ຂປລ. ໃຫ້ກຽດເປັນປະທານໂດຍທ່ານ ທອງສະລິດ ມັງໜໍ່ເມກ ຮອງນາຍົກລັດຖະມົນຕີ, ລັດຖະມົນຕີກະຊວງສຶກສາທິການ ແລະ ກິລາ, ປະທານສະພາວິທະຍາສາດແຫ່ງຊາດ, ທັງເປັນປະທານສະພາບໍລິຫານກອງທຶນພັດທະນາວິທະຍາສາດ ແລະ ເຕັກໂນໂລຊີ, ມີບັນດາຄະນະນຳ, ຫົວໜ້າຫ້ອງວ່າການແຂວງ, ຕາງໜ້າພະແນກການອ້ອມຂ້າງແຂວງ, ພະແນກສຶກສາທິການ ແລະ ກິລາ ຈາກ 7 ແຂວງພາກເໜືອ ແລະ ພາກສ່ວນກ່ຽວຂ້ອງເຂົ້າຮ່ວມ. 

    ທ່ານ ທອງສະລິດ ມັງໜໍ່ເມກ ໄດ້ກ່າວວ່າ: ການເຜີຍແຜ່ນິຕິກຳກ່ຽວກັບການຄຸ້ມຄອງ ແລະ ສົ່ງເສີມນັກຄົ້ນຄວ້າວິທະຍາສາດ ແມ່ນມີຄວາມສໍາຄັນຢ່າງຍິ່ງເພາະໄດ້ເຜີຍແຜ່ບັນດານິຕິກຳ ແລະ ເອກະສານສຳຄັນຂອງກອງທຶນພັດທະນາວິທະຍາສາດ ແລະ ເຕັກໂນໂລຊີ ເປັນຕົ້ນດຳລັດວ່າດ້ວຍນັກຄົ້ນຄວ້າວິທະຍາສາດ; ຄຳແນະນຳການໃຫ້ນາມມະຍົດນັກຄົ້ນຄວ້າວິທະຍາສາດ ແລະ ລາງວັນວິທະຍາສາດ; ຄຳແນະນຳວ່າດ້ວຍການສະໜັບສະໜູນສ້າງຄວາມເຂັ້ມແຂງດ້ານວິທະຍາສາດ, ເຕັກໂນໂລຊີ-ນະວັດຕະກຳ ແລະ ຄວາມສຳຄັນ ຂອງການລົງທະບຽນນັກຄົ້ນຄວ້າ ວິທະຍາສາດໃນຖານຂໍ້ມູນນັກຄົ້ນ ຄວ້າວິທະຍາສາດ ເພື່ອເກັບກໍາເອົາ ບັນດາຂໍ້ມູນນັກຄົ້ນຄວ້າໃນການ ແຕ່ງຕັ້ງເປັນຄະນະກຳມະການ ວິຊາການ, ຄະນະວິຊາການກັ່ນ ຫົວຂ້ໍຄ້ົນຄວ້າ ແລະ ການເກັບກຳຜົນງານການຄົ້ນຄວ້າ ເພື່ອເປັນການສົ່ງເສີມ, ໃຫ້ລາງວັນ, ນາມມະຍົດ ແລະ ຕຳແໜ່ງນັກຄ້ົນຄວ້າວິທະຍາສາດໃຫ້ແກ່ບັນດານັກຄ້ົນຄວ້າຜູ້ທີ່ມີຜົນງານດີເດັ່ນໃນວຽກງານການຄົ້ນຄວ້າວິທະຍາສາດ, ເພື່ອສ້າງແຮງຈູງໃຈໃຫ້ແກ່ນັກຄ້ົນຄວ້າຮຸ່ນໃໝ່ ໃນການສຸມສະຕິປັນຍາ ແລະ ເຫື່ອແຮງເຂົ້າໃນການສ້າງຜົນງານການຄົ້ນຄວ້າວິທະຍາສາດໃຫ້ເພີ່ມຂຶ້ນເລື້ອຍໆ. 

    ໃນກອງປະຊຸມ, ຜູ້ເຂົ້າຮ່ວມໄດ້ຮັບຟັງການເຜີຍແຜ່ດໍາລັດວ່າ ດ້ວຍນັກຄົ້ນຄວ້າວິທະຍາສາດ, ຄໍາແນະນຳການໃຫ້ນາມມະຍົດນັກຄົ້ນຄວ້າວິທະຍາສາດ ແລະ ລາງວັນວິທະຍາສາດ; ຂໍ້ຕົກລົງວ່າດ້ວຍການສະໜັບສະໜູນທຶນສ້າງຄວາມເຂ້ັມແຂງດ້ານວິທະຍາສາດເຕັກໂນໂລຊີ ແລະ ນະວັດຕະກຳ; ວຽກງານຖານຂ້ໍມູນນັກຄົ້ນຄວ້າວິທະຍາສາດຂອງກອງທຶນພັດທະນາວິທະຍາສາດ ແລະ ເຕັກໂນໂລຊີ ແລະ ໄດ້ຮັບຟັງການນຳສະເໜີຫົວຂໍ້ຄົ້ນຄວ້າ ປີ 2023-2024 ແລະ ນຳສະເໜີຜົນຂອງການຈັດຕັ້ງປະຕິບັດຫົວຂ້ໍຄົ້ນຄວ້າວິທະຍາສາດຕື່ມອີກ.

       ຂ່າວ: ລູກນ້ຳເຊ

KPL