ຂປລ
ຂປລ. ພະແນກ ສາທາລະນະສຸກ ແຂວງອຸດົມໄຊ ໄດ້ສຸມໃສ່ແຜນວຽກຂອງວຽກໂພຊະນາການ ແລະ ການລ້ຽງລູກດ້ວຍນົມແມ່ ໃນແຕ່ລະເຂດປົກຄຸມ ຂອງສະຖານທີ່ບໍລິການ ຂອງໜ່ວຍງານຄົງທີ່ ແລະ ໜ່ວຍເຄື່ອນທີ່, ຖືເອົາວຽກງານປຸກລະດົມ, ຂ່າວສານສຸຂະສຶກສາເປັນໃຈກາງ ເພື່ອໃຫ້ພໍ່ແມ່ປະຊາຊົນ ໄດ້ເຂົ້າເຖິງການບໍລິການ ດ້ານໂພຊະນາການ ແລະ ການລ້ຽງລູກດ້ວຍນົມແມ່.
ຂປລ. ພະແນກ ສາທາລະນະສຸກ ແຂວງອຸດົມໄຊ ໄດ້ສຸມໃສ່ແຜນວຽກຂອງວຽກໂພຊະນາການ ແລະ ການລ້ຽງລູກດ້ວຍນົມແມ່ ໃນແຕ່ລະເຂດປົກຄຸມ ຂອງສະຖານທີ່ບໍລິການ ຂອງໜ່ວຍງານຄົງທີ່ ແລະ ໜ່ວຍເຄື່ອນທີ່, ຖືເອົາວຽກງານປຸກລະດົມ, ຂ່າວສານສຸຂະສຶກສາເປັນໃຈກາງ ເພື່ອໃຫ້ພໍ່ແມ່ປະຊາຊົນ ໄດ້ເຂົ້າເຖິງການບໍລິການ ດ້ານໂພຊະນາການ ແລະ ການລ້ຽງລູກດ້ວຍນົມແມ່.
ທ່ານ ດຣ ພຸດແສງ ເທືອມບຸນມີ ຮອງຫົວໜ້າ ພະແນກສາທາລະນະສຸກ ແຂວງ ອຸດົມໄຊ ໄດ້ລາຍງານຕໍ່ສື່ມວນຊົນ ໃນວັນທີ 6 ທັນວາ 2023 ກ່ຽວກັບລາຍງານຄວາມຄືບໜ້າ ການຈັດຕັ້ງປະຕິບັດ 10 ຕົວຊີ້ບອກຂອງວຽກງານສຸຂະພາບ ແລະ ໂພຊະນາການ ຂອງ ແມ່, ເດັກເກີດໃໝ່, ເດັກ ແລະ ໄວໜຸ່ມ ແຂວງອຸດົມໄຊ ປະຈຳປີ 2023 ໂດຍພະແນກສາທາລະນະສຸກແຂວງ ໄດ້ວາງແຜນສຸມໃສ່ ແລະ ຊີ້ນຳວຽກງານດັ່ງກ່າວ ເພື່ອໃຫ້ບັນລຸຕາມແຜນງານແຫ່ງຊາດ ເພື່ອແມ່ ແລະ ເດັກ 5 ປີ ຄັ້ງທີ 3 ປີ2021-2025; ເລັ່ງໃສ່ການຈັດຕັ້ງປະຕິບັດ ຍຸດທະສາດດ້ານໂພຊະນາການ 7 ກຸ່ມກິດຈະກຳ, 19 ຕົວຊີ້ບອກ ແລະ 82 ກິດຈະກາຍ່ອຍ ໃຫ້ບັນລຸຕາມແຜນປະຕິບັດງານແຫ່ງຊາດ ດ້ານໂພຊະນາການ 2021-2025; ປະສານງານຢ່າງກົມກຽວ ກັບຫລາຍຂະແໜງການ ໃນການຈັດຕັ້ງປະຕິບັດບັນດາ ຕົວຊີ້ບອກທີ່ຕິດພັນຂົງເຂດການສຶກສາ, ສາທາລະນະສຸກ ແລະ ກະສິກຳ ເພື່ອບັນລຸຄາດໝາຍຕົວຊີ້ບອກ ແນໃສ່ຫລຸດຜ່ອນການຂາດສານອາຫານກະທັນຫັນຮ້າຍແຮງ ຂອງເດັກນ້ອຍລຸ່ມ 5 ປີ; ຕິດຕາມຊຸກຍູ້ການຈັດຕັ້ງປະຕິບັດກິດຈະກຳເຊື່ອມສານ 5 ໜ້າວຽກ ກວດກ່ອນເກີດ, ກວດຫລັງເກີດ, ສັກຢາກັນພະຍາດ, ປະເມີນໂພຊະນາການເດັກລຸ່ມ 5 ປີ ແລະ ວາງແຜນລູກຫ່າງ.
ທ່ານ ດຣ ພຸດແສງ ເທືອມບຸນມີ ຍັງໃຫ້ຮູ້ອີກວ່າ: ອີງຕາມເປົ້າໝາຍວາງໄວ້ ແມ່ນສູ້ຊົນເຮັດໃຫ້ເດັກນ້ອຍຕ່ຳກ່ວາ 5 ປີ ຂອງເດັກຂາດສານອາຫານຫລຸດລົງໃຫ້ໄດ້ 15% ຜ່ານການຈັດຕັ້ງປະຕິບັດຕົວຈິງ ປະຕິບັດໄດ້ 13%; ສໍາລັບລວງສູງຂອງເດັກຫລຸດມາດຕະຖານ ຕັ້ງເປົ້າໄວ້ 18% ແຕ່ການຈັດຕັ້ງປະຕິບັດໄດ້ 15%. ສ່ວນອັດຕາສ່ວນ ອັດຕາການຕາຍຂອງເດັກ ລຸ່ມ 1 ປີ ໃຫ້ຕ່ຳກວ່າ 12,7%, ອັດຕາການຕາຍຂອງເດັກລຸ່ມ 5 ປີ ໃຫ້ຕ່ຳກວ່າ 13,6% (ແຜນ 15); ອັດຕາການຕາຍຂອງແມ່ ໃຫ້ຕ່ຳກວ່າ 23,7%; ອັດຕາເດັກລຸ່ມ 1 ປີ ໄດ້ຮັບການສັກຢາກັນ Pantas ໃຫ້ບັນລຸ 87,4% (ແຜນ 95%).
ຂ່າວ-ພາບ: ມະໄລລັກ
KPL
