ນັກກິລາດອກປີກໄກ່ສະຖາບັນລາວ-ອາເມລິກາ ແລະ ສະຖາບັນການທະນາຄານຄອງຫຽນຄໍາຮ່ວມ

13/05/2024 10:51
Email Print 382
ຂປລ ທ້າຍອາທິດຜ່ານມານີ້, ທີ່ເດີ່ນດອກປີກໄກ່ ເອທີ ສະປອດ ບ້ານໜອງ ວຽງຄຳ ເມືອງໄຊທານີ ນະຄອນຫລວງວຽງຈັນ ໄດ້ມີພິທີມອບຫລຽນກິລາດອກປີກໄກ່ ງານມະຫະກຳກິລາມະຫາວິທະຍາໄລລາວຄ້ັງ ທີ 2.

    *ທ້າຍອາທິດຜ່ານມານີ້, ທີ່ເດີ່ນດອກປີກໄກ່ ເອທີ ສະປອດ ບ້ານໜອງ ວຽງຄຳ ເມືອງໄຊທານີ ນະຄອນຫລວງວຽງຈັນ ໄດ້ມີພິທີມອບຫລຽນກິລາດອກປີກໄກ່ ງານມະຫະກຳກິລາມະຫາວິທະຍາໄລລາວຄ້ັງ ທີ 2 ໃຫ້ກຽດມອບຫລຽນໂດຍ ທ່ານ  ສົມໃຈ ລາດຊະວົງ ຮອງອະທິການບໍດີມະຫາວິທະຍາໄລວິທະຍາສາດສຸຂະພາບ, ຮອງປະທານຈັດງານມະຫະກໍາກິລາມະຫາວິທະຍາໄລລາວ ຄັ້ງທີ 2, ທ່ານ ໄຊບັນດິດ ຣາຊະພົນ ເລຂາທິການສະຫະພັນກິລາດອກປີກໄກ່ແຫ່ງຊາດ, ທ່ານ ວົງປະສິດ ຈັນທະຄຸນ ຮອງອະທິການບໍດີມະຫາວະທະຍາໄລສຸພານຸວົງ, ທ່ານ ອໍາພາ  ທຸມມາລາ ຫົວໜ້າພະແນກຄຸ້ມຄອງ ນັກສຶກສາສະຖາບັນການທະນາຄານ ແລະ ທ່ານ ວົງສະທິດ ສຸວໍລະວົງ  ຜູ້ອໍານວຍການສະຖາບັນລາວ-ອາເມລິກາ ພ້ອມດ້ວຍຄະນະຈັດການແຂ່ງຂັນ, ຄູຝຶກ ແລະ ນັກກິລາແຕ່ລະພາກສ່ວນ, ກອງເຊຍເຂົ້າຮ່ວມ.  

    ການແຂ່ງຂັນກິລາດອກປີກໄກ່ ໃນງານມະຫະກຳກິລາມະຫາວິທະຍາໄລລາວ ຄັ້ງທີ 2 ມີການຊີງທັງໝົດ 5 ຫລຽນຄຳຄື: ລາຍການດ່ຽວຊາຍ, ຄູ່ຊາຍ, ດ່ຽວຍິງ, ຄູ່ຍິງ ແລະ  ທີມປະສົມເຊິ່ງຜົນປະກົດວ່າສະຖາບັນລາວ-ອາເມລິກາ ແລະ ສະຖາບັນການທະນາຄານ ສາມາດຍາດໄດ້ສະຖາບັນລະ 2 ຫລຽນຄຳ.ໃນນັ້ນ, ສະຖາບັນລາວ-ອາເມລິກາ ໄດ້ 2  ຫລຽນຄໍາ ຈາກລາຍການດ່ຽວຍິງ  ນາງ ທິດາຈັນ ສີປະເສີດ ແລະ ລາຍການຄູ່ປະສົມ ທ້າວ ນາມບຸນ ຫລວງ ອາມາດ ແລະ ນາງ ທິດາຈັນ ສີປະເສີດ. ຂະນະທີ່ສະຖາບັນການທະນາຄານ ໄດ້ 2 ຫລຽນຄໍາ ຈາກລາຍການດ່ຽວຊາຍ ທ້າວ ພອນສັກ ໂຊກທະວີ ແລະ ລາຍການຄູ່ຊາຍ ທ້າວ ດາວ ມີໄຊ ວໍລະສິງ ແລະ ທ້າວພອນສັກ ໂຊກທະວີ.    

     ສຳລັບການແຂ່ງຂັນດອກປິກໄກ່ ລາຍການດ່ຽວຍິງ ທີ 1 ຫລຽນຄໍາ ໄດ້ແກ່ ນາງ ທິດາຈັນ ສີປະເສີດ ຈາກສະຖາບັນລາວ-ອາເມລິກາ, ຫລຽນເງິນ ນາງ ວິລະກອນ ກົມມະນີວັນ ຈາກມະຫາວິທະຍາໄລ ວິທະຍາສາດສຸຂະພາບ ແລະ ຫລຽນທອງຮ່ວມ ນາງ ສົມສະໜິດ ຈັນ ສະຫວັນ ຈາກມະຫາວິທະຍາໄລ ວິທະຍາສາດສຸຂະພາບ ແລະ ນາງ ທິບພາວັນ ມູນໂພໄຊ ຈາກມະຫາວິທະຍາໄລແຫ່ງຊາດ. ລາຍການ ດ່ຽວຊາຍ ຫລຽນຄໍາ ໄດ້ແກ່ ທ້າວ ພອນສັກ ໂຊກທະວີ ຈາກສະຖາບັນການທະນາຄານ, ຫລຽນເງິນແມ່ນ ທ້າວ ໄຊຍະລາດ ສຸກສະຫວັນ ຈາກວິທະຍາໄລວິທະຍາສາດສຸຂະພາບ ແລະ ຫລຽນທອງຮ່ວມ ແມ່ນທ້າວ ທາວັນ ຈິດຖາວອນຈາກສະຖາບັນ ລາວ-ອາເມລິກາ ແລະ ທ້າວ ຄໍາ ຫລ້າເຊີນ ຈາກມະຫາວິທະຍາໄລ ສຸພານຸວົງ.    

    ລາຍການຄູ່ຍິງ ຫລຽນຄໍາ ໄດ້ ແກ່ ນາງ ພຸດທິດາ ມະນີວັນ ແລະ  ນາງ ແສງມະນີ ພົມມະຈັນ ຈາກມະຫາວິທະຍາໄລສຸພານຸວົງ, ຫລຽນເງິນ ແມ່ນນາງ ໝິວນິຕາ ພົມພອນ ສີ ແລະ ນາງ ທິດສະກີ ສອນດາວົງ  ຈາກສະຖາບັນຣັຕນະບໍລິຫານທຸລະກິດ ແລະ ຫລຽນທອງຮ່ວມ ແມ່ນ ນາງ ຕາດໍາ ບຸດດາຄໍາ ແລະ ນາງ ວິໄລພອນ ສິລິປັນໂຍຈາກມະຫາ ວິທະຍາໄລແຫ່ງຊາດ ແລະ ນາງ ປາລິສາ ທຸມມະວົງສາ ແລະ ນາງ ສົມສະໜິດ ຈັນສະຫວັນ ຈາກມະຫາ ວິທະຍາໄລວິທະຍາສາດສຸຂະພາບ. ລາຍການຄູ່ຊາຍ ຫລຽນຄໍາ ໄດ້ແກ່  ທ້າວ ດາວມີໄຊ ວໍລະສິງ ແລະ ທ້າວ ພອນສັກ ໂຊກທະວີ ສະຖາບັນການທະນາຄານ, ຫລຽນເງິນ ແມ່ນທ້າວ  ສົມສຸກ ພັນທະວົງ ແລະ ທ້າວ ວິທະຍາ ມະວົງສາ ຈາກສະຖາບັນລາວ- ອາເມລິກາ ແລະ ຫລຽນທອງຮ່ວມ ແມ່ນທ້າວ ມານັດ ເພຍສຸລິນ ແລະ ທ້າວ ໄຊຍະລາດ ສຸກສະຫວັດ ຈາກມະຫາວິທະຍາໄລວິທະຍາສາດສຸຂະພາບ ແລະ ທ້າວ ປາສິດ ສະຫວີວັນ ແລະ ທ້າວ ສາຍຟ້າ ສິຣິວົງ ຈາກມະຫາວິທະຍາໄລສຸພານຸວົງ. ລາຍການຄູ່ປະສົມ ຫລຽນຄໍາ  ໄດ້ແກ່ ທ້າວ ນາມບຸນ ຫລວງອາມາດ ແລະ ນາງ ທິດາຈັນ ສີປະເສີດ ຈາກສະຖາບັນລາວ-ອາເມລິກາ, ຫລຽນເງິນ ແມ່ນທ້າວ ມານັດ ເພຍ ສຸລິນ ແລະ ນາງ ວິລະກອນ ກົມ ມະນີວັນ ຈາກມະຫາວິທະຍາໄລວິທະຍາສາດສຸຂະພາບ ແລະ ຫລຽນທອງຮ່ວມ ແມ່ນ ທ້າວ ປາສິດ ສະຫວີວັນ ແລະ ນາງ ແສງມະນີ ພົມມະຈັນ ຈາກມະຫາວິທະຍາໄລສຸພານຸວົງ ແລະ ທ້າວ ແສງປະເສີດ ສົມບູນ ແລະ ນາງ ທິບພາວັນ ມູນໂພໄຊ ຈາກມະຫາວິທະຍາໄລແຫ່ງຊາດ.

ໂດຍ:ຢ່າຕົ່ງໂດຍ:ຢ່າຕົ່ງ

KPL

ຂ່າວອື່ນໆ

ads
ads

Top