ສສ ຫວຽດນາມ ຈະຍິງດາວທຽມ ຣາດາ ທຳອິດ ຂຶ້ນວົງໂຄຈອນ

30/04/2024 15:30

Email Print 303

ຂປລ ສສ ຫວຽດນາມ ຈະຍິງດາວທຽມ LOTUSat-1, ດາວທຽມ ຣາດາ ທຳອິດ ຂຶ້ນວົງໂຄຈອນ ໃນທ້າຍປີ2024 ຫລື ຕົ້ນປີ2025 . ດາວທຽມ LOTUSat-1 ແມ່ນດາວທຽມ ສັງເກດ ໜ່ວຍພິພົບ.

ຂປລ.ວິທະຍຸ ກະຈາຍສຽງ ແຫ່ງຊາດ ຫວຽດນາມ, ສສ ຫວຽດນາມ ຈະຍິງດາວທຽມ LOTUSat-1, ດາວທຽມ ຣາດາ ທຳອິດ ຂຶ້ນວົງໂຄຈອນ ໃນທ້າຍປີ2024 ຫລື ຕົ້ນປີ2025 . ດາວທຽມ LOTUSat-1 ແມ່ນດາວທຽມ ສັງເກດ ໜ່ວຍພິພົບ. ນີ້ແມ່ນດາວທຽມ ຣາດາ ທຳອິດຂອງ ຫວຽດນາມ ໂດຍ ຍີ່ປຸ່ນ ຜະລິດ, ດ້ວຍການເຂົ້າຮ່ວມ ບັນດານັກວິສະວະກອນ ສູນອາວະກາດ ຫວຽດນາມ (ຂຶ້ນກັບສະຖາບັນ ບັນດິດວິທະຍາສາດ ແລະ ເຕັກໂນໂລຊີ ຫວຽດນາມ), ນັບແຕ່ປີ 2021. ຂໍ້ມູນເປັນພາບຖ່າຍ ທີ່ໄດ້ຮັບຈາກດາວທຽມ LOTUSat-1 ຈະຕອບສະໜອງ ໄດ້ຄວາມຕ້ອງການຢ່າງຮີບດ່ວນ ກ່ຽວກັບແຫລ່ງ ສະໜອງພາບຖ່າຍ, ສະໜອງ ບັນດາຂໍ້ມູນ ທີ່ຊັດເຈນ ແລະ ທັນການ ເພື່ອຮັບມື, ຫລຸດຜ່ອນບັນດາຜົນກະທົບ ຂອງໄພທຳມະຊາດ ແລະ ການປ່ຽນແປງ ຂອງດິນຟ້າອາກາດ, ການຄຸ້ມຄອງແຫລ່ງ ຊັບພະຍາກອນ ທຳມະຊາດ ແລະ ຕິດຕາມກວດກາ ກ່ຽວກັບ ສິ່ງແວດລ້ອມ, ຮັບໃຊ້ການພັດທະນາເສດຖະກິດ - ສັງຄົມ. ດາວທຽມ LOTUSat-1 ຈະເຄື່ອນໄຫວ ຢູ່ຄວາມສູງ ປະມານ 500 ກິໂລແມັດ. ກຳນົດເວລາເຄື່ອນໄຫວ ຢູ່ວົງໂຄຈອນ ຫລາຍກວ່າ 5 ປີ./.

(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ

KPL

ຂ່າວຕ່າງປະເທດ
ສປ ຈີນ-ຣັດເຊຍ ສືບຕໍ່ຮັດແໜ້ນສາຍພົວພັນການຮ່ວມມືກັນ ຢ່າງແໜ້ນແຟ້ນ
5/17/2024 5:48:35 PM
ທ່ານ ສີ ຈິ້ນຜິງ, ປະທານ ປະເທດຈີນ ໄດ້ຈັດການພົບປະ ວົງແຄບກັບ ທ່ານ ວະລາດີເມຍ ປູຕິນ, ປະທານາທິບໍດີ ຣັດເຊຍ ທີ່ເດີນທາງມາ ຢ້ຽມຢາມ ສປ ຈີນ ທາງລັດຖະກິດ.
ຂ່າວຕ່າງປະເທດ
ປະຊາກອນມາເລເຊຍ ເພີ່ມຂຶ້ນ 34 ລ້ານຄົນ ໃນໄຕມາດທຳອິດປີນີ້
5/16/2024 7:45:58 PM
ສຳນັກງານ ສະຖິຕິ ຂອງມາເລເຊຍ (DOSM) ເປີດເຜີຍວ່າ: ຈຳນວນ ປະຊາກອນ ຂອງມາເລເຊຍ ໃນໄຕມາດ ທຳອິດ ຂອງປີນີ້ ເພີ່ມຂຶ້ນ 34 ລ້ານຄົນ ເພີ່ມຂຶ້ນ 2,3% ເມື່ອທຽບໃສ່ ປີກາຍ ຈຳນວນ 33,2 ລ້ານຄົນ
ຂ່າວຕ່າງປະເທດ
ສິງກະໂປ ແຕ່ງຕັ້ງນາຍົກລັດຖະມົນຕີຄົນໃໝ່
5/16/2024 7:21:19 PM
ທ່ານ ລໍເຣັນວັງ (Lawrence Wong) ໄດ້ຮັບການແຕ່ງຕັ້ງ ເປັນນາຍົກ ລັດຖະມົນຕີ ຄົນໃໝ່ ທີ 4 ຂອງ ສິງກະໂປ ຫລັງຈາກ ໄດ້ເຂົ້າພິທີ ສາບານຕົວ ຮັບດຳລົງຕຳແໜ່ງ ທີ່ຖືກຈັດຂຶ້ນ ຢູ່ທຳນຽບ ອີສຕານາ(Istana)ໃນວັນທີ 15 ພຶດສະພານີ້
ຂ່າວຕ່າງປະເທດ
ສສ ຫວຽດນາມ ໄຂກອງປະຊຸມຄັ້ງທີ 9 ຄະນະບໍລິຫານງານສູນກາງພັກ ຊຸດທີ XIII
5/16/2024 6:56:48 PM
ກອງປະຊຸມ ຄັ້ງທີ 9 ຄະນະ ບໍລິຫານງານ ສູນກາງພັກ ກອມມູນິດ ຫວຽດນາມ ຊຸດທີ XIII ໄດ້ໄຂຂຶ້ນ ຢ່າງສົມກຽດ ຢູ່ນະຄອນຫລວງ ຮ່າໂນ້ຍ.
ຂ່າວຕ່າງປະເທດ
ຣັດເຊຍ- ສປ ຈີນ ຈະເພີ່ມທະວີການຮ່ວມມືດ້ານພະລັງງານ-ການຄ້າ
5/16/2024 8:13:11 AM
ທ່ານ ວາລາດີເມຍ ປູຕິນ,ປະທານາທິບໍດີ ຣັດເຊຍ ພ້ອມດ້ວຍ ຄະນະ ຈະເດີນທາງ ຢ້ຽມຢາມ ສປ ຈີນ ຢ່າງເປັນທາງການ ລະຫວ່າງ ວັນທີ 16-17 ພືດສະພານີ້ ເພື່ອພົບປະກັບ ທ່ານ ສີ ຈິ້ນຜີງ, ປະທານ ປະເທດ ແຫ່ງ ສປ ຈີນ ເພື່ອເພີ່ມທະວີ ການຮ່ວມມື ທາງດ້ານພະລັງງານ ແລະ ການຄ້າ.