ຂປລ
ສຳນັກງານ ສປຊ ຢູ່ນະຄອນ ນິວຢອກຂອງ ສ. ອາເມລິກາ, ສະມັດຊາໃຫຍ່ ສປຊ ໄດ້ເລືອກຕັ້ງ ສະມາຊິກໃໝ່ 18 ປະເທດ ເຂົ້າຮ່ວມ ສະພາສິດທິມະນຸດ, ລວມມີ 47 ປະເທດສະມາຊິກ
ຂປລ.ວິທະຍຸ ກະຈາຍສຽງ ຫວຽດນາມ, ເມື່ອບໍ່ດົນມານີ້, ສຳນັກງານ ສປຊ ຢູ່ນະຄອນ ນິວຢອກຂອງ ສ. ອາເມລິກາ, ສະມັດຊາໃຫຍ່ ສປຊ ໄດ້ເລືອກຕັ້ງ ສະມາຊິກໃໝ່ 18 ປະເທດ ເຂົ້າຮ່ວມ ສະພາສິດທິມະນຸດ, ລວມມີ 47 ປະເທດ ສະມາຊິກ. ໃນນັ້ນ ມີບັນດາທີ່ນັ່ງ ໄດ້ແບ່ງປັນຕາມແຕ່ລະເຂດພາກ ເພື່ອຮັບປະກັນ ການເຂົ້າຮ່ວມ ຂອງຜູ້ຕາງໜ້າຕາມພູມີສາດ. ບັນດາ ປະເທດນີ້ ຈະມີອາຍຸການ ແກ່ຍາວ ເປັນເວລາ 3 ປີ, ນັບແຕ່ວັນທີ 1 ມັງກອນ ປີ 2025. ຜ່ານຮູບແບບ ປ່ອນບັດລັບ, ສະມັດຊາໃຫຍ່ ສປຊ ໄດ້ເລືອກເອົາ ເບແນັງ, ໂບລີເວຍ, ໂກໂລມບີ, ສ.ໄຊປຣັດ, ເຊັກ, ກົງໂກ, ເອທີໂອປີ, ກຳບີ, ອຽກລັງ, ແຄນຢາ, ໝູເກາະມາແຊວ, ເມັກຊີກ, ມາເຊໂດນີ ເໜືອ, ກາຕາ, ສ.ເກົາຫລີ, ແອັດສະປາຍ, ສະວິດ ແລະ ໄທ ເປັນສະມາຊິກ ສະພາສິດທິມະນຸດ ສປຊ ອາຍຸການ 2025 - 2027./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
