ຂປລ
ຂປລ. ແຫລ່ງຂ່າວຈາກແຂວງ ຄຳມ່ວນ ໃຫ້ຮູ້ວ່າ: ແຂວງຄໍາມ່ວນ ລະດົມການຊ່ວຍເຫລືອສູ່ປະຊາຊົນ ຜູ້ປະສົບໄພນໍ້າຖ້ວມ ໂດຍມອບ ເຄື່ອງອຸປະໂພກ-ບໍລິໂພກ ມູນຄ່າ 350 ລ້ານກີບ
ໃຫ້ຄະນະກໍາມະການ ຄຸ້ມຄອງໄພພິບັດ 10 ເມືອງ ເພື່ອນໍາ ໄປແຈກຢາຍແກ່ປະຊາຊົນທີ່ປະສົບ ໄພ. ພິທີມອບ-ຮັບ ຈັດຂຶ້ນເມື່ອມຊ່ມານ້ີ ທີ່ຈຸດຮັບເຄ່ືອງຊ່ວຍເຫລືອ ຫ້ອງວ່າການ ແຂວງຄໍາມ່ວນ ໂດຍ ມີ ທ່ານ ເດດສັກດາ ມະນີຄໍາ ຮອງ ປະທານຄະນະກໍາມະການປົກຄອງ ແຂວງ, ປະທານຄະນະກໍາມະການ ຄຸ້ມຄອງໄພພິບັດຂັ້ນແຂວງຄຳມ່ວນ ເປັນຜູ້ຕາງໜ້າໃນການມອບຄັ້ງນີ້. ເຄື່ອງຊ່ວຍເຫລືອປະກອບມີ: ເຂົ້າສານ, ນໍ້າດື່ມ, ໝີ່ສຳເລັດຮູບ ແລະ ເຄື່ອງອຸປະໂພກ-ບໍລິໂພກທີ່ຈໍາ ເປັນ ໂດຍຈະຈັດສົ່ງຕໍ່ໃຫ້ປະຊາຊົນ ຜູ້ປະສົບໄພນ້ໍາຖ້ວມຢູ່ບັນດາເມືອງ ເພ່ືອແບ່ງເບົາຄວາມລໍາບາກ ແລະ ບັນເທົາຜົນກະທົບ ໃນໄລຍະຟື້ນຟູ ຈາກໄພພິບັດ.
ຂ່າວ : ມະນີວັນ
KPL
