ຂປລ
ເນື່ອງໃນໂອກາດ ການເດີນທາງ ຢ້ຽມຢາມມິດຕະພາບ ກູບາ ຢ່າງເປັນທາງການ ຂອງ ທ່ານ ເຈິ່ນລີວກວາງ ຮອງນາຍົກ ລັດຖະມົນຕີ ຫວຽດນາມ (ເລີ່ມແຕ່ ວັນທີ 14-19 ເມສາ), ຄະນະ ປະຕິບັດງານ ຂອງ ກະຊວງຕຳຫຼວດ ໂດຍ ທ່ານ ເລວັນຕວຽນ ພົນຕີ, ຮອງລັດຖະມົນຕີ ກະຊວງ ຕຳຫຼວດ ເປັນຫົວໜ້າ ຄະນະ
ຂປລ.ສຳນັກຂ່າວ ວິທະຍຸ ກະຈາຍສຽງ ແຫ່ງຊາດ ຫວຽດນາມ . ເນື່ອງໃນໂອກາດ ການເດີນທາງ ຢ້ຽມຢາມມິດຕະພາບ ກູບາ ຢ່າງເປັນທາງການ ຂອງ ທ່ານ ເຈິ່ນລີວກວາງ ຮອງນາຍົກ ລັດຖະມົນຕີ ຫວຽດນາມ (ເລີ່ມແຕ່ ວັນທີ 14-19 ເມສາ), ຄະນະ ປະຕິບັດງານ ຂອງ ກະຊວງຕຳຫຼວດ ໂດຍ ທ່ານ ເລວັນຕວຽນ ພົນຕີ, ຮອງລັດຖະມົນຕີ ກະຊວງ ຕຳຫຼວດ ເປັນຫົວໜ້າ ຄະນະ ແລະ ໄດ້ເຮັດວຽກຮ່ວມ ກັບ ທ່ານ ລາຕາໂຣ ອາເບີໂຕ ອາວາເຣ ກາຊັສ(Lázaro Alberto Álvarez Casas) ລັດຖະມົນຕີ ກະຊວງພາຍໃນ ກູບາ, ຢູ່ນະຄອນຫລວງ ລາຮາວານ ປະເທດ ກູບາ.
ໃນຂະນະດຽວກັນນັ້ນ, ສອງຝ່າຍ ໄດ້ເນັ້ນໜັກເຖິງ ການເປີດກວ້າງ ແລະ ເພີ່ມທະວີ ການຮ່ວມມື ລະຫວ່າງກະຊວງ ຕຳຫຼວດ ຫວຽດນາມ ແລະ ກະຊວງພາຍໃນ ກູບາ ເພື່ອຜົນປະໂຫຍດ ແລະ ຄວາມໝັ້ນຄົງ ແຫ່ງຊາດ ຂອງ ແຕ່ລະປະເທດ. ສອງຝ່າຍ ໄດ້ເອກະພາບກັນ ກ່່ຽວກັບ ການຊຸກຍູ້ຮ່ວມມື ໃນບັນດາ ຂົງເຂດ ຄວາມໝັ້ນຄົງ, ຕຳຫຼວດ; ການປ້ອງກັນ, ຕ້ານອາຊະຍາກຳ ທີ່ມີ ການຈັດຕັ້ງ, ອາຊະຍາກຳ ຂ້າມຊາດ, ອາຊະຍາກຳ ການນຳໃຊ້ ເຕັກໂນ ໂລຊີຂັ້ນສູງ ແລະ ອື່ນໆ. ນອກຈາກນີ້ ສອງຝ່າຍ ຍັງເຫັນດີ ສົມທົບກັນ ໃນການຄົ້ນຄວ້າ ເພື່ອຜັນຂະຫຍາຍ ການປະຕິບັດ ບັນດາ ໂຄງການ, ກິດຈະກຳ ຄົ້ນຄວ້າ ວິທະຍາສາດ, ນຳໃຊ້ ເຕັກໂນໂລຊີໃໝ່ ແລະ ການຜະລິດ ບັນດາ ເຄື່ອງອຸປະກອນ ໃຊ້ສະເພາະ; ການບຳລຸງສ້າງ, ຍົກສູງກຳລັງ ຄວາມສາມາດ ໃຫ້ພະນັກງານ, ນັກຮົບ ແລະ ອື່ນໆ./
KPL