ຂປລ
ນັບແຕ່ໄດ້ຮັບການສ້າງຕັ້ງຂຶ້ນໃນວັນທີ 22 ມີນາ ປີ 1955, ພັກ ປະຊາຊົນ ປະຕິວັດລາວ ກໍ່ໄດ້ສືບທອດອຸດົມການຍິ່ງໃຫຍ່ຂອງພັກກອມມູນິດອິນດູຈີນ, ພັກໄດ້ກໍານົດທາດແທ້, ອຸດົມການ ແລະ ແນວທາງການເມືອງຂອງຕົນອອກຢ່າງຈະແຈ້ງ ເພື່ອນໍາພາທົ່ວປວງຊົນລາວ ຕໍ່ສູ້ກູ້ຊາດຕ້ານຈັກກະພັດຕ່າງດ້າວ ຜູ້ຮຸກຮານຍາດເອົາເອກະລາດມາໃຫ້ແກ່ປະເທດຊາດ ແລະ ປະຊາຊົນ ໄດ້ຢ່າງສົມບູນໃນວັນທີ 2 ທັນວາ ປີ 1975.
* ນັບແຕ່ໄດ້ຮັບການສ້າງຕັ້ງຂຶ້ນໃນວັນທີ 22 ມີນາ ປີ 1955, ພັກປະຊາຊົນ ປະຕິວັດລາວ ກໍ່ໄດ້ສືບທອດອຸດົມການຍິ່ງໃຫຍ່ຂອງພັກກອມມູນິດອິນດູຈີນ, ພັກໄດ້ກໍານົດທາດແທ້, ອຸດົມການ ແລະ ແນວທາງການເມືອງຂອງຕົນອອກຢ່າງຈະແຈ້ງ ເພື່ອນໍາພາທົ່ວປວງຊົນລາວຕໍ່ສູ້ກູ້ຊາດ ຕ້ານຈັກກະພັດຕ່າງດ້າວ ຜູ້ຮຸກຮານຍາດເອົາເອກະລາດມາໃຫ້ແກ່ປະເທດຊາດ ແລະ ປະຊາຊົນ ໄດ້ຢ່າງສົມບູນໃນວັນທີ 2 ທັນວາ ປີ 1975, ນໍາພາປະຊາຊົນປົກປັກຮັກສາ ແລະ ພັດທະນາປະເທດຊາດເຮັດໃຫ້ປະຊາຊົນຮັ່ງມີຜາສຸກ, ປະເທດຊາດມັ່ງຄັ່ງເຂັ້ມແຂງ, ສັງຄົມສາມັກຄີປອງດອງ, ປະຊາທິປະໄຕ, ຍຸຕິທໍາ ແລະ ສີວິໄລ; ເຮັດໃຫ້ອຸດົມການຂອງພັກກອມມູນິດອິນດູຈີນ ປະກົດເປັນຈິງຂຶ້ນຢ່າງເດ່ັນຊັດໃນແຕ່ລະໄລຍະ.ພັກປະຊາຊົນປະຕິວັດລາວແມ່ນພັກຂອງຊົນຊັ້ນກຳມະກອນ, ເປັນຕົວແທນທີ່ຈົງຮັກພັກດີຕໍ່ສິດຜົນປະໂຫຍດຂອງຊົນຊັ້ນກໍາມະກອນ, ຊາວຜູ້ອອກແຮງ ງານລາວ ທີ່ຮັກຊາດ ແລະ ຂອງຊາດລາວ ທັງໝົດ; ຍຶດໝັ້ນລັດທິມາກ-ເລນິນ ແລະ ມູນເຊື້ອອັນດີງາມຂອງພັກເປັນພື້ນຖານແຫ່ງແນວຄິດ, ເປັນເຂັມຊີ້ທິດໃຫ້ແກ່ການຈັດຕັ້ງ ແລະ ການເຄື່ອນໄຫວຂອງພັກ; ເສີມຂະຫຍາຍລັດທິຮັກຊາດອັນແທ້ຈິງສົມທົບກັບລັດທິສາກົນອັນຜ່ອງໃສ ຂອງຊົນຊັ້ນກໍາມະກອນ; ຮັບເອົາສິ່ງຍອດຍິ່ງທາງດ້ານສະຕິປັນຍາທີ່ກ້າວໜ້າຂອງມວນມະນຸດເພື່ອກໍານົດແນວທາງ, ແຜນນະໂຍບາຍຂອງພັກ; ຍົກສູງຄວາມສາມາດ ແລະ ຄຸນນະພາບການນໍາພາ; ຕ້ານລະບອບຫລາຍເຄົ້າ, ຫລາຍພັກ, ຕ້ານລັດທິດເອກະຊົນ ແລະ ຕ້ານລັດທິສວຍໂອກາດໃນທຸກຮູບແບບ. ນັບແຕ່ມື້ສ້າງຕັ້ງຂຶ້ນ ພັກປະຊາຊົນປະຕິວັດລາວ ໄດ້ກໍານົດອຸດົມການຂອງຕົນຢ່າງຈະແຈ້ງໃນການນໍາພາປວງຊົນລາວດໍາເນີນການຕໍສູ້ພວກຈັກກະພັກລ່າເມືອງຂຶ້ນ ເພື່ອນໍາເອົາຄວາມເປັນເອກະລາດມາໃຫ້ແກ້ປະເທດຊາດ ແລະ ສິດເປັນເຈົ້າມາໃຫ້ປະຊາຊົນ, ສ້າງສາປະ ເທດຊາດ ສູ່ຈຸດໝາຍສັງຄົມນິຍົມ. ຫລັງຈາກນັ້ນຕ່ໍມາຫາປັດຈຸບັນ, ພັກເຮົາໄດ້ເສີມຂະຫຍາຍອຸດົມການ ໃຫ້ສອດຄ່ອງຕື່ມອີກນັ້ນຄືການນໍາ ພາປວງຊົນລາວປົກປັກຮັກສາ ແລະ ພັດທະນາປະເທດຊາດ, ເຮັດໃຫ້ປະ ຊາຊົນຮັ່ງມີຜາສຸກ, ປະເທດຊາດ ມັ່ງຄັ່ງເຂັ້ມແຂງ, ສັງຄົມສາມັກຄີ ປອງດອງ, ປະຊາທິປະໄຕ, ຍຸຕິທໍາ ແລະ ສີວິໄລ ເຊິ່ງລວມຄວາມແລ້ວ ກໍ່ແມ່ນຄວາມໝາຍອັນດຽວກັນກັບ ຄຳວ່າ “ສັງຄົມນິຍົມ”.
ໂດຍ: ພິດສະໄໝ
KPL
