ຂປລ
ແຕ່ວັນທີ 24 – 27 ພະຈິກ 2026, ຄະນະກຳມະການ ໄກ່ເກ່ຍ ຕາມສົນທິສັນຍາ ສປຊ ກ່ຽວກັບ ກົດໝາຍ ວ່າດ້ວຍທະເລ (UNCLOS) ຈະຈັດກອງປະຊຸມຄັ້ງທີ 3 ກັບ ກຳປູເຈຍ ແລະ ໄທ ຢູ່ນະຄອນຫວງ ກົວລາລຳເບີຂອງມາເລເຊຍ ເພື່ອແນໃສ່ ສືບຕໍ່ແກ້ໄຂຂໍ້ຂັດແຍ້ງ ດ້ານເຕັກນິກ ໃນການແບ່ງເຂດຊາຍແດນທະເລລະຫວ່າງ ສອງປະເທດ.

ຂປລ.ວິທະຍຸກະຈ່າຍສຽງຫວຽດນາມ, ແຕ່ວັນທີ 24 – 27 ພະຈິກ 2026, ຄະນະກຳມະການ ໄກ່ເກ່ຍ ຕາມສົນທິສັນຍາ ສປຊ ກ່ຽວກັບ ກົດໝາຍ ວ່າດ້ວຍທະເລ (UNCLOS) ຈະຈັດກອງປະຊຸມຄັ້ງທີ 3 ກັບ ກຳປູເຈຍ ແລະ ໄທ ຢູ່ນະຄອນຫວງ ກົວລາລຳເບີຂອງມາເລເຊຍ ເພື່ອແນໃສ່ ສືບຕໍ່ແກ້ໄຂຂໍ້ຂັດແຍ້ງ ດ້ານເຕັກນິກ ໃນການແບ່ງເຂດຊາຍແດນທະເລລະຫວ່າງ ສອງປະເທດ. ຂໍ້ມູນໂດຍ ກະຊວງການຕ່າງປະເທດ ແລະ ການຮ່ວມມືສາກົນ ກຳປູເຈຍ ປະກາດໃນການຖະແຫລງຂ່າວສື່ມວນຊົນ ໃນວັນທີ 18 ພະຈິກ. ຝ່າຍກຳປູເຈຍ ໄດ້ຕີລາຄາວ່າ ເຫດການຈະມາເຖິງ ແມ່ນບາດກ້າວທີ່ຕັ້ງໜ້າໃໝ່ ໃນວິວັດການແກ້ໄຂການຂັດແຍ້ງກັນ ຢູ່ທະເລກັບ ໄທ ໂດຍສັນຕິວິທີ ເຊິ່ງພະນົນເປັນລິເລີ່ມ. ໂດຍຄັດສະເໜີການຖະແຫລງຂ່າວ, ອົງການການຕ່າງປະເທດ ຂອງປະເທດນີ້ ໃຫ້ຮູ້ວ່າ ໂດຍສືບຕໍ່ໝາກຜົນ ຂອງວາລະເຮັດວຽກກ່ອນນີ້, ຄະນະກຳມະການສອງປະເທດຈະປຶກສາຫາລື ກ່ຽວກັບ ການແບ່ງເສັ້ນຊາຍແດນທະເລ ຢ່າງເລິກເຊິ່ງ, ຈຸດສຸມແມ່ນດ້ານເຕັກນິກ. ນີ້ກໍ່ແມ່ນໂອກາດ ເພື່ອໃຫ້ບັນດາຝ່າຍປຶກສາຫາລື ແລະ ມຸ່ງໄປເຖິງຄວາມເຫັນດີເຫັນພ້ອມ. ຢັ້ງຢືນການເຂົ້າຮ່ວມ ດ້ວຍຈິດໃຈເປັນມິດ, ຮ່ວມມື ແລະ ເຄົາລົບນັບຖື ເຊິ່ງກັນແລະກັນ, ພະນົມເປັນ ຫວັງວ່າ ຈະປະສານສົມທົບ ຢ່າງແໜ້ນແຟ້ນກັບ ຄະນະກຳມະການປອງດອງ ພ້ອມກັບ ຝ່າຍເພື່ອຊອກຫາມາດຕະການ ທີມີຄວາມຍຸຕິທຳ ແລະ ຍືນຍົງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL