ຂປລ
ເຈົ້າໜ້າທີ່ ກະຊວງ ການຄ້າ ຂອງ ຈີນ ກ່າວວ່າ ກະຊວງ ການຄ້າ ຈະສືບຕໍ່ ສົ່ງເສີມ ການເປີດກວ້າງ ຕະຫລາດ ໃນລະດັບສູງ ແລະ ຂະຫຍາຍ ການນໍາເຂົ້າ ສິນຄ້າ ອຸປະໂພກ ບໍລິໂພກ ໃຫ້ມີຄຸນນະພາບສູງ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້ , ເຈົ້າໜ້າທີ່ ກະຊວງ ການຄ້າ ຂອງ ຈີນ ກ່າວວ່າ ກະຊວງ ການຄ້າ ຈະສືບຕໍ່ ສົ່ງເສີມ ການເປີດກວ້າງ ຕະຫລາດ ໃນລະດັບສູງ ແລະ ຂະຫຍາຍ ການນໍາເຂົ້າ ສິນຄ້າ ອຸປະໂພກ ບໍລິໂພກ ໃຫ້ມີຄຸນນະພາບສູງ.
ໂດຍທ່ານ ສະວີຊິງເຟິງ ຜູ້ອຳນວຍການ ຝ່າຍຮັບຜິດຊອບ ດ້ານການຕະຫລາດ ແລະ ການສົ່ງເສີມ ການບໍລິໂພກ ຂອງ ກະຊວງ ດັ່ງກ່າວ ລະບຸວ່າ: ອ້າງຕາມ ຂໍ້ມູນ ພາສີ ເຜີຍແພ່, ຈີນ ນໍາເຂົ້າສິນຄ້າ ອຸປະໂພກ ບໍລິໂພກ ດ້ວຍມູນຄ່າ 1,95 ພັນຕື້ຢວນ ໃນປີ 2023 , ເພີ່ມຂື້ນ 1,2% ເມື່ອທຽບໃສ່ ປີຜ່ານມາ. ຕົວເລກ ສະຖິຕິເບື້ອງຕົ້ນ ໄດ້ສະແດງ ໃຫ້ເຫັນວ່າ: ການນໍາເຂົ້າ ໃນທຸລະກິດ ການຄ້າຍ່ອຍ ອີຄອມເມີຣ ຂ້າມຊາຍແດນ ທີ່ມີ ມູນຄ່າ ເພີ່ມສູງຂຶ້ນເຖິງ 1,41 ແສນລ້ານຢວນ , ເພີ່ມຂື້ນ 7% ເມື່ອທຽບໃສ່ປີຕໍ່ປີ./
KPL