ຂປລ
ຂປລ. ອົງການຈັດຕັ້ງຊາວໜຸ່ມ ເປັນບ່ອນສຶກສາອົບຮົມທາງດ້ານແນວຄິດ ແລະ ເຕົ້າໂຮມຄວາມສາມັກຄີຂອງຊາວໜຸ່ມລາວໃນຂອບເຂດທົ່ວປະເທດ, ຊາວໜຸ່ມເປັນແຂນຂວາຂອງພັກ, ເປັນກະດູກສັນຫລັວ ຂອງຊາດ ເຊິ່ງພັກປະຊາຊົນ ປະຕິວັດລາວ ໄດ້ໃຫ້ຄວາມສໍາຄັນ ແລະ ຖືເອົາກໍາລັງແຮງຂອງຊາວໜຸ່ມ ປະກອບສ່ວນເຂົ້າໃນທຸກໆຂະບວນການທີ່ສໍາຄັນຂອງຊາດ.
ຂປລ. ອົງການຈັດຕັ້ງຊາວໜຸ່ມ ເປັນບ່ອນສຶກສາອົບຮົມທາງດ້ານແນວຄິດ ແລະ ເຕົ້າໂຮມຄວາມສາມັກຄີຂອງຊາວໜຸ່ມລາວໃນຂອບເຂດທົ່ວປະເທດ, ຊາວໜຸ່ມເປັນແຂນຂວາຂອງພັກ, ເປັນກະດູກສັນຫລັວ ຂອງຊາດ ເຊິ່ງພັກປະຊາຊົນ ປະຕິວັດລາວ ໄດ້ໃຫ້ຄວາມສໍາຄັນ ແລະ ຖືເອົາກໍາລັງແຮງຂອງຊາວໜຸ່ມ ປະກອບສ່ວນເຂົ້າໃນທຸກໆ ຂະບວນການທີ່ສໍາຄັນຂອງຊາດ.
ສະຫາຍ ພົງສະຫວັດ ສິລິປັນຍາ ເລຂາຄະນະບໍລິຫານງານ ຊາວໜຸ່ມຮາກຖານ ວິທະຍາໄລຄູ ດົງຄຳຊ້າງ ໄດ້ໃຫ້ພາດເນື່ອງໃນໂອກາດວັນສ້າງຕັ້ງຊາວໜຸ່ມ ປະຊາຊົນ ປະຕິວັດລາວ ຄົບຮອບ 69 ປີ (14 ເມສາ 1955-14 ເມສາ 2024) ວ່າ: ໃນນາມເປັນເລຂາ ຄະນະບໍລິຫານງານຊາວໜຸ່ມຮາກຖານວິທະຍາໄລຄູ ດົງຄຳຊ້າງ ແລະ ເປັນສະມາຊິກຊາວໜຸ່ມ ປະຊາຊົນ ປະຕິວັດລາວ ຄົນໜຶ່ງ ຕົນເອງຮູ້ສຶກເປັນກຽດ ແລະ ພາກພູມໃຈເປັນຢ່າງຍິ່ງ ທີ່ໄດ້ເຄື່ອນໄຫວໃນອົງການຈັດຕັ້ງມະຫາຊົນ ໂດຍສະເພາະອົງການຈັດຕັ້ງຊາວໜຸ່ມ ເຊິ່ງເປັນບ່ອນສຶກສາອົບຮົມທາງດ້ານແນວຄິດ ແລະ ເຕົ້າໂຮມຄວາມສາມັກຄີ ຂອງຊາວໜຸ່ມລາວ ໃນຂອບເຂດທົ່ວປະເທດ. ຕພຫລອດໄລຍະ 69 ປີຜ່ານມາ ເຫັນໄດ້ວ່າ: ຄະນະຊາວໜຸ່ມທຸກຂັ້ນ ໄດ້ສຸມໃສ່ທຸກໜ້າທີ່ການເມືອງຂອງຕົນຢ່າງຕັ້ງໜ້າ ຕາມສິດ ແລະ ໜ້າທີ່ ທີ່ພັກ-ລັດມອບໝາຍ ໃຫ້ດ້ວຍຄວາມ ຮັບຜິດຊອບສູງ.
ສະຫາຍ ພົງສະຫວັດ ສິລິປັນຍາ ຍັງໃຫ້ຮູ້ອີກວ່າ: ຕະຫລອດໄລຍະຜ່ານມາ ເຖິງປັດຈຸບັນ,ຄະນະບໍລິຫານງານຊາວໜຸ່ມຮາກຖານ ວິທະຍາໄລຄູ ດົງຄຳຊ້າງ ກໍໄດ້ຕັ້ງໜ້າສູ້ຊົນນຳພາສະມາຊິກຊາວໜຸ່ມພະນັກງານ, ຄູອາຈານ ແລະ ນັກຮຽນ-ນັກສຶກສາ ຜ່ານຜ່າຕໍ່ອຸປະສັກຄວາມຫຍຸ້ງຍາກ ເຮັດໜ້າທີ່ການເມືອງແນວຄິດ ໄດ້ຮັບຜົນສຳເລັດ ເພື່ອພັດທະນາຊາວໜຸ່ມ-ໄວໜຸ່ມ ທົ່ວວິທະຍາໄລຄູ ດົງຄຳຊ້າງ ໃຫ້ກ່າວຂຶ້ນໄປສູ່ ຄຸນນະພາບໃໝ່, ສູ້ຊົນພັດທະນາອົງການຈັດຕັ້ງຂອງຕົນ, ການບໍລິຫານວຽກງານ, ນຳ ພາ-ຊີ້ນຳ ປະຕິບັດວຽກງານໃຫ້ປະກົດຜົນເປັນຈິງ; ເອົາໃຈໃສ່ສຶກສາອົບຮົມການເມືອງແນວຄິດ, ຄຸນ ສົມບັດສິນທຳປະຕິວັດ ໃຫ້ສະມາຊິກຊາວໜຸ່ມ ໄປຄຽງຄູ່ກັບການພັດທະນາຄຸນນະພາບ ດ້ານວິຊາສະ ເພາະຕາມແຜນຍຸດທະສາດການ ສຶກສາຂອງກະຊວງສຶກສາທິການ ແລະ ກິລາວາງອອກ; ນຳພາ-ຊີ້ນຳ ຂະບວນການແຂ່ງຂັນ ຂອງຂະແໜງການສຶກສາຕາມ 3 ເນື້ອໃນຂໍ້ແຂ່ງຂັນຄື: ແຂ່ງຂັນກັນສອນດີ-ຮຽນເກັ່ງ, ຕ້ານ ແລະ ສະກັດກັ້ນ ທຸກປະກົດການຍໍ້ທໍ້ ແລະ ສ້າງ ສະຖານການສຶກສາ ໃຫ້ມີສິ່ງແວດລ້ອມທີ່ຂຽວງາມ ຕາມ 3 ຫລັກສະນະ ແລະ 5 ຫລັກມູນການສຶກສາ ໃຫ້ເປັນຂະບວນການຟົດຟື້ນ ເປັນລະບົບຕໍ່ເນື່ອງ ແລະ ເປັນຮູບປະທຳ.
ນອກຈາກ, ນັ້ນຄະນະຊາວໜຸ່ມ ຍັງໄດ້ຊຸກຍູ້ສົ່ງເສີມ ດ້ານວິຊາສະເພາະ, ຍົກລະດັບຄວາມຮູ້ທີ່ທັນສະໄໝ ເພື່ອມາພັດທະນາອົງການຈັດຕັ້ງຂອງຕົນໃຫ້ມີຄຸນ ນະພາບສູງຂຶ້ນ.
ຂ່າວ: ສົມຫວັງ
KPL