ຂປລ
ທ່ານ ອັນໂຕຣນິໂອ ກູເຕີຣເຣດ (Antonio Guterres) ເລຂາທິການໃຫຍ່ ສະຫະປະຊາຊາດ ໄດ້ຮຽກຮ້ອງໃຫ້ມີ ຄວາມພະຍາຍາມ ສົມທົບກັນ ໃນທົ່ວໂລກ ເພື່ອສ້າງຕັ້ງກົນໄກຄວບຄຸມ ຫລື “ຮົ້ວກີດຂວາງປ້ອງກັນ” ສຳລັບ ປັນຍາປະດິດ(AI).
ຂປລ. ວິທະຍຸກະຈາຍສຽງ ຫວຽດນາມ: ວັນທີ 16 ກັນຍາ, ທ່ານ ອັນໂຕຣນິໂອ ກູເຕີຣເຣດ (Antonio Guterres) ເລຂາທິການໃຫຍ່ ສະຫະປະຊາຊາດ ໄດ້ຮຽກຮ້ອງໃຫ້ມີ ຄວາມພະຍາຍາມ ສົມທົບກັນ ໃນທົ່ວໂລກ ເພື່ອສ້າງຕັ້ງກົນໄກຄວບຄຸມ ຫລື “ຮົ້ວກີດຂວາງປ້ອງກັນ” ສຳລັບ ປັນຍາປະດິດ(AI).
ທ່ານ ອັນໂຕຣນິໂອ ກູເຕີຣເຣດ ກ່າວຄຳເຫັນ ໃນກອງປະຊຸມ ຖະແຫລງຂ່າວ ກ່ອນຈັດສັບປະດາຂັ້ນສູງ ຂອງກອງປະຊຸມ ສະມັດຊາໃຫຍ່ ສະຫະປະຊາຊາດ 2026 ທີ່ ນະຄອນ ນິວຢອກ ຂອງ ສ.ອາເມລິກາ, ທ່ານ ອັນໂຕຣນິໂອ ກູເຕີຣເຣດ ຊີ້ແຈ້ງວ່າ: ໂລກ ຕ້ອງມີຄວາມເຂົ້າໃຈລວມ ກ່ຽວກັບ ວິທີການ ຊຸກຍູ້ການ ພັດທະນາເອໄອ ຕາມທິດທີ່ປອດໄພ, ປິດລັບ ແລະ ມີຄວາມຮັບຜິດຊອບ. ພ້ອມກັນນັ້ນ ກໍ່ກຳນົດຈຸດເວລາ ບັນດາລະບົບທີ່ນັບມື້ ນັບພັດທະນາແຮງຂຶ້ນ ທີ່ຕ້ອງມີບັນດາ ມາດຕະການປ້ອງກັນ ຢ່າງເຂັ້ມງວດກວ່າ ຫລື ມີບັນດາມາດຕະການ ເພີ່ມເຕີມ ເພື່ອຄຸ້ມຄອງຄວາມສ່ຽງ ທີ່ອາດຈະເກີດຂຶ້ນ. ສິ່ງດັ່ງກ່າວ ຮຽກຮ້ອງໃຫ້ມີການ ຮ່ວມມື ສາກົນຢ່າງແທ້ຈິງ ແລະ ມີຄວາມພະຍາຍາມ ສົມທົບກັນ ໃນຂອບເຂດທົ່ວໂລກ.
ທ່ານ ອັນໂຕຣນິໂອ ກູເຕີຣເຣດ ຖືວ່າ ໂລກຕ້ອງມີບັນດາກົນໄກ ຄວບຄຸມການເຄື່ອນໄຫວ ຢ່າງປອດໄພ ແລະ ຖືເອົາກຽດສັກສີ ຂອງມະນຸດ ເປັນໃຈກາງ.
KPL
