ້ມູນຂ່າວສານອັນເປັນມູນເຊື້ອສາມາດເຂົ້າເຖິງເປົ້າໝາຍຂອງຜູ້ອ່ານໄດ້ຢ່າງກວ້າງຂວາງ, ວ່ອງໄວ ແລະ ທົ່ວເຖິງກວ່າເກົ່າ ລວມທັງພະນັກງານນຳພາ-ຄຸ້ມຄອງ, ນັກຄົ້ນຄວ້າ, ນັກສຶກສາ ຫຼື ມວນຊົນຜູ້ສົນໃຈທົ່ວໄປ ທັງພາຍໃນ ແລະ ຕ່າງປະເທດ. ສິ່ງດັ່ງກ່າວ, ຈະເປັນການປະກອບສ່ວນສຳຄັນເຂົ້າໃນວຽກງານປ້ອງກັນ ແລະ ຕ້ານປະກົດການຫຍໍ້ທໍ້ທາງດ້ານແນວຄິດ, ພ້ອມທັງເສີມຂະຫຍາຍມູນເຊື້ອຮັກຊາດ ແລະ ຄວາມເປັນປຶກແຜ່ນແໜ້ນໜາໃນສັງຄົມ.

ການຖ່າຍທຳສຳພາດ ແລະ ການບັນທຶກປະຫວັດສາດແຫ່ງການເຕີບໃຫຍ່ຂອງວາລະສານຄັ້ງນີ້, ເປັນການສົ່ງສານອັນໜັກແໜ້ນຈາກການນຳຂັ້ນສູງໃນການສືບຕໍ່ປະດິດສ້າງ, ພັດທະນາ ແລະ ບຸກທະລຸວຽກງານວາລະສານທິດສະດີການເມືອງ-ການປົກຄອງ ໃຫ້ກ້າວຂຶ້ນສູ່ລະດັບມາດຕະຖານໃໝ່ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດຕາມເສັ້ນທາງສັງຄົມນິຍົມ.

ຂໍ້ມູນ: ຕາອັອດ ແສນທະວີສຸກ

KPL

ຂ່າວອື່ນໆ

    • ສະຫະພັນແມ່ຍິງ ກະຊວງການຕ່າງປະເທດຈັດງານລ້ຽງນ້ຳຊາ ປະຈຳປີ 2026ວັດທະນະທຳ-ສັງຄົມ

      ສະຫະພັນແມ່ຍິງ ກະຊວງການຕ່າງປະເທດຈັດງານລ້ຽງນ້ຳຊາ ປະຈຳປີ 2026

      11/20/2026 10:06:39 AM

      ສະຫະພັນແມ່ຍິງກະຊວງການຕ່າງປະເທດ ຈັດງານລ້ຽງນ້ຳຊາ ປະຈຳປີ 2026 ເພື່ອພົບປະສັງສັນ ແລະ ແລກປ່ຽນວັດທະນະທຳ ຮ່ວມກັບບັນດາທູຕານຸທູດເພດຍິງຂອງສຳນັກງານຜູ້ຕາງໜ້າຕ່າງປະເທດ ແລະ ອົງການຈັດຕັ້ງສາກົນ ປະຈຳ ສປປ ລາວ ໃນວັນທີ 18 ພະຈິກ 2026 ທີ່ສູນຝຶກອົບຮົມ ແລະ ຮ່ວມມືສາກົນ (ICTC)

    • ສັບປະດາວັດທະນະທຳຊາວໜຸ່ມຈີນ-ອາຊຽນ ປະຈຳປີ 2026ວັດທະນະທຳ-ສັງຄົມ

      ສັບປະດາວັດທະນະທຳຊາວໜຸ່ມຈີນ-ອາຊຽນ ປະຈຳປີ 2026

      11/17/2026 4:23:49 PM

      ນະຄອນຫຼວງວຽງຈັນ ເປັນເຈົ້າພາບຈັດງານສັບປະດາວັດທະນະທຳຊາວໜຸ່ມ ຈີນ-ອາຊຽນ 2026 ພາຍໃຕ້ຫົວຂໍ້: "ການເຊື່ອມໂຍງຂອງຊາວໜຸ່ມ ຮ່ວມກັນສ້າງອະນາຄົດທີ່ຍືນຍົງ"

    • 28 ຕາແສງ ຢູ່ແຂວງອຸດົມໄຊ ໄດ້ຮັບອຸປະກອນໄອທີ ວັດທະນະທຳ-ສັງຄົມ

      28 ຕາແສງ ຢູ່ແຂວງອຸດົມໄຊ ໄດ້ຮັບອຸປະກອນໄອທີ

      11/17/2026 6:20:58 AM

      ຂປລ. ແຫລ່ງຂ່າວຈາກແຂວງ ອຸດົມໄຊ ໃຫ້ຮູ້ວ່າ: ພິທີມອບ-ຮັບ ອຸປະກອນໄອທີ ໃຫ້ແກ່ຄະນະກຳມະ ການປົກຄອງ 28 ຕາແສງ ພາຍໃນ 7 ເມືອງ ແຂວງອຸດົມໄຊ ຈາກ ຄະນະຈັດຕັ້ງສູນກາງພັກ ຈັດຂຶ້ນ ເມື່ອບໍ່ດົນມານີ້ ທີ່ແຂວງອຸດົມໄຊ ຕາງໜ້າມອບໂດຍ ທ່ານ ດອນ ໄພວົງ ຮອງຄະນະຈັດຕັ້ງສູນກາງ ພັກ ແລະ ຕາງໜ້າຮັບໂດຍຄະນະ ກຳມະການປົກຄອງ 28 ຕາແສງ, ມີ ທ່ານ ວົງສະຫວັນ ໄຊຍະວົງ ປະ ທານຄະນະກຳມະການປົກຄອງ ແຂວງອຸດົມໄຊ ແລະ ພາກສ່ວນທ່ີກ່ຽວຂ້ອງ ເຂົ້າຮ່ວມ.

    • ປະທານຄະນະກຳມະການປົກຄອງແຂວງອັດຕະປື ຕ້ອນຮັບທູດ ສ ເກົາຫລີ ປະຈຳລາວວັດທະນະທຳ-ສັງຄົມ

      ປະທານຄະນະກຳມະການປົກຄອງແຂວງອັດຕະປື ຕ້ອນຮັບທູດ ສ ເກົາຫລີ ປະຈຳລາວ

      11/17/2026 6:15:35 AM

      ຂປລ. ແຫລ່ງຂ່າວຈາກແຂວງ ອັດຕະປື ໃຫ້ຮູ້ວ່າ: ທ່ານ ທະນູໄຊ ບັນຊາລິດ ປະທານຄະນະກຳມະ ການປົກຄອງແຂວງອັດຕະປື ພ້ອມ ຂະແໜງການທີ່ກ່ຽວຂ້ອງຂອງ ແຂວງ ໄດ້ຕ້ອນຮັບ ທ່ານ ລີ ຈອງ ຮັອບ ເອກອັກຄະລັດຖະທູດວິສາມັນຜູ້ມີ ອຳນາດເຕັມແຫ່ງສາທາລະນະລັດ ເກົາຫລີ ປະຈຳ ສປປ ລາວ ພ້ອມ ຄະນະ ໃນວັນທີ 11 ພະຈິກ 2026, ທີ່ສຳນັກງານແຂວງອັດຕະປື, ໃນ ໂອກາດເດີນທາງມາຢ້ຽມຢາມ ແລະ ເຮັດວຽກຢູ່ແຂວງອັດຕະປື ເພື່ອປຶກສາຫາລື, ແລກປ່ຽນຂໍ້ມູນ ແລະ ຊຸກຍູ້ການຮ່ວມມືດ້ານການພັດ ທະນາໃຫ້ນັບມື້ເລິກເຊິ່ງ ແລະ ເປັນ ຮູບປະທຳຍິ່ງຂຶ້ນ.

    • ເຜີຍແຜນການນຳໃຊ້ດີຈີຕອນ ເພື່ອຄຸ້ມຄອງການເກັບລາຍຮັບຂອງລັດວັດທະນະທຳ-ສັງຄົມ

      ເຜີຍແຜນການນຳໃຊ້ດີຈີຕອນ ເພື່ອຄຸ້ມຄອງການເກັບລາຍຮັບຂອງລັດ

      11/17/2026 6:10:40 AM

      ຂປລ. ແຫລ່ງຂ່າວຈາກແຂວງ ວຽງຈັນ ໃຫ້ຮູ້ວ່າ: ແຂວງວຽງຈັນ ໄດ້ເຜີຍແຜ່ ແລະ ແນະນຳການນຳ ໃຊ້ລະບົບຄຸ້ມຄອງໃບເກັບເງິນແບບ ເອເລັກໂຕຣນິກ (E-Tax In-voice) ແລະ ລະບົບຄ່າທຳນຽມ, ຄ່າບໍລິການ (D-Filing) ໃຫ້ພະ ນັກງານທີ່ຮັບຜິດຊອບວຽກງານດັ່ງ ກ່າວ ໃນທົ່ວແຂວງໃນທ້າຍອາທິດ ຜ່ານມາ ໂດຍການເປັນປະທານຂອງ ທ່ານ ສີວຽງໄຊ ອໍລະບູນ ຮອງປະທານຄະນະກຳມະການ ປົກຄອງແຂວງ, ທ່ານ ຄຳພັນ ພັນ ທຸລັກ ຫົວໜ້າກົມສ່ວຍສາອາກອນ, ພ້ອມດ້ວຍການນຳພະແນກການ ເງິນແຂວງ, ສ່ວຍສາອາກອນ ແຂວງ, ການນຳເມືອງແກ້ວອຸດົມ, ພະນັກງານຈາກພະແນກການ ຕ່າງໆ ແລະ ຕາງໜ້າຫົວໜ່ວຍ ທຸລະກິດເຂົ້າຮ່ວມ.

ads
ads

Top