ຂປລ
ທ່ານນາງ Ursula von der Leyen, ປະທານຄະນະກຳມະການ ເອີຣົບ (EC) ໄດ້ສະເໜີ ຫລາຍຂໍ້ລິເລີ່ມ ເພື່ອເພີ່ມທະວີ ຄວາມສາມາດ ດ້ານ ຄວາມໝັ້ນຄົງ, ຄຽງຄຸມຄວາມສ່ຽງ ຈາກປັນຍາ ປະດິດ (AI) ແລະ ປົກປ້ອງເດັກນ້ອຍ ທາງໄຊເບີ.
ຂປລ.ວິທະຍຸກະຈາຍສຽງ ຫວຽດນາມ: ວັນທີ 16 ກັນຍາ, ທ່ານນາງ Ursula von der Leyen, ປະທານຄະນະກຳມະການ ເອີຣົບ (EC) ໄດ້ສະເໜີ ຫລາຍຂໍ້ລິເລີ່ມ ເພື່ອເພີ່ມທະວີ ຄວາມສາມາດ ດ້ານ ຄວາມໝັ້ນຄົງ, ຄຽງຄຸມຄວາມສ່ຽງ ຈາກປັນຍາ ປະດິດ (AI) ແລະ ປົກປ້ອງເດັກນ້ອຍ ທາງໄຊເບີ.
Ursula von der Leyen ກ່າວຄຳເຫັນຢູ່ ລັດຖະສະພາ ເອີຣົບ ໃນ Strasbourg, ປະເທດຝຣັ່ງ, ໂດຍຖືວ່າ ເອີຣົບ ຕ້ອງການ ກົນໄກ ທີ່ ຄ້າຍຄືກັບ ອົງການ ສົນທິສັນຍາ ອັດລັງຕິກເໜືອ (NATO) ເພື່ອສົມທົບກັນ ຮັບມືກັບບັນດາ ການແຊກແຊງ ດ້ວຍເຮືອບິນ ບໍ່ມີຄົນຂັບ (UAV), ການທຳລາຍ ແລະ ການໂຈມຕີ ທາງໄຊເບີ. ກ່ຽວກັບ AI, ປະທານ EC ຮຽກຮ້ອງ ໃຫ້ມີ ການຄວບຄຸມ ລະດັບ ການພັດທະນາ ຮູບແບບ AI ທີ່ ກ້າວໜ້າທີ່ສຸດ, ຍ້ອນວ່າ ຄວາມສາມາດ ທີ່ນັບມື້ນັບເພີ່ມຂຶ້ນສູງ ຢ່າງຕໍ່ເນື່ອງ ອາດຈະສ້າງຄວາມສ່ຽງ ທີ່ບໍ່ເຄີຍມີມາກ່ອນ. ສ່ວນ ການອົບພະຍົບ, ປະທານ EC ໃຫ້ຮູ້ວ່າ ເອີຣົບ ສະເໜີ ກົນໄກ ການຮັບມືກັບ ສະພາບ ການສຸກເສີນ ເອີຣົບ ເພື່ອຊ່ວຍ ບັນດາປະເທດ ສະມາຊິກ ແກ້ໄຂ ບັນດາ ກະແສ ອົບພະຍົບ ທີ່ມີ ຂອບຂະໜາດໃຫຍ່. ນອກຈາກນັ້ນ, ການປົກປ້ອງ ເດັກນ້ອຍທາງໄຊເບີ, ທ່ານນາງ von der Leyen ໄດ້ສະເໜີໃຫ້ ຫ້າມເດັກນ້ອຍ ທີ່ມີອາຍຸຕ່ຳກວ່າ 13 ປີນຳໃຊ້ສື່ສັງຄົມ, ໃນຂະນະທີ່ ເດັກນ້ອຍ ທີ່ມີອາຍຸ 13 ຫາ 15 ປີ ຈະພຽງແຕ່ນຳໃຊ້ ບັນດາ ບັນຊີ ທີ່ຖືກຈຳກັດ ໂດຍພໍ່ແມ່ຂອງເຂົາເຈົ້າສ້າງ ແລະ ຕິດຕາມເທົ່ານັ້ນ./
KPL
