ຂປລ
ທ່ານ ໂຕເລິມ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ແລະ ກະສັດລາຊະອານາຈັກ ແດນມາກ Frederik X ໄດ້ເຂົ້າຮ່ວມການພົບປະກັບ ບັນດາວິສາຫະກິດດີເດັ່ນ ຂອງແດນມາກ
ຂປລ.ວິທະຍຸກະຈ່າຍສຽງຫວຽດນາມ, ໃນຂອບເຂດ ການຢ້ຽມຢາມ ທາງລັດຖະກິດ ຢູ່ລາຊະອານາຈັກ ດານມາກ, ໃນວັນທີ 20 ຕຸລາ, ຢູ່ນະຄອນຫລວງ ໂກເປັນຮັກ(Copenhagen), ທ່ານ ໂຕເລິມ ເລຂາທິການໃຫຍ່ ຄະນະບໍລິຫານງານ ສູນກາງພັກ ກອມມູນິດ ຫວຽດນາມ, ປະທານປະເທດ ຫວຽດນາມ ແລະ ກະສັດລາຊະອານາຈັກ ແດນມາກ Frederik X ໄດ້ເຂົ້າຮ່ວມການພົບປະກັບ ບັນດາວິສາຫະກິດດີເດັ່ນ ຂອງແດນມາກຄື: A.P. Moller – Maersk ໃນຂົງເຂດການຄ້າ ແລະ logistics; LEGO Group, Carlsberg, Pandora ໃນຂົງເຂດການລົງທຶນ ອຸດສາຫະກຳ; Copenhagen Infrastructure Partners (CIP) ສະເພາະ ຫົວເລື່ອງ ກ່ຽວກັບ ການລົງທຶນ ພະລັງງານ ແລະ Vestas ເຄື່ອນໄຫວໃນຂົງເຂດ ຫັນປ່ຽນພະລັງງານ. ນະທີ່ນີ້, ທ່ານ ເລຂາທິການໃຫຍ່, ປະທານປະເທດ ໂຕເລິມ ສະເໜີ ສຳລັບຂົງເຂດ logistics ແລະ ທ່າກຳປັ່ນທະເລ, ບັນດາວິສາຫະກິດແດນມາກຈົ່ງຄົ້ນຄ້ວາ ເປີດກວ້າງການລົງທຶນເຂົ້າລະບົບທ່າກຳປັ່ນທະເລ, ທ່າກຳປັ່ນສົ່ງຕໍ່ ສາກົນ, ສູນ logistics, logistics ອັດສະລິຍະ, logistics ການບິນ, logistics ທາງລົດໄຟ ແລະ ບັນດາມາດຕະການຄຸ້ມຄອງລະບົບຕອ່ງໂສ້ ການສະໜອງ ທີ່ທັນສະໄໝ, ສ້າງບັນດາສູນແຈກຢາຍ, ສົ່ງຕໍ່ ແລະ ຄຸ້ມຄອງ ລະບົບສະໜອງໃຫ້ແກ່ພາກພື້ນ ຢູ່ ຫວຽດນາມ. ສຳລັບຂົງເຂດພະລັງງານ ຫວຽດາມ ປາດຖະໜາວ່າ ບັນດາກຸ່ມບໍລິສັດ ຮ່ວມເດີນທາງກັບ ຫວຽດນາມ ໃນການພັດທະນາ ພະລັງງານສະອາດ, ພະລັງງານທົດແທນ, ໄຟຟ້າແຮງລົມ, ໄຟຟ້າແສງຕາເວັນ, ບັນດາແຫຼ່ງສະໜອງໄຟຟ້າເປັນປົກກະຕິ ແລະ ມີໄຫວພິບ, ລະບົບສຳຮອງພະລັງງານ ແລະ ບັນດາມາດຕະການຍົກສູງ ປະສິດທິຜົນ ໃນການນຳໃຊ້ພະລັງງານ; ສ້າງລະບົບນິເວດ ອຸດສາຫະກຳພະລັງງານ, ພັດທະນາ ຕ່ອງໂສ້ການສະໜອງ, ການຜະລິດວັດຖຸອຸປະກອນ, ການບໍລິການເຕັກນິກ, ການຄົ້ນຄ້ວາ ພັດທະນາ, ບຳລຸງກໍ່ສ້າງ ຊັບພະຍາກອນມະນຸດ ແລະ ຍົກສູງອັດຕາເຂົ້າຮ່ວມ ຂອງວິສາຫະກິດ ຫວຽດນາມ ເທື່ອລະກ້າວ. ສຳລັບຂົງເຂດ ການຜະລິດກ້າວໜ້າ, ບັນດາກຸ່ມບໍລິສັດຕ້ອງມຸ່ງໄປເຖິງ ເປົ້າໝາຍ ເພື່ອໃຫ້ບັນດາ ຜະລິດຕະພັນ ໄດ້ຮັບການຄົ້ນຄ້ວາ, ອອກແບບ ແລະ ຜະລິດຢູ່ ຫວຽດນາມ ອາດສາມາດເຂົ້າເຖິງ ຜູ້ບໍລິໂພກ ນັບຮ້ອຍລ້ານຄົນໃນທົ່ວໂລກ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
