ຂປລ
ໃນຂອບເຂດການເດີນທາງ ໄປປະຕິບັດຢູ່ ອິນເດຍ ເຂົ້າຮ່ວມກອງປະຊຸມສຸດຍອດ ກຸ່ມບັນດາພື້ນຖານເສດຖະກິດ ຫາກໍ່ພົ້ນເດັ່ນຂຶ້ນ (BRICS) ຄັ້ງທີ 18, ທ່ານ ເລມິງຮຶງ, ນາຍົກລັດຖະມົນຕີ ຫວຽດນາມ ໄດ້ມີການພົບປະເຈລະຈາ ກັບ ທ່ານ ນາເຣນທຣາ ໂມດີ, ນາຍົກລັດຖະມົນຕີ ອິນເດຍ ໂດຍການນຳທັງສອງປະເທດ ໄດ້ສະແດງຄວາມຕັດສິນໃຈ ຍູ້ແຮງບັນດາມາດຕະການ ເພື່ອແນໃສ່ນຳວົງເງິນການຄ້າສອງສົ້ນ ບັນລຸລະດັບ 25 ຕື້ໂດລາສະຫະລັດ ໂດຍໄວ
ຂປລ.ວິທະຍຸ ກະຈ່າຍສຽງ ຫຽດນາມ, ວັນທີ 12 ກັນຍາ, ຢູ່ນະຄອນຫລວງ ນີວເດລີ, ໃນຂອບເຂດການເດີນທາງ ໄປປະຕິບັດຢູ່ ອິນເດຍ ເຂົ້າຮ່ວມກອງປະຊຸມສຸດຍອດ ກຸ່ມບັນດາພື້ນຖານເສດຖະກິດ ຫາກໍ່ພົ້ນເດັ່ນຂຶ້ນ (BRICS) ຄັ້ງທີ 18, ທ່ານ ເລມິງຮຶງ, ນາຍົກລັດຖະມົນຕີ ຫວຽດນາມ ໄດ້ມີການພົບປະເຈລະຈາ ກັບ ທ່ານ ນາເຣນທຣາ ໂມດີ, ນາຍົກລັດຖະມົນຕີ ອິນເດຍ ໂດຍການນຳທັງສອງປະເທດ ໄດ້ສະແດງຄວາມຕັດສິນໃຈ ຍູ້ແຮງບັນດາມາດຕະການ ເພື່ອແນໃສ່ນຳວົງເງິນການຄ້າສອງສົ້ນ ບັນລຸລະດັບ 25 ຕື້ໂດລາສະຫະລັດ ໂດຍໄວ, ສ້າງເງື່ອນໄຂເຂົ້າເຖິງຕະຫລາດ ໃຫ້ແກ່ ຜະລິດຕະພັນຂອງສອງປະເທດ, ພິເສດແມ່ນການຢາ, ຜະລິດຕະພັນກະເສດ, ຜະລິດຕະພັນການປະມົງ ແລະ ສັດລ້ຽງ. ທ່ານນາຍົກລັດຖະມົນຕີ ເລມິງຮຶງ ສະເໜີ ສອງຝ່າຍ ສ້າງແລວເສດຖະກິດ ແລະ ລະບົບຕ່ອງໂສ້ການສະໜອງ ເພື່ອແນໃສ່ເພີ່ມທະວີການເຊື່ອມຕໍ່ ສອງພື້ນຖານເສດຖະກິດ, ພິຈາລະນາ ເລີ່ມຕົ້ນການເຈລະຈາ ສັນຍາການຄ້າເສລີສອງຝ່າຍ, ພ້ອມທັງ ຕັ້ງໜ້າປະສານສົມທົບກັບ ບັນດາປະເທດ ອາຊຽນ ຊຸກຍູ້ການສຳຫລວດກວດກາ ສັນຍາການຄ້າ ວັດທະນະທຳ ອາຊຽນ - ອິນເດຍ ໃຫ້ສົມບູນແບບໂດຍໄວ. ການນຳທັງສອງຝ່າຍ ປາດຖະໜາ ຢາກເສີມຂະຫຍາຍທ່າແຮງ ຂອງສອງປະເທດ ກ່ຽວກັບ ການເຊື່ອມຕໍ່ວັດທະນະທຳ, ສີວິໄສ, ປະຫວັດສາດ ແລະ ສາສະໜາເພື່ອເປີດກວ້າງ ກວ່າອີກການຮ່ວມມື ການທ່ອງທ່ຽວ, ວັດທະນະທຳ, ການອະນຸລັກຮັກສາ ແລະ ເສີມຂະຫຍາຍ ບັນດາຄຸນຄ່າວັດທະນະທຳ, ການພົບປະແລກປ່ຽນປະຊາຊົນ, ປະກອບສ່ວນປັບປຸງພື້ນຖານ ອັນໝັ້ນແກ່ນດ້ານມິດຕະພາບ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
