ຂປລ
ຍ້ອນໄດ້ຮັບຜົນກະທົບ ຈາກສົງຄາມ ທີ່ເກີດຂຶ້ນ ຢູ່ຕາເວັນອອກກາງ, ວັນທີ 10 ກັນຍານີ້, ລາຄານ້ຳມັນສາກົນ ເພີ່ມສູງຂຶ້ນ ຢ່າງຫລວງຫລາຍ.
ຂປລ.ວິທະຍຸ-ໂທລະພາບສູນກາງຈີນ, ຍ້ອນໄດ້ຮັບຜົນກະທົບ ຈາກສົງຄາມ ທີ່ເກີດຂຶ້ນ ຢູ່ຕາເວັນອອກກາງ, ວັນທີ 10 ກັນຍານີ້, ລາຄານ້ຳມັນສາກົນ ເພີ່ມສູງຂຶ້ນ ຢ່າງຫລວງຫລາຍ. ນັບມາຮອດເວລາປິດຕະຫລາດ ຂອງວັນດຽວກັນ, ລາຄານ້ຳມັນດິບ ທາດເບົາ ທີ່ສັ່ງຊື້ລ່ວງໜ້າ ສຳລັບ ສົ່ງມອບໃນເດືອນຕຸລາ ຂອງຕະຫລາດຊື້-ຂາຍສິນຄ້ານິວຢອກ ໄດ້ເພີ່ມຂຶ້ນ 6,69%; ລາຄານ້ຳມັນດິບ ແບຣນລອນດອນ ທີ່ສັ່ງຊື້ລ່ວງໜ້າສຳລັບສົ່ງມອບ ໃນເດືອນພະຈິກ ໄດ້ເພີ່ມຂຶ້ນ 6.34%. ຕົວເລກຂໍ້ມູນຈາກບໍລິສັດ “ຄູ່ຮ່ວມນ້ຳມັນ ແອັດຊັງ” ທີ່ຕິດຕາມລາຄານ້ຳມັນແອັດຊັງ ຂອງ ສ.ອາເມລິກາ ສະແດງໃຫ້ເຫັນວ່າ: ມື້ດຽວກັນ, ລາຄາສະເລ່ຍ ຂອງນ້ຳມັນກາຊວນ ໃນທົ່ວປະເທດ ອາເມລິກາ ໄດ້ລື່ນກາຍ 6 ໂດລາສະຫະລັດ ຕໍ່ດາລອນ ເປັນຄັ້ງທຳອິດ ໃນປະຫວັດສາດ. ນັກວິເຄາະຊີ້ອອກວ່າ: ຕາບໃດທີ່ ການປະທະກັນ ທາງການທະຫານ ຢູ່ຕາເວັນອອກກາງ ບໍ່ສິ້ນສຸດລົງ ແລະ ການເດີນເຮືອຢູ່ຊ່ອງ ແຄບຮໍມູສ ບໍ່ໄດ້ຮັບການຟື້ນຟູ ໃຫ້ເປັນປົກກະຕິ, ມູນຄ່າເພີ່ມ ທາງພູມສາດການເມືອງ ໃນລາຄາຂອງຕະຫລາດ ພະລັງງານ ຈະບໍ່ຕົກຕ່ຳລົງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
