ຂປລ
ເນປານ ຄາດວ່າ ຕ້ອງການເງິນປະມານ 4,78 ຕື້ໂດລາ ສະຫະລັດ ເພື່ອແກ້ໄຂຜົນຕາມມາ ແລະ ການສ້າງຕັ້ງ ພາຍຫລັງ ໄພພິບັດ ນ້ຳຖ້ວມ ຢ່າງຮ້າຍແຮງ ເມື່ອເດືອນສິງຫາ ຜ່ານມາ
ຂປລ.ວິທະຍຸກະຈາຍສຽງ ຫວຽດນາມ: ເມື່ອບໍ່ດົນມານີ້, ເນປານ ຄາດວ່າ ຕ້ອງການເງິນປະມານ 4,78 ຕື້ໂດລາ ສະຫະລັດ ເພື່ອແກ້ໄຂຜົນຕາມມາ ແລະ ການສ້າງຕັ້ງ ພາຍຫລັງ ໄພພິບັດ ນ້ຳຖ້ວມ ຢ່າງຮ້າຍແຮງ ເມື່ອເດືອນສິງຫາ ຜ່ານມາ, ໃນສະພາບການ ດັ່ງກ່າວ ປະເທດນີ້ ໄດ້ຮຽກຮ້ອງ ປະຊາຄົມໂລກ ໃຫ້ໜູນຊ່ວຍໃນໄລຍະຍາວນານ ເພື່ອຮັບມືກັບ ບັນດາ ໄພພິບັດ ທຳມະຊາດ ທີ່ນັບມື້ ນັບເພີ່ມຂຶ້ນ.
ທ່ານ Lok Bahadur Chhetri ໂຄສົກ ກະຊວງ ການຕ່າງປະເທດ ເນປານ ໃຫ້ຮູ້ວ່າ ບ້ວງເງິນ ປະມານ 4,78 ຕື້ໂດລາ ສະຫະລັດ, ໃນນັ້ນ ລວມມີ ເງິນປະມານ 57ລ້ານໂດລາ ສະຫະລັດ. ໃນນັ້ນ ຕ້ອງການ ນຳໃຊ້ ເຂົ້າໃນໃນວຽກງານ ການແກ້ໄຂ ແລະ ຟື້ນຟູໃນ 6 ເດືອນ ຈະມາເຖິງນີ້. ຂະນະທີ່ ມີປະມານ 4,71 ຕື້ ໂດລາ ສະຫະລັດ ໃຫ້ແກ່ວິວັດການ ສ້າງປະເທດ ໃນໄລຍະຍາວ.
ເມື່ອຄິດໄລ່ຮອດ ວັນທີ 11 ກັນຍາ, ໄພພິບັດດັ່ງກ່າວ ໄດ້ເຮັດໃຫ້ມີ ຜູ້ເສຍຊີວິດ ຢ່າງໜ້ອຍສຸດ 1.428 ຄົນ ແລະ ກວ່າ 5.649 ຄົນ ຫາຍສາບສູນ ຢູ່ເນປານ. ໃນນັ້ນ ລວມມີ ຊາວຕ່າງປະເທດປະມານ 800 ຄົນ, ລວມມີ ແຂກທ່ອງທ່ຽວ ແລະ ຜູ້ກັບເມືອບ້ານ./
KPL
