ຂປລ
ເກີດອຸບັດເຫດ ລົດໂດຍສານ ພິກຂວໍ້າ ໃນແຂວງ ລິມໂປໂປ ທາງພາກ ຕາເວັນອອກ ສຽງເໜືອ ຂອງ ອາຟຣິກາໃຕ້ ເຮັດໃຫ້ມີ ຜູ້ເສຍຊີວິດ ຢ່າງໜ້ອຍ 45 ຄົນ
ຂປລ. ສຳນັກຂ່າວສານ ຫວຽດນາມ, ວັນທີ 28 ມີນາ, ສື່ທ້ອງຖິ່ນ ອາຟຣິກາໃຫ້ຮູ້ວ່າ: ເກີດອຸບັດເຫດ ລົດໂດຍສານ ພິກຂວໍ້າ ໃນແຂວງ ລິມໂປໂປ ທາງພາກ ຕາເວັນອອກ ສຽງເໜືອ ຂອງ ອາຟຣິກາໃຕ້ ເຮັດໃຫ້ມີ ຜູ້ເສຍຊີວິດ ຢ່າງໜ້ອຍ 45 ຄົນ ແລະ ບາດເຈັບໜັກ ຈຳນວນ ຫລວງຫລາຍ. ໂດຍຈຳນວນ ຜູ້ເສຍຊີວິດ ເປັນຜູ້ສະແຫວງບຸນ ທີ່ ພວມເດີນທາງ ຈາກ ນະຄອນຫລວງ ກາໂບຣອນ ປະເທດ ບົດສະນາວາ ໄປຍັງ ເມືອງ ໂມເຣຍ ເຂດນອກນະຄອນໂປລອກວັນ ຂອງ ແຂວງ ລິມໂປໂປ (ປະເທດ ອາຟຣິກາໃຕ້). ໃນຂະນະທີ່ ລົດໂດຍສານ ຄັນດັ່ງກ່າວ ໄດ້ເກີດເສຍຫລັກ ຕໍາໃສ່ ກັບ ຂົວ Mmamatlakala ແລະ ເຮັດໃຫ້ເກີດ ໄຟລຸກໄໝ້ ຢ່າງຮຸນແຮງ ໂດຍແມ່ນເສັ້ນທາງຜ່ານ ລະຫວ່າງ Mokopane ແລະ ມາແກນ ຢູ່ລິມໂປໂປ. ປັດຈຸບັນ, ເຈົ້າໜ້າທີ່ຕຳຫລວດ ພວມເລັ່ງ ໃຫ້ການ ຊ່ວຍເຫລືອ ແລະ ສືບສວນສອບສວນ ຫາ ສາຍເຫດຕົ້ນຕໍ ທີ່ເກີດຂື້ນ ໃນຄັ້ງນີ້ດ້ວຍ./.
KPL
