ຂປລ
ທ່ານ ເຈິ່ນ ແທງເໝີ້ນ ປະທານສະພາ ແຫ່ງຊາດ ຫວຽດນາມ ໄດ້ນຳໜ້າຄະນະຜູ້ແທນຂັ້ນສູງ ສະພາແຫ່ງຊາດ ຫວຽດນາມ ເຂົ້າຮ່ວມພິທີໄຂກອງປະຊຸມສະມັດຊາໃຫຍ່ ລັດສະພາ ລະຫວ່າງ ຊາດອາຊຽນ ຄັ້ງທີ 47 (AIPA-47) ດ້ວຍຫົວຂໍ້ "ລັດຖະສະພາຮັບປະກັນໃຫ້ ອາຊຽນ ມີສັນຕິພາບ, ວັດທະນະຖາວອນ ແລະ ຖືປະຊາຊົນເປັນໃຈກາງ".

ຂປລ.ວິທະຍຸກະຈ່າຍສຽງ ຫວຽດນາມ, ວັນທີ 18 ພະຈິກ, ຢູ່ນະຄອນຫລວງ ມະນີລາ (ຟີລິບປິນ), ທ່ານ ເຈິ່ນ ແທງເໝີ້ນ ປະທານສະພາ ແຫ່ງຊາດ ຫວຽດນາມ ໄດ້ນຳໜ້າຄະນະຜູ້ແທນຂັ້ນສູງ ສະພາແຫ່ງຊາດ ຫວຽດນາມ ເຂົ້າຮ່ວມພິທີໄຂກອງປະຊຸມສະມັດຊາໃຫຍ່ ລັດສະພາ ລະຫວ່າງ ຊາດອາຊຽນ ຄັ້ງທີ 47 (AIPA-47) ດ້ວຍຫົວຂໍ້ "ລັດຖະສະພາຮັບປະກັນໃຫ້ ອາຊຽນ ມີສັນຕິພາບ, ວັດທະນະຖາວອນ ແລະ ຖືປະຊາຊົນເປັນໃຈກາງ".ໃນວັນດຽວກັນ, ທ່ານ ປະທານສະພາແຫ່ງຊາດ ເຈິ່ນແທງເໝີ້ນ, ທ່ານ ສອນໄຊ ສີພັນດອນ, ປະທານສະພາແຫ່ງຊາດ ລາວ, ແລະ ທ່ານ ນາງ ຄູນສຸ ດາຣີ(Khuon Sudary), ປະທານສະພາແຫ່ງຊາດ ກຳປູເຈຍ ໄດ້ພົບປະກັັນ, ໂດຍທັງການນຳສາມຝ່າຍ ໄດ້ເຫັນດີກ່ຽວກັບທິດທາງການຮ່ວມມື ໃນໄລຍະຈະມາເຖິງ, ໃນນັ້ນ, ມີການຈັດການພົບປະໂດຍກົງ ແລະ ທາງອອນລາຍ ລະຫວ່າງ ປະທານສະພາແຫ່ງຊາດ ສາມປະເທດ, ຜັນຂະຫຍາຍ ບັນດາການຢ້ຽມຢາມຂັ້ນສູງ, ຈັດການພົບປະແລກປ່ຽນລະຫວ່າງຄະນະກຳມາທິການ, ກຸ່ມສະມາຊິກ ລັດຖະສະພາມິດຕະພາບ, ສະມາຊິກ ລັດຖະສະພາໜຸ່ມ, ສະມາຊິກລັດຖະສະພາຍິງ ແລະ ສ້າງໂທລະສັບສາຍດ່ວນ ລະຫວ່າງ ລັດຖະສະພາ ສາມປະເທດ.ຈາກນັ້ນ ທ່ານ ເຈິ່ນແທງເໝີ້ນ ກໍ່ໄດ້ພົບປະກັບ ປະທານສະພາຕ່ຳຟີລິບປິນ, ປະທານ AIPA-47, ປະທານສະພາແຫ່ງຊາດ ສິງກະໂປ ແລະ ປະທານສະພານິຕິບັນຍັດ ບຣູໄນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL