ອີຢູ ສະເໜີ ໃຫ້ອູແກຣນ ກູ້ຢຶມເງິນຕື່ມອີກ 45 ຕື້ເອີໂຣໃນປີ 2027

20/11/2026 10:05
ຂປລ ຄະ​ນະ​ກຳ​ມະ​ການ​ເອີຣົບ (EC) ສະ​ເໜີ​ ສະ​ໜອງ ​ບ້ວງ​ເງິນ​ກູ້​ຢືມ ​ເພີ່ມ​ເຕີມ​ສູງ​ສຸດ 48 ຕື້ ເອີ​ໂຣ ​ໃຫ້​ແກ່​ ອູແກຣນ, ຕອບ​ສະ​ໜອງ​ເກືອບ 2/3 ຄວາມ​ຕ້ອງ​ການ ​ດ້ານ​ການ​ເງິນ ​ທີ່​ຍັງ​ຂາດ​ເຂີນ​ ຂອງ​ປະ​ເທດ​ນີ້ ​ໃນ​ປີ 2027.

ຂປລ.ວິທະຍຸກະຈ່າຍສຽງ ຫວຽດນາມ,ເມື່ອບໍ່ດົນມານີ້, ຄະ​ນະ​ກຳ​ມະ​ການ​ເອີຣົບ (EC) ສະ​ເໜີ​ ສະ​ໜອງ ​ບ້ວງ​ເງິນ​ກູ້​ຢືມ ​ເພີ່ມ​ເຕີມ​ສູງ​ສຸດ 48 ຕື້ ເອີ​ໂຣ ​ໃຫ້​ແກ່​ ອູແກຣນ, ຕອບ​ສະ​ໜອງ​ເກືອບ 2/3 ຄວາມ​ຕ້ອງ​ການ ​ດ້ານ​ການ​ເງິນ ​ທີ່​ຍັງ​ຂາດ​ເຂີນ​ ຂອງ​ປະ​ເທດ​ນີ້ ​ໃນ​ປີ 2027.ຕາມ​ການ​ສະ​ເໜີ, ສະ​ຫະ​ພາບ ເອີ​ຣົບ (EU) ຈະ​ສະ​ຫງວນ​ເງິນ ​ປະ​ມານ 25 ຕື້ ເອີ​ໂຣ ໃຫ້​ແກ່​ ຂົງ​ເຂດ​ປ້ອງ​ກັນ​ຊາດ ແລະ 20 ຕື້ ເອີໂຣ ​ເພື່ອ​ໜູນ​ຊ່ວຍ ​ງົບ​ປະ​ມານ​ ອູແກຣນ. ການ​ປ່ອຍ​ເງິນ​ໜູນ​ຊ່ວຍ ​ງົບ​ປະ​ມານ​ນີ້ ​ຕິດ​ພັນ​ກັບ​ຄວາມ​ຄືບ​ໜ້າ​ ໃນ​ການ​ປະ​ຕິ​ຮູບ ​ກ່ຽວ​ກັບ ​ສິດ​ອຳ​ນາດກົດ​ໝາຍ, ຕ້ານ​ການ​ສໍ້​ລາດ​ບັງ​ຫລວງ ແລະ ການ​ບໍ​ລິ​ຫານ​ເງິນ​ພາກ​ລັດ ສະ​ຫະ​ພາບ ເອີຣົບ ຄາດ​ວ່າ​ ຈະ​ລະ​ດົມ​ທຶນ​ ໃນ​ຕະຫລາດ​ການ​ເງິນ ແລະ ໃຊ້​ງົບ​ປະ​ມານ​ ຂອງ​ກຸ່ມ​ເພື່ອ​ຮັບ​ປະ​ກັນ. ບ້ວງ​ກູ້​ຢືມ​ໃໝ່​ ຈະ​ສືບ​ຕໍ່​ກັບບ້ວງ​ເງິນ 90 ຕື້ ເອີ​ໂຣ ເຊິ່ງ EU ໄດ້​ຮັບ​ຮອງ​ເອົາ​ ໃຫ້​ໄລ​ຍະ 2026–2027. ພ້ອ​ມ​ທັງ ຄະ​ນະ​ກຳ​ມະ​ການ ​ເອີຣົບ ກໍ່ມີ​ຄວາມ​ມຸ່ງ​ຫວັງ​ ບັນ​ດາ​ຄູ່​ຮ່ວມ​ມື ​ສາ​ກົນອືນໆ ​ຈະ​ຮ່ວມ​ແຮງ​ຮ່ວມ​ໃຈ ​ໜູນ​ຊ່ວຍ ອູແກຣນ ເພີ່ມ​ເຕີມ​ບ້ວງ​ເງິນ​ 25 ຕື້​ເອີ​ໂຣ ທີ່​ຍັງ​ຂາດ​ເຂີນ​ ໃນ​ປີ​ໜ້າ./.

(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ

KPL

ຂ່າວອື່ນໆ

ads
ads

Top