ຂປລ
ກຳປູເຈຍ ສົ່ງເສີມໃຫ້ຈີນ ເຂົ້າມາລົງທຶນ ພາຍໃນປະເທດ ເພີ່ມຂື້ນ ໂດຍຊີ້ແຈງວ່າ: ກຳປູເຈຍ ມີລະບອບ ການລົງທຶນ ສຳລັບ ຕ່າງປະເທດ ທີ່ເປີດກວ້າງເສລີ ,ພ້ອມດ້ວຍ ນະໂຍບາຍ ສະໜັບສະໜູນ ນັກລົງງທຶນ ແລະ ນັກທຸລະກິດ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 28 ມີນາ, ທ່ານ ຮຸນມາເນດ ນາຍົກ ລັດຖະມົນຕີ ກຳປູເຈຍ ກ່າວໃນລະຫວ່າງ ປຶກສາຫາລື ກັບ ຜູ້ປະກອບການ ຂອງ ຈີນ ວ່າ: ກຳປູເຈຍ ສົ່ງເສີມໃຫ້ຈີນ ເຂົ້າມາລົງທຶນ ພາຍໃນປະເທດ ເພີ່ມຂື້ນ ໂດຍຊີ້ແຈງວ່າ: ກຳປູເຈຍ ມີລະບອບ ການລົງທຶນ ສຳລັບ ຕ່າງປະເທດ ທີ່ເປີດກວ້າງເສລີ ,ພ້ອມດ້ວຍ ນະໂຍບາຍ ສະໜັບສະໜູນ ນັກລົງງທຶນ ແລະ ນັກທຸລະກິດ.
ທ່ານ ຮຸນມາເນດ ກ່າວວ່າ ກຳປູເຈຍ ບໍ່ມີຂໍ້ຈຳກັດ ດ້ານການ ນຳເງິນ ມາລົງທຶນ ເຂົ້າມາ ປະເທດ (capital repatriation) ແລະ ຍັງໃຫ້ ຄວາມສຳຄັນ ກັບ ການລົງທຶນ ພັດທະນາ ພື້ນຖານ ໂຄງລ່າງ ການເຊື່ອມຕໍ່ ທີ່ ສຳຄັນ ເຊັ່ນ: ເສັ້ນທາງດ່ວນ ສະໜາມບິນ ແລະ ອື່ນໆ ເພື່ອເຊື່ອມຕໍ່ ກໍາປູເຈຍ ກັບ ພື້ນທີ່ ໃນພາກພື້ນ ແລະ ທົ່ວໂລກ ໃຫ້ຫລາຍຂຶ້ນ. ນອກນີ້ ທ່ານ ຮຸນມາເນດ ຍັງສະແດງ ຄວາມຂອບໃຈ ນໍາບໍລິສັດ ຈີນ ທີ່ ເຂົ້າມາລົງທຶນ ແລະ ເຮັດທຸລະກິດ ຢູ່ໃນກຳປູເຈຍ ແລະ ອື່ນໆ./.
KPL