ຂປລ
ກອງປະຊຸມ ເວທີປຶກສາຫາລື ອຸດສາຫະກຳ-ການຄ້າ ຂອງບຣິກສ ໄດ້ຈັດ ຂຶ້ນຢູ່ນະຄອນຫລວງ ນິວແດນລີ ຂອງອິນເດຍ ເມື່ອບໍ່ດົນມານີ້ ໂດຍສຸມໃສ່ ປຶກສາຫາລືຫົວຂໍ້ຕ່າງໆ ເຊັ່ນ: ການເພີ່ມທະວີ ຄວາມເຂັ້ມແຂງ ຂອງຕ່ອງໂສ້ການສະໜອງ, ຜະລິດຕະພັນ ກະສິກຳ ກັບ ນະວັດຕະກຳ ດ້ານວິທະຍາສາດ ເຕັກໂນໂລຊີກະສິກຳ, ການຄ້າການບໍລິການ ແລະ ເສດຖະກິດ ດິຈິຕອນ ເປັນຕົ້ນ.
ຂປລ.ວິທະຍຸ- ໂທລະພາບສູນກາງຈີນ, ກອງປະຊຸມ ເວທີປຶກສາຫາລື ອຸດສາຫະກຳ-ການຄ້າ ຂອງບຣິກສ ໄດ້ຈັດ ຂຶ້ນຢູ່ນະຄອນຫລວງ ນິວແດນລີ ຂອງອິນເດຍ ເມື່ອບໍ່ດົນມານີ້ ໂດຍສຸມໃສ່ ປຶກສາຫາລືຫົວຂໍ້ຕ່າງໆ ເຊັ່ນ: ການເພີ່ມທະວີ ຄວາມເຂັ້ມແຂງ ຂອງຕ່ອງໂສ້ການສະໜອງ, ຜະລິດຕະພັນ ກະສິກຳ ກັບ ນະວັດຕະກຳ ດ້ານວິທະຍາສາດ ເຕັກໂນໂລຊີກະສິກຳ, ການຄ້າການບໍລິການ ແລະ ເສດຖະກິດ ດິຈິຕອນ ເປັນຕົ້ນ. ໃນໂອກາດນີ້ ທ່ານ ຊຸບຣາມານຢາມ ໄຈຊານກາ ລັດຖະມົນຕີ ກະຊວງການຕ່າງປະເທດອິນເດຍ ໄດ້ກ່າວວ່າ: ສະຖານະການໂລກ ໃນປັດຈຸບັນ ແມ່ນເຕັມໄປດ້ວຍຄວາມປັ່ນປ່ວນ ແລະ ຄວາມບໍ່ແນ່ນອນ, ເຮັດໃຫ້ຄວາມເຂັ້ມແຂງ, ນະວັດຕະກຳ, ການຮ່ວມມື ແລະ ການພັດທະນາ ແບບຍືນຍົງ ມີຄວາມໝາຍສຳຄັນຍິ່ງ, ຕ້ອງໃຫ້ຄວາມສຳຄັນຕໍ່ ການເຊື່ອມຕໍ່ ລະບົບຕ່ອງໂສ້ ການສະໜອງ ແລະ ການອຳນວຍ ຄວາມສະດວກດ້ານການຄ້າ, ຄົ້ນຫາໂອກາດການຮ່ວມມື ໃນຂົງເຂດພື້ນຖານໂຄງລ່າງ ສາທາລະນະດິຈິຕອນ, ປັນຍາປະດິດ, ວິທະຍາສາດ ເຕັກໂນໂລຊີ ດ້ານການເງິນ ແລະ ອຸດສາຫະກຳການຜະລິດ ທີ່ກ້າວໜ້າ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
